- •Құрылыстың нормалары және ережелері ғимараттар мен имараттар негiздері основания зданий и сооружении
- •1. Жалпы ережелер
- •2. Негiздердi жобалау Жалпы нұсқаулар
- •Негіз есептерінде ескерілетін жүктемелер мен әсерлер
- •Топырақ сипаттамаларының нормативтік және есептік мәндері
- •Жерасты сулары
- •Iргетастарды орналастыру тереңдігі
- •3. Ауа температурасының аралығындағы мәндері кезінде kh коэффициентін 1-кестеде көрсетілген жақын кіші мәнге дейін дөңгелектеп алады.
- •Негіздің деформациялар жөніндегі есебі
- •Негіздің көтергіштік қабілет жөніндегі есебі
- •Негіз деформацияларын тӨмендету шаралары жӘне олардың имаратқа тигізетін Әсері
- •3. Шөкпелi топырақтарға тұрғызылатын имарат негiзiн жобалау ерекшелiктерi
- •4. Iсiнетiн топырақтарға тұрғызылатын имараттар негiзiн жобалау ерекшелiктерi
- •5. Сумен қаныққан биогендiк топырақтарға және лайларға тұрғызылатын имарат негiзiн жобалау ерекшелiктерi
- •6. Элювиалды топырақтарға тұрғызылатын имарат негiзiн жобалау ерекшелiктерi
- •7. Тұздалған топырақтарға тұрғызылатын ғимарат негiздерiн жобалау ерекшелiктерi
- •8. Үйiлген топырақтарға тұрғызылатын ғимарат негiзiн жобалау ерекшелiктерi
- •9. Қазылған аумақтарда тұрғызылатын имарат негiздерiн жобалау ерекшелiктерi
- •10. Сейсмикалық аудандарда тұрғызылатын имарат негiздерiн жобалау ерекшелiктерi
- •11. Электрберiлiстiң әуелiк желiлер бағандарының негiздерiн жобалау ерекшелiктерi
- •12. Көпiрлер бағандарының және үйiндi астындағы құбырлардың негiздерiн жобалау ерекшелiктерi
- •13*. Карстталған аумақтарда тұрғызылатын имарат негiздерiн жобалау ерекшелiктерi
- •14*. Iсiнетiн топырақтарға тұрғызылатын имарат негiздерiн жобалау ерекшелiктерi
- •15*. Шайылатын топырақтарға тұрғызылатын имарат негiздерiн жобалау ерекшелiтерi
- •16*. Топырақтарды бекiтуді жобалау
- •17*. Топырақтарды жасанды тоңазытуын жобалау
- •18*. Су төмендетуді жобалау
- •Ширек шөгінділі құмды топырақтардың меншікті ілінісуінің сn, кПа (кгс/см2), ішкі үйкеліс бұрышының n, град. Және деформация модулінің нормативтік мәндері е, мПа (кгс/см2)
- •Ширек шөгінділі шаңды-балшықты сары емес топырақтардың меншікті ілінісуінің сn, кПа (кгс/см2), ішкі үйкеліс бұрышының n, град. Және деформация модулінің нормативтік мәндері е, мПа (кгс/см2)
- •Шаңды-балшықты сары емес топырақтардың деформация модулінің нормативтік мәндері
- •Негiз деформацияларының есебi1 Шөгулерді анықтау
- •Kc коэффициенті
- •Km коэффициенті
- •Iргетас кренін анықтау
- •K коэффициенті
- •Ke коэффициенті
- •Негіз топырақтарының шөгуін анықтау
- •Iсінетін топырақтардан тұратын негіз деформацияларын анықтау
- •Kg коэффициенті
- •Суффозиялы шөгудi анықтау
- •Негіз топырақтарының есептік кедергілері
- •Iрі сынықты топырақтардың есептік кедергілері r0
- •Құмды топырақтардың есептік кедергілері r0
- •Шаңды-балшықты (шөкпейтін) топырақтардың есептік кедергілері r0
- •Шөкпелі топырақтардың есептік кедергілері r0
- •Үйілген топырақтардың есептік кедергілері r0
- •Электрберілістің әуелік желілер бағандарының жұлып алынатын іргетастарына арналған қайта төгу топырақтарының есептік кедергілері r0
- •Негіздің шектік деформациялары
- •Негiзгi әрiптiк белгiлеулер Сенімділік коэффициенттері
- •Топырақтың сипаттамалары
- •Жүктемелер, кернеулер, кедергiлер
- •Негiздер мен ғимараттар деформациялары
- •Геометриялық сипаттамалар
8. Үйiлген топырақтарға тұрғызылатын ғимарат негiзiн жобалау ерекшелiктерi
8.1. Үйілген топырақтардан тұратын негіздерді құрамы бойынша олардың едәуір біртексіздігін, бірқалыпсыз сығылғыштығын, әсіресе дірілдетілген әсерлерден өздігінен нығыздалуын, сулануын, сондай-ақ органикалық кірінділердің таралуы арқылы гидрогеологиялық жағдайлардың өзгеруін ескере отырып, жобалау қажет.
Ескерту. Қождар мен балшықтардан тұратын үйілген топырақтарда сумен немесе өндірістердің химиялық қалдықтарымен суланған кезде олардың ісіну мүмкіндігін ескеру қажет.
