- •Беларуская літаратура
- •Аб спецыфіцы літаратуры
- •Першакрыніцы мастацкай творчасці
- •Ад антычнасці да сярэднявечча
- •Дантэ аліг'еры (1265-1321)
- •Пытанні для кантролю
- •Літаратура старажытнай русі
- •"Аповесць мінулых гадоў"
- •"Слова пра паход ігаравы"
- •'Жыціі" I пропаведзі
- •Пытанні для кантролю
- •Эпоха адраджэння
- •Старабеларуская літаратура беларуска-літоўскія летапісы
- •Літаратура канца XVI - першай паловы XVII ст. Ідэі рэфармацыі
- •Палітычная сатыра I гісторыка-мемуарная проза
- •Вершаскладанне I драматургія
- •Развіццё новай беларускай літаратуры XIX ст. Рамантызм
- •Літаратурная творчасць у новых гістарычных умовах
- •Таварыства філаматаў. Ян чачот. Адам міцкевіч
- •Ян баршчэўскі I паэты-дэмакраты
- •Ананімныя паэмы "энеіда навыварат" I "тарас на парнасе"
- •Пытаннідля кантролю
- •Рэалізм як вядучы літаратурны напрамак
- •Францішак багушэвіч (1840-1900)
- •Элаіза ажэшка (1841-1910)
- •Кастусь каліноўскі. Газета "мужыцкая праўда"
- •Працяг дэмакратычных традыцый
- •Пытанні для кантролю
- •Паскоранае развіццё I станаўленне літаратуры. Новыя імёны
- •Росквіт прыгожага пісьменства на беларусі
- •Літаратурны рух на беларусі ў 20-30-я гады XX ст.
- •Дзейнасць літаратурных аб'яднанняў на беларусі
- •Пытанні для кантролю
- •Літаратура перыяду вялікай айчыннай вайны
- •Першае I другое пасляваенныя дзесяцігоддзі
- •Ваенная тэма ў беларускай літаратуры
- •Пытанні для кантролю
- •Беларуская літаратура на сучасным этапе. Проза
- •Пытанні для кантролю
- •Драматурпя
- •Пытанні для кантролю
- •Класікі беларускай літаратуры янка купала (1882-1942)
- •Пытанні для кантролю
- •Якуб колас (1882-1956)
- •Янка Купала і Якуб Колас: агульнае і адрознае ў творчасці.
- •Пытанні для кантролю
- •Максім багдановіч (1891-1917)
- •Пытанні для кантролю
- •Алесь гарун (1887-1920)
- •Пытанні для кантролю
- •Максім гарэцкі
- •Кандрат крапіва (1896-1991)
- •Пытанні для кантролю
- •Кузьма чорны (1900-1944)
- •Пытанні для кантролю
- •Андрэй мрый (1893-1943)
- •Пытанні для кантролю
- •Міхась зарэцкі (1901-1937)
- •Пытанні для кантролю
- •Пятрусь броўка (1905-1980)
- •Пытаннідля кантролю
- •Максім танк (1912-1997)
- •Пытанні для кантролю
- •Аркадзь куляшоў (1914-1978)
- •Пытанні для кантролю
- •Пімен панчанка (1917-1995)
- •Пытанні для кантролю
- •Іван мележ (1921-1976)
- •Пытанні для кантролю
- •Янка брыль (1917-2006)
- •Пытаню для кантролю
- •Уладзімір караткевіч (1930-1984)
- •Пытанні для кантролю
- •Іван шамякін (1921-2004)
- •Пытанні для кантролю
- •Васіль быкаў (1924-2003)
- •Пытанні для кантролю
- •Андрэй макаёнак (1920-1982)
- •Пытанні для кантролю
- •Гуманістычныя традыцыі сусветнай класікі томас ман (1875-1955)
- •Пытанні для кантролю
- •Эрнэст хемінгуэй (1899-1961)
- •Пытанні для кантролю
- •Заключэнне
- •Беларуская літаратура
Ваенная тэма ў беларускай літаратуры
У беларускай літаратуры ў пасляваенны час надоўга і трывала запанавала ваенная тэма. Тэма вайны, цяжкай, непасільнай, руйнуючай не толькі хутары, вёскі, гарады, але і звыклы лад жыцця, душы людскія, была, бадай, адзіным абсягам, дзе галоўным стаў паказ гераізму і патрыятызму народа ў святой справе абароны роднай зямлі ад чужаземных захопнікаў.
