- •Baylıq penen aqıl Tekseriw diktantı
- •Jazlawda Kóshirip jazıw diktantı
- •Qasharmannıń qızıgı Kóshirip jazıw diktantı
- •Qarlıǵash Tallaw diktantı Almasıqtı tabıw
- •Kesirtkeler Tallaw diktantı Sanlıq sózlerdi tabıń.
- •Poshsha torǵay Saylanba diktantı
- •Aǵashlı-putalı ósimlikler Saylanba diktantı
- •Baǵman hám balalar Dóretiwshilik diktantı
- •Ilimli elge nur jawar Erkin diktantı
- •Erkin diktantı
- •Sózlik diktantı
- •Sózlik diktantı
- •Aq terek Túsindiriw diktantı Kelbetlik sózlerdi tabıw
- •Súwretli diktant
- •Shıraq Yadtan jazıw diktantı
- •Miyrigúl
- •Yadtan jazıw diktantı
- •Bóz kóylek Tekseriw diktantı
- •Tábiyat biziń dostımız Kóshirip jazıw diktantı
- •Jolbarıs penen ayqastım Kóshirip jazıw diktantı
- •Ata jurtı Túrkistan Tallaw diktantı Menshikli atlıqlardı tabıw
- •Kishipeyil insan Tallaw diktantı Almasıqtı tabıw
- •Jıl qayırıw Saylanba diktantı
- •Balıqlar qalay qıslaydı Saylanba diktantı
- •Ullı mámleketlik isker, alım hám shayır Dóretiwshilik diktantı
- •Jiyren túege bas qayǵı Erkin diktantı Almasıq sózlerdi tabıw
- •Qaraqalpaq hayal-qızlarınıń kiyimi haqqında Erkin diktantı
- •Sózlik diktantı Eki sestiń qatara keliwi
- •Sózlik diktantı
- •Ǵamxorlıq Túsindiriw diktantı Almasıq sózlerdi tabıń
- •Oqıǵan bala Túsindiriw diktantı Teksttegi irkilis belgilerin tabıń
- •Súysinip kettim Yadtan jazıw diktantı
- •Isti usılay basladım Tekseriw diktantı
- •Adasıp qalǵan qız Kóshirip jazıw diktantı
- •Sútilmek Kóshirip jazıw diktantı
- •Zergerlik óneri Tallaw diktantı Kelbetliklerdi tabıw
- •Tallaw diktantı Morfologiya. Sanlıq teması boyınsha Sanlıq sózlerdiń naqıl-maqallarda qollanılıwı
- •Awırıw qız hám táwip Saylanba diktantı
- •Mıńlardıń biri Saylanba diktantı
- •Densawlıq – tereń baylıq Dóretiwshilik diktantı
- •Ernazar Alakóz – xalıq batırı Dóretiwshilik diktantı
- •Taza hawa – tánge dawa Erkin diktantı
- •Sózlik diktantı
- •Tábiyat hám adam Túsindiriw diktanti Qosımtalardıń qosılıwı menen qosarlı hám eki sestiń dizbeklesip keliwi hám jup sózlerdiń qollanılıwı
- •Súwretli diktant
- •Adam ózin qay jerde qalay uslap tutıwı kerek Yadtan jazıw diktantı
- •Kiyiktiń hújimi Yadtan jazıw diktantı
- •Tekseriw diktantı
- •Ádeplilik-aǵla pazıylet Kóshirip jazıw diktantı
- •Tók tawı Kóshirip jazıw diktantı
- •Ótmishtegi qara úyler Tallaw diktantı Baslawısh hám bayanlawısh gáp aǵzaların tabıń
- •Qaraqalpaq qara úyi Tallaw diktantı Almasıq sózlerdi tabıń
- •Sinonimlerden damitant tabıw
- •Ustaz-atańday ullı Dóretiwshilik diktantı
- •Haqıyqat dos haqqında Dóretiwshilik diktantı
- •Ádiraspan Erkin diktantı Kómekshi sózlerdiń qollanılıwı
- •Nawrız – báhár bayramı Erkin diktantı
- •Sózlik diktantı Sózlerdi buwınǵa bóliw
- •Qúdiretli kúsh Túsindiriw diktantı Menshikli atlıqlardıń jazılıwına itibar beriń.
