2. (Вопреки) къаршы, бакъмадан; поступать

против правил – къанунларгъа бакъмадан арекет

этмек; 3. (от) къаршы; лекарство против кашля –

оксюрикке къаршы илядж, оксюриктен илядж; 4. (по

сравнению) бакъкъанда, нисбетен, коре; рост

выпуска продукции против прошлого года –

былтыргъа нисбетен махсулатнынъ осюви; 5. в знач.

сказуем. къаршы олмакъ; я не против – мен

къаршы дегилим; 6. (напротив) къаршысында,

къаршыда; против окна – пенджеренинъ

къаршысында

противник 1. душман, яв; 2. (в спорте, игре) ракъип

противный олмайджакъ (неприятный); противный

ребёнок, опять испачкался – олмайджакъ бала, кене

булашты

противодействие къаршылыкъ, мукъавемет,

къаршы тесир

противодействовать къаршы тесир этмек

противоположность къарама-къаршылыкъ, хиляф

противоположный 1. (противолежащий) къаршы,

къаршыдаки; на противоположной стороне –

къаршы тарафта; 2. (несходный) къарама-къаршы,

зыт, акси; противоположные мнения – бир бирине

зыт фикирлер

Противопоставить (противопоставлять)

къаршылаштырмакъ

противоречие зыддиет

противоречить итираз этмек; зыт кельмек

противоэпидемический эпидемиягъа къаршы;

противоэпидемические мероприятия –

эпидемиягъа къаршы тедбирлер

протокол протокол

протянуть (протягивать) 1. (натянуть, провести)

чекмек, кечирмек; 2. (дать) узатмакъ; протянуть

ребёнку игрушку – балагъа оюнджакъ узатмакъ;

3. (Затянуть, задержать) узатмакъ, созмакъ;

протянуть время – вакъытны узатмакъ

проулок аралыкъ

профессиональный ихтисасий

профессия унер, зенаат, меслек

профилактика профилактика

профиль профиль

прохладный салкъын, серин

проход кечит, отюш; горный проход – дагъ кечити;

узкий проход – тар кечит; слуховой проход –

къулакъ кечити

процветание абаданлыкъ, гулленме; привести к

процветанию – абад этмек, абадан этмек

процветающий абад, абадан

процент фаиз

процесс процесс; процессы жизнедеятельности –

яшайыш фаалиети процесслери

процессия кечит

прочный темелли

прошедшее мази

прошедший кечмиш; прошедшее время – кечкен

заман

прошлое кечмиш, мази (мазы); в прошлом –

кечмиште; прошлое и настоящее – кечмиш ве

ал-азыр; далёкое прошлое – узакъ мази

прошлогодний былтырки

прошлый кечмиш, кечкен, кечен; на прошлом

концерте было много народу – кечкен концертте

адам чокъ эди; прошлый год был дождливым –

кечкен йыл ягъмурлы олды

Проявить (проявлять) : проявить непослушание

(неповиновение, неподчинение) – итаатсызлыкъ

этмек; проявлять постоянство – вефа этмек

пружина пружина

прут чубукъ

прыгалка атлавуч

прыгнуть (прыгать) секирмек, сычрамакъ,

атламакъ

прыгун сычрайыджы

прыжок сычрав

прыть : во всю прыть – гаса-гумпа (гаса-гумфа)

прыщ сызлавукъ

пряжа йиплик, такъа, къушакъ башы; шерстяная

пряжа – юнь йиплиги; хлопчатобумажная пряжа –

памукъ йиплиги

прямо 1. догъру; 2. (непосредственно) вастасыз,

биваста

прямой догъру; вастасыз (непосредственный)

прямоугольник тюзкошелик

прямоугольный тюзкошели

пряник пряник

прятать сакъламакъ

прятаться сакъланмакъ

прятки сакъланчакъ (игра)

психология рухият (Ч.)