Доўгі час вайна малявалася ў літаратуры як супраць-стаянне двух светаў, дзвюх ідэалогій - духоўнасці і без-духоўнасці, як выяўленне каштоўнасці чалавечага жыцця, як яшчэ адна спроба зразумець магчымасці чалавека ў вірлівых катаклізмах XX ст. За гэтую асаблі-вую прывязанасць да ваенных падзей у адрас літарату-ры, у тым ліку беларускай, не аднойчы сыпаліся папро-кі, што, маўляў, падзеі вайны займаюць зашмат месца ў мастацкіх творах, што ваеннае супрацьстаянне стала для многіх пісьменнікаў ледзь не своеасаблівай рэлігіяй. Занадта балючымі і цяжкімі былі ўспаміны аб вайне ў народа Беларусі. Таму найбольш трывалае месца ў
нашай літаратуры занялі матывы чалавечых страт і чалавечага болю, расчараванняў і пакут, матывы здзе-каў і гвалту над чалавечай прыродай, апісанні таго, якімі агромністымі высілкамі і далёка не ўсім удавалася вы-жыць і заставацца чалавекам у ваеннае ліхалецце.
Для беларускай літаратуры найболып трывалыя поспехі надоўга былі звязаны з распрацоўкай вострых і набалелых праблем мінулай вайны. Старажытная зямля Беларусі, з яе шматпакутным народам, якая па сваім геапалітычным становішчы знаходзіцца нібы на сямі вятрах і не раз станавілася арэнай, полем крывавых бітваў, здолела столькі вынесці, перажыць, ды не зла-мацца, не загібець, а выстаяць.
Адзначым дзеля справядлівасці, што вайна і ваеннае супрацьстаянне маляваліся ў беларускай літаратуры не заўсёды аднолькава, у розныя часы па-рознаму. Умоўна можна вылучыць пяць этапаў у асвятленні падзей міну-лай вайны ва ўсёй беларускай літаратуры.
Першы этап звязаны з паказам вайны перамоганос-най, маштабнай, эпахальнай, вайны народаў, франтоў, ставак, падполля і тылу, вайны партызанскай. У літара-туры панавала так званая "тэорыя бесканфліктнасці". Жыла эйфарыя перамогі ў грамадстве. Беларусь у такіх; творах знаходзілася ўся ў агні пажарышчаў і папяліш-чаў ("У агні" I. Гурскага), малявалася згуртаванасць народаў перад небяспекай усеагульнага вынішчэння ("Згуртаванасць" М. Ткачова), паказваліся гераічныя старонкі змагання ("Брэсцкая крэпасць" К. Губарэвіча, "Канстанцін Заслонаў" А. Маўзона), найбольш удалыя ваенныя аперацыі па вызваленні роднага краю ад вора-гаў-чужынцаў ("Мінскі напрамак" I. Мележа). Паэтыч-ныя радкі гучалі заклікам да святой барацьбы з захопні-камі ("Беларускім партызанам" Я. Купалы, паэма "Бела-русь" П. Броўкі). Ваенны час разглядаўся ў такіх творах не іначай як час лёсавызначальны, а падзеі, з ім звяза-ныя, заставаліся на доўгі час векапомнымі ("Векапомныя дні" М. Лынькова).
У такіх творах яшчэ не было месца людскім адчуван-ням, асабістым бедам, трывогам за заўтрашні дзень, на першым плане - батальныя сцэны, подзвігі герояў, военачальнікаў і камандзіраў. Дзеянні адбываюцца ў глабальным маштабе, у штабах на фронце і партызанскіх зямлянках. На велізарных прасторах ідзе змаганне не на жыццё, а на смерць.
Другі этап у распрацоўцы ваеннай тэмы распачаўся ў канцы 50-х - пачатку 60-х гадоў, калі мастакі слова, нарэшце, звярнуліся да суровай праўды ваеннага часу. XX з'езд партыі камуністаў "адкрыў шлюзы" для ўра-чыстасці праўды. Амаль з дакументальнай дакладнасцю ў літаратуры пачалі паказваць і жорсткасць, бесчала-вечнасць вайны, пакуты чалавека на вайне, сталі раскрываць далёка не прываблівыя карціны вынішчэння ўсяго жывога на зямлі, вытручвання з душ людскіх леп-шых пачуццяў, нівеліроўку характараў. Загаварылі пра кар'ерызм на фронце, траскучую рыторыку пустых заклікаў да змагання, галавацяпства некаторых каман-дзіраў, пра дэмагагічнасць разважанняў аб нашых пера-могах, "шапказакіданне" на пачатку вайны, альбо і про-ста пра пралазлівасць, падман, здзек, спробу схавацца за чужымі спінамі, імкненне любой цаной выжыць у крывавай бойні. Гэты этап бярэ пачатак з выхадам у свет аповесці I. Шамякіна "Агонь і снег" - адной з частак кнігі "Трывожнае шчасце".