- •Súwretli diktant
- •Yadtan jazıw diktantı
- •Úlkemizde Nawrız bayramı Yadtan jazıw diktantı
- •Internatta
- •Tekseriw diktantı
- •Qaraqalpaqnama (Roman-esse) Tekseriw diktantı
- •Qaraqalpaq awılları Tekseriw diktantı
- •Quslar qaytqan kún (Povest) Kóshirip jazıw diktantı
- •Qaraqalpaq qızı (Roman) Kóshirip jazıw diktantı
- •Tallaw diktantı Dánekerlerdi tabıw
- •Jolbarıstıń balasın ólimnen qutqardım
- •Saylanba diktantı
- •Shınqobız
- •Saylanba diktantı
- •Qarlıǵash haqqında ápsana hám haqıyqatlıq Dóretiwshilik diktantı
- •Bolarsań Dóretiwshilik diktantı
- •Jaqsılıq etseń ózińe… Erkin diktantı
- •Sózlik diktantı
- •Sózlik diktantı
- •Kóp sóziniń qollanılıwına mısallar jazıw
- •Til haqqında naqıl-maqal hám danalıq sózler jazıw
- •Qaraqalpaq qızı (Romannan úzindi) Túsindiriw diktantı
- •Aqıllı iyt Túsindiriw diktantı Astı sızılǵan sózlerge itibar beriń
- •Súwretli diktant
- •Nawrız-báhár hám miynet bayramı Yadtan jazıw diktantı
- •Bayanlar
- •Kúshik penen bala (gúrrin‘)
- •Jesir (povest)
- •Anamnıń aq súti
- •Túlki menen gúze
- •Nápsiqaw jılan (Qısqa gúrriń)
- •Eshek hám ógiz (Ertek)
- •Qara qozı
- •Arıslan hám adam (Ertek)
- •Aqıllı bala
- •Qaraqalpaqnama (Roman-esse)
- •Qara qus (Hújjetli gúrriń)
- •Nannıń qádiri yamasa qarǵa aylanǵan un (Anam aytqan ápsana)
- •Bantigiń qayda, sińlim?!
- •Quslar patshası (Ápsana)
- •Arıslan menen qoyan
- •Úyrektiń uyası
- •Qayır-saqawatlı is
- •Jılan hám hákke
- •Qaytıp kel, búlbúllerim
- •(Ertek)
- •Bir etek alma
- •Uya sırı
- •Qutlıayaq
- •Arıslan, bóri hám túlki (Ertek)
- •Abonement
- •(Ertek)
- •Qasqırlar menen betpe-bet
- •Qawınnıń shiresi
- •Túye, qoyan hám shıbın. (Ertek)
- •Ǵarrınıń kóz jasları
- •Poshsha torǵay
- •Mútájlik úyretedi (Ertek)
- •Bay hám eshek (Ertek)
- •Qus haqqında ertek (Ertek)
- •Áshkaralanǵan jin
- •Jılqımannıń gápi
- •Tóbesi tesilgen shápki
- •Shıǵarma
- •Tabılmas doslıq (Ertek)
- •Hákim-Ulıqpan (Ertek)
- •Adamnıń ómiri Ertek
- •Shıǵarma jumısı ushın temalar
- •I variant
- •II variant
- •III variant
Mútájlik úyretedi (Ertek)
Bir otın shabıwshınıń eki balası bolıptı. Hár kúni ol toǵayǵa barıp otın shabıw ushın balasınıń birewin ózi menen birge alıp ketedi eken. Ol otın shapsa, balası oǵan járdemlesedi eken. Sóytip júrgende balaları úlkeyip er jetkennen keyin, ákesi bılay depti.
-Endi balalarım, sizler toǵayǵa ózleriń barıńlar, al men úyde qalayın.
Balaları oǵan bılay dep juwap beripti:
-Áke qápelimde arba sınıp qalsa ne qılamız-kim onı bizlerge dúzetip beredi?
-Balalarım, egerde arba sınıp qala ǵoysa yamasa taǵı da sizlerge qolaysız waqıya bolıp qala ǵoysa, qorıqpańlar: Sizlerge mútájlik barlıǵın da úyretedi!
Sóytip aǵayinliler toǵayǵa jónep ketipti. Jas jigitler shaqqan, tez islepti. Olar otındı kereginen de zıyat shawıp, olardı arbaǵa jaqsılap tiep, úyine qaray kete beripti. Arba jolda sınıp qalıptı. Olar arbadan sekirip túsip:
-Mútáj kel bunda, arbanı dúzetip ber!-dep baqıra baslaptı. Gewgim de túse baslaptı. Mútáj bolsa kelmepti.
Sonda kishkene inisi bılay depti:
-Nálet jawǵır, Mútáj bolsa kelmedi! Arbanı dúzetiwdi ózlerimiz qolǵa alsaq qáytedi?
Oǵan úlkeni bılay dep juwap beripti:
-Múmkin, Mútáj uzaqqa ketip qalıp bizlerdiń dawısımızdı esitpey turǵan shıǵar. Kel kúshimiz jetkenshe ekewimiz birge taǵı baqırayıq. Sol baqırıwdan tamaqları qarlıqqansha baqırıptı, biraq olarǵa hesh kim de kelmepti.
Kishkene inisi úlken aǵasına taǵı bılay depti:
-Kórip tursań ba qarańǵı túsip baratır! Múmkin bizler biykardan-biykar baqırıp atırǵan shıǵarmız! Mútáj kelgende de arbanı dúzete ala ma-joq pa, ol jaǵıda belgisiz ǵoy?
-Sóytip aǵayinler birewi balta alıp. Ekinshisi qashaw alıp iske kirisipti. Olay etip, bılay etip, aqırı arbanı ózleri dúzetip alıptı.