птица къуш

птицеферма къуш фермасы

пугало къоркъулыкъ

пугливый абдыравукъ

пуговица дёгме

пудель пудель

пузатый къалын къурсакъ, къурсакълы

пузырь къабарчыкъ; пуска, къувукъ; уфакъ

шишечик

пульс набыз

пульсация набыз

пульсировать урып турмакъ, набызы урып турмакъ

пуля къуршун

пуповина кобек багъы

пупок кобек

пупырчатый будюрли, будюр-будюр

пупырышек будюрчик

пурга къар бораны

пустить (пускать) йибермек

пуститься (пускаться) : пуститься наутёк –

къача-къач этмек

пустой бош

пустомеля бошбогъаз, лафазан, дильбаз, зевзек,

ошором

пустошь ува

пустырь ува

пусть барсын, кель, тийме; пусть в этот раз будет

по- твоему – кель, бу сефер сенинъ дегенинъ олсун;

пусть будет так – барсын ойле олсун; пусть

гнездятся, не трогай – барсын юва япсынлар,

тийме

путеводитель къылавуз

путеводный ёл косьтериджи

путешественник сеяатчы, сеякъ

путешествие сеяат, ёлджулыкъ; отправиться в

путешествие – ёлджулыкъкъа чыкъмакъ

путешествовать сеяат этмек

путник ёлджу, ёлджу-ёлавджы

путы кишен, тыршав

путь ёл; сбиться с пути – ёлуны адаштырмакъ

пух пуф

пухленький посалакъ

пучеглазый патлакъкозь

пушка топ

пчела балкъурт; рабочая пчела – ишчи балкъурт;

медоносная пчела – бал ташыйыджы балкъурт

пчеловод балкъуртчы, балджы

пчеловодство балкъуртчылыкъ, балджылыкъ

пшеница богъдай

пшено тюй

пылить тозлатмакъ, тоз чыкъармакъ, чанъгъытмакъ

пыль тоз, тозан

пыльца чичек тозчыгъы

пырей домуз тамыр, къара пичен

пытать ишкендже япмакъ

пытаться ымтылмакъ (ынтылмакъ), талпынмакъ,

тырышмакъ; пытаться ходить - (о ребёнке)

талпынмакъ

пытка ишкендже; орудия пыток – ишкендже

алетлери; подвергать пыткам – ишкендже япмакъ

пышность салтанат, дебдебе

пышный салтанатлы, дебдебели, мутешем (мухтешем)

пьеса пьеса

пьяница ичкиджи

пьянка ички

пьянство ичкиджилик

пьяный сарош (сархош), мест (месит); вдрызг

пьяный – зыр-сарош

пюре пюре, эзме

пядь сюем

пяльцы кергеф

пятиконечный бешкоше

пятилетка бешйыллыкъ

пятка табан

пятнадцать он беш

пятница джума

пятый бешинджи

пять беш

пятьдесят элли

пятьсот беш юз

Р р

раб къул

рабовладельческий къуллукъ…, къул саиби…; рабовладельческий строй – къуллукъ къурумы, къул саиби къурумы

работа 1. (деятельность) иш, ишлеме, фаалиет;

работа машины – машинанынъ ишлемеси; 2.

(занятие, труд) иш, эмек, мешгъулиет;

заниматься научной работой – ильмий ишинен

огърашмакъ; 3. (производственная деятельность)

ишлер; полевые работы – тарла ишлери; 4. иш,

эсер; письменная работа – язма иш; без работы –

ишсиз, ишсиз-кучьсюз; остаться без работы –

ишсиз-кучьсюз къалмакъ

работать 1. (заниматься, трудиться) ишлемек,

чалышмакъ; работать на фабрике – фабрикада

чалышмакъ; работать на нескольких станках –

бир къач тезьяда ишлемек; телефон не работает –

телефон ишлемей; 2. (занимать должность)

чалышмакъ; работать главным инженером – баш

муэндис олып чалышмакъ; 3. (быть открытым)

ачып олмакъ, ишлемек, чалышмакъ; магазины

работают до 7 часов вечера – тюкянляр акъшам

саат едиге къадар чалышалар

работник ишчи, хадим; научный работник –

ильмий хадим

работница ишчи къадын, ишчи; опытная

работница – теджрибели ишчи

рабочий 1. ишчи (сущ.); 2 иш…, ишчи…(прил.);

рабочее место - иш ери; рабочие дни – иш

куньлери; рабочая одежда – иш урбасы; рабочий

класс – ишчи сыныфы

рабство къуллукъ

раввин раввин

равенство мусавийлик, бераберлик; социальное

равенство – ичтимаий тенълик

равнение тюзленюв, тегизленюв

равнина тюзлюк, тегизлик, тегиз ер, ува

равно мусавий (мат.)