Менавіта на гэты перыяд прыпадае і прыход у бела-рускую літаратуру В. Быкава, празаіка вострага і бес-кампрамісна-праўдзівага, які, здавалася б, "аддаў" іншым пісьменнікам усё - штабы і стаўкі, дзеянне на франтах і ў тыле, але не адступіўся, не забыўся толькі на аднаго, самага галоўнага ўдзельніка вялікай бітвы -радавога байца, простага салдата, на плечы якога і лёг асноўны цяжар вырашэння ваеннага канфлікту.
"Чалавек - работнік на фронце" - вось лейтматыў твораў В. Быкава ("Жураўліны крык" (1960), "Трэцяя ракета", "Здрада" (1962), "Пастка" (1965). Пісьменнік увесь час імкнецца пранікнуць у душу і самаадчуванне радавога ўдзельніка ваенных аперацый, які залее ў акопчыку, у чыстым полі, у лясным гушчары. I твар байца змарнелы, і харч не падвезлі, і вораг можа з'явіц-ца ў любы момант, а за каўнер шынялька сыпецца пясча-ны жвір з акопа, і цябе дабіваюць, дастрэльваюць варо-жыя салдаты, датоптваюць танкі непрыяцеля. 3 журбой і надзеяй углядаецца баец у высокае неба, чуючы там выратавальнае курлыканне журавоў, усім сэрцам адчу-ваючы пачварнасць і ненавіснасць вайны.
Трэці этап літаратуры аб вайне звязаны, як адзнача-ла тагачасная крытыка, з феерычным усплескам даку-менталістыкі. З'явілася шмат твораў мемуарнага жанру. Гэта былі дзённікавыя запіскі, развагі і літаратурныя апрацоўкі ўспамінаў удзельнікаў ваенных падзей. У іх прываблівала жывая канкрэтыка, рэальнасць падзей, вострая памяць на дэталі быццам ужо далёкага, але яшчэ трывалага ў свядомасці мінулага. Перажыта - ды не забыта. З'яўляюцца мемуары военачальнікаў, каман-дзіраў, дзеячоў фронту і тылу. Менавіта на гэты перыяд прыпадае выхад кнігі па-сапраўднаму унікальнай -мастацкага дакумента часу, успамінаў выжыўшых ахвяр шматлікіх беларускіх Хатыняў - "Я з вогненнай вёскі" А. Адамовіча, Я. Брыля, У. Калесніка, а таксама другое выданне ўспамінаў дзяцей вайны "Ніколі не забудзем".
На чацвёртым этапе звяртаў на сябе пільную ўвагу чытачоў зварот пісьменнікаў да жаночай і дзіцячай памяці, якая, як аказалася, была надта ўчэпістай, тры-валай на жывыя, непасрэдныя ўражанні аб днях, што ніколі не забудуцца ("Суд у Слабадзе" В. Казько, "Ганд-лярка і паэт", "Шлюбная ноч", "Вазьму твой боль" I. Шамякіна).
Пяты этап паказу вайны ў беларускай літаратуры выявіў тэндэнцыю да філасофска-інтэлектуальнага асэнсавання падзей вайны як падзей усеагульнага ня-вечання і разбурэння: зямлі, жытла, душ людскіх. Угэтым рэчышчы напісаны аповесці В. Быкава "Знак бяды", "У тумане", "Кар'ер", а таксама раманы I. Наву-менкі "Сасна пры дарозе" (1962), "Вецер у соснах" (1967), "Сорак трэці" (1974), "Смутак белых начэй" (1980), I. Чыгрынава "Плач перапёлкі" (1972), "Апраўданне крыві" (1977), "Свае і чужынцы" (1984), іншыя творы беларускіх пісьменнікаў.
Асвятленне падзей вайны ў мастацкай практыцы беларускіх пісьменнікаў праходзіла ў настойлівых пошуках, у жаданні "прабіцца" да самога чалавека, у імкненні зразумець і спасцігнуць усю паўнату чалаве-чых адчуванняў у суровых умовах выпрабавання фізіч-ных і духоўных сіл.