Úyine qaytıp kelgennen keyin ákesi olardan:
-Balalarım qalay bardıńlar, qalay keldińler? –dep soraptı.
Olar shaǵına baslaptı.
-Ah, áke, nesin aytasız, arbamız jartı jolǵa kelgende sınıp qaldı! Bizler ol, nálet jawǵır Mútájdi dawıslarımız qarlıqqansha shaqırdıq. Ol bolsa kelmey-aq qoydı. Sóytip, bizler balta menen qashaw alıp, qolımızdan kelgenshe ózlerimiz dúzetip aldıq.
-Áh, balalarım!- depti ákesi. –Sol Mútájdiń ózi ǵoy! Sizler bolsa onı shaqırıp, mashaqatqa qalıp júrsizler, al ol bolsa qaslarıńızda tur edi. Hesh kimniń járdemisiz-aq sizler ózlerińiz dúzetip aldıńlar. Mútájlik adamdı hámme nársege úyretedi, dep biykarǵa aytılmaǵan ǵoy! (Ertek, 304 sóz).
Bayan jobası:
1. Ákesi balalarına qanday tapsırma berdi.
2. Balalar kimnen járdem soradı.
3. Balalar arbanı dúzetiwge ne sebep boldı.
4. Ákesi balalarǵa neni ayttı.
Evropa xalıq ertekleri. Nókis, “Qaraqalpaqstan” baspası, 1993, 12-13-betler. “Bay hám eshek” (Ispan xalıq ertegi).
Bay hám eshek (Ertek)
Bir zamanlarda bir bay adam jasaǵan eken. Onıń úyiniń qasında baqshası bolıp, ol baqshada qudıq ta bar eken. Bay qudıqqa shıǵır qurıp, oǵan eshekti baylap, kún-túni shıǵırdı aylandırıp suw shıǵárıwǵa májbúrlepti. Eshek dem almawı ushın xojayını eshektiń moynına qońıraw baylaptı. Sóytip, eshek shıǵırdı aylandırǵan waqıtta qońırawlar sıńǵırlaydı eken. Eshek toqtaw boyına, olarda sessiz qaladı eken. Sonda bay terezeden basın shıǵarıp, eshekke qaray baqırǵanda, ol shıǵırdı aylandırıwǵa taǵı májbúr boladı eken.
Bir kúni baydıń úyiniń qasınan úsh jas jigit ótipti. Olar oǵada ash edi, sonday-aq olardıń qaltalarında da bir tiyin da aqshası joq edi. Olar baydıń eshegin urlamaqshı bolıptı.
Biraq bul isti bay sezbestey hám esitpestey, qońırawlar sıńǵırlap tura bergendey etip qalay islewge boladı?
Olar oylanıp, oylanıp eń aqırında bılay sheshipti: Birewi qudıqtıń qasında qalıp, joraları uzaqlap ketkenge shekem shıǵırdı aylandıra beretuǵın bolıpti.
Usılay islenipti.
Sóytip qalǵan jigit shıǵırdı túni menen aylandırıptı, qońırawları sıńǵırlay beripti. Eń aqırında ol sharshap boldırıp toqtaptı.
Qońırawlar bolsa úndemey qalıptı, bay sol waqıttıń ózinde terezeden basın shıǵarıptı. Ol eshektiń ornında qanday da bir adamnıń turǵanın kóripti. Úlken bir pıshaqtı qolına alıp, qudıqqa qaray juwırıptı.
Biyshara jigit qattı qorqıp ketipti, biraq onıń erteden tayarlanǵan juwabı tayar edi.
-Hayran qalmay-aq qoyıń, qádirli xojayın!-depti ol bayǵa. – Men siziń eshegińiz bolaman! Bunnan jigirma jıl burın bir jawız sıyqırshı meni eshekke aylandırıp qudıqtan suw shıǵarıwım kerek edi. Biraq meniń oqıǵan duwalarım biykarǵa ketpegen eken. Jaratqan alla meni taǵı adamǵa aylandırıp jiberdi! Meni jiberińiz miyrimli xojayın!
Bay oǵada tań qalıptı. Ol jigitke qayda ketseń, sonda ket dep jiberipti, oǵan taǵı eshek bolıp ketpew ushın hár kúni quday jolına duwa oqıp tur dep buyırıptı.
Kelesi kúni bay taǵı bir eshek satıp alıw ushın bazarǵa jónep ketipti.
Bay bazarǵa kelip, satıwǵa ákelingen óziniń eshegin birden tanıptı. Bay qorqıp ketip, bılay depti:
-Maǵan sol isiń de jeter! Endi maǵan pánt bere almaysań! Seni tanımaǵan birew satıp alaǵoysın,-degen eken. (Ertek, 298 sóz).
Bayan jobası:
Bay eshekti qanday jumısqa jekken edi?
Jigitler qanday sumlıq oyladı?
3.Eshektiń ornında qalǵan jigit baydı qalayınsha aldaydı?
4. Bazarda bay óziniń eshegin kórip qanday juwap aytadı?
K. Allambergenov. “Quslar qaytqan kún”, Nókis, 1995, 39-40-betler.