равновесие мусавий келюв, мусавий келювлик;

теразе келюв (хим.)

равнодушие первасызлыкъ

равнодушно первасыз, лякъайт; равнодушно

смотреть – первасыз бакъмакъ

равнодушный 1. первасыз, лякъайт; равнодушный

человек – первасыз адам; 2. меракъланмагъан,

авеси ёкъ; он равнодушен к музыке – чалгъыгъа

авеси ёкъ

равнозначный мусавий къыйметли (мат.);

равнозначные слова – манадаш сёзлер (лингв.)

равномерный мусавий ольчюли

равноправие мусавийлик, тенъ укъукълылыкъ;

равноправие наций – миллетлернинъ

мусавийлиги

равноправный мусавий, мусавий акълы, мусавий

укъукълы

равносторонний мусавий янлы

равный мусавий, бир, тенъ; равной длины – бир

узунлыкъта, узунлыгъы бир;  всё равно – эписи

бир

равняться тюзленмек, тегизленмек

рагу рагу

рад хошнут, мемнюн, шад; я очень рад, что

получил письмо – мектюп алгъаныма пек

хошнутым

радение зикир

ради ичюн, деп; ради вас я готов это сделать –

сизлер ичюн буны япмагъа азырым

радиатор радиатор

радиация радиация

радий радий

радикал радикал

радикулит радикулит

радио радио

радиоактивность радиоактивлилик

радиоактивный радиоактив, радиоактивли;

радиоактивные вещества – радиоактив мадделер

радиола радиола

радиология радиология

радиопередача яйын, радиоэшиттирюв

радиоприёмник радио къабул этиджи

радиосеть радио агъы

радиоспорт радиоспорт

радиостанция радиостанция

радиотехника радиотехника

радиоузел радиоузел

радиофикация радиолаштырув

радиофицировать радиолаштырмакъ

радиус радиус

радовать севиндирмек, къувандырмакъ

радоваться севинмек, къуванмакъ, нешеленмек,

хошнут олмакъ; очень радоваться – онъып осьмек

(чему-либо)

радон радон

радостно севинчнен, къуванчнен, шадлыкънен,

севинип, къуванып, куле-куле

радостный севинчли, къуванлы

радость севинч, къуванч, неше, шадлыкъ

радуга кок къушагъы, ягъмур къушагъы

радушный сыджакъкъанлы

раз 1. кере, сефер, дефа; много раз – чокъ кере; в

прошлый раз – кечкен сефер; на это раз – бу

сефер; ещё раз – бир даа; в следующий раз – бир

даасына; 2. (при счёте) бир

разбить (разбивать) 1. (расколоть) къырмакъ,

сындырмакъ, парчаламакъ; разбить стекло –

джамны къырмакъ; 2. (ранить) яраламакъ, тешмек,

парламакъ; разбить голову – башыны тешмек,

башыны парламакъ; 3. (нанести поражение)

енъмек, дарма-дагъын этмек, тар-мар этмек;

магълюбиетке огъратмакъ; разбить врага –

душманны дарма-дагъын этмек; 4. (разделить)

больмек, парчаламакъ, айырмакъ; 5. (посадить)

къурмакъ, ачмакъ; разбить сад – багъча къурмакъ

разбиться (разбиваться) 1. (на части) къырылмакъ,

сынмакъ, парчаланмакъ; зеркало разбилось –

кузьгю сынды; 2. (пораниться) яраланмакъ,

урулмакъ; 3. (насмерть) ольмек; он упал с лошади

и разбился – о аттан йыкъылып ольди; 4. (прийти

в негодность) бозулмакъ, харап олмакъ;