8.2. Үйілген топырақтар сығылғыштығының бірқалыпсыздығы үйілген топырақтардың орналасуы мен құрамын, төгу тәсілін, үйіндінің негізгі бөлігін құрайтын материал түрін ескере отырып орындалатын тәжірибелі және далалық зерттеулердің нәтижелері бойынша анықталуы қажет. Үйілген топырақтардың деформация модулі, қағида бойынша, штампты зерттеулер негізінде анықталуы қажет.
8.3. Үйілген топырақтардан тұратын негіздер 2-бөлімнің талаптарына сәйкес есептелуі қажет. Егер үйілген топырақтар шөкпелі, ісінетін немесе органикалық заттардың салыстырмалы құрамы Iот > 0,1 болатын болса, онда 3-5-бөлімдердің талаптарына сәйкес ескеру қажет.
Негіздің толық деформациясы сыртқы жүктемелерден болатын негіз шөгуін және үйілген топырақтардың өздігінен тығыздалуынан және органикалық кірінділер таралуынан қосымша шөгуін, сондай-ақ үйінді салмағынан және іргетас жүктемелерінен төселетін топырақтардың шөгуін қосу арқылы анықтау қажет.
8.4. Үйілген топырақтардан тұратын негіздің есептік кедергісі 2.41-2.48 т.т. талаптарына сәйкес анықталады.
Жатып қалған үйілген топырақтарға тұрғызылатын ғимарат іргетастарының алдын-алынған өлшемдерін ұсынылған 3-қосымша бойынша негіз топырақ тарының есептік кедергілерінің R0 мәндеріне байланысты тағайындауға болады.
R0 мәндерін тағы да III дәрежелі ғимараттар мен имараттар іргетастарының нақты өлшемдерін тағайындау үшін де қолдануға болады.
8.5. Үйілген топырақтардан тұратын негіздің есептік деформациялары кезінде негіздің шектік немесе жеткіліксіз көтергіштік қабілетінен көрі 2.67-2.71-т.т. талаптарына сәйкес келесі шараларды көбірек қарастыру қажет:
негіздің бетін ауыр нығыздағыштармен, дірілдеткіш машиналармен, тегістеуіштермен тығыздау;
топырақ қадаларымен терең тығыздау, гидродірілдеткішпен тығыздау;
топырақ төсемдерін (құмды, қиыршықтасты, малтатасты және т.с.с.) орнату;
үйілген топырақтарды терең іргетастармен кесу;
құрылымдық шаралар.
9. Қазылған аумақтарда тұрғызылатын имарат негiздерiн жобалау ерекшелiктерi
9.1. Әзірленген аумақтарда тұрғызылатын имарат негіздерін қазылған кеңістікте топырақ жылжуының және тау жұмысы өндірісінің нәтижесінде жылжитын топырақтың горизонталь деформацияларына әкеліп соғатын жер бетінің бірқалыпсыз шөгуін ескере отырып жобалау қажет.
Жер беті деформацияларының параметрлері, сонымен бірге жер бетінің қисықтығы, оның еңістігі мен горизонталь орын ауыстырулары, сондай-ақ вертикаль кемерлері қазылып жатқан аумақтарда ғимараттар мен имараттарды жобалау жөніндегі ҚНжЕ-нің талаптарына сәйкес анықталуы қажет. Негіздерді, іргетастарды және ғимараттың іргетас үстіндегі құрылымдарын есептеуге негіз болып табылатын осы параметрлер топырақ сипаттамаларының есептік шамаларын тағайындағанда ескерілуі қажет.
9.2. Жер бетінің деформациясы нәтижесінде іргетасқа әсер ететін күштеулерді анықтауға арналған топырақтың беріктік және деформациялық сипаттамаларының есептік шамаларын (1)-формуладағы топырақ бойынша сенімділік коэффициентін g = 1 деп алып нормативтікке тең етіп алу керек.
Горизонталь бағыттағы топырақтың деформация модулін Еh вертикаль бағыттағы топырақтың деформация модулінің Е шамасынан шаңды-балшықты топырақтар үшін 0,5 және құмды топырақтар үшін 0,65 бөлігіне тең етіп алу тиіс.
9.3. Негіз топырақтарының есептік кедергілерін R 2.41-2.48 т.т. талаптарына сәйкес анықталуы қажет. Бұл орайда (7)-формуладағы жұмыс шарты коэффициенті c2 контуры тұйық болатын әрқабаттық және іргетастық белдеулері бар құрылымдық сұлбасы қатаң ғимарат үшін 8-кесте бойынша алу керек; басқа жағайларда – с2 = 1.
9.4. Iргетас (сонымен бірге тақталы) табанының астындағы топыраққа түсетін шеттік қысым қазылғанда жер бетінің деформацияларынан пайда болатын қосымша моменттері ескеріле отырып анықталуы қажет.
Шеттік қысым 1,4R –ден және бұрыш нүктесінде 1,5R –ден артық болмауы қажет, ал жүктемелердің тең әсер еткіштері іргетас табанының өзек қимасы шегінен шығып кетпеуі қажет.
9.5. 6-кестеде көрсетілген жағдайларда, сондай-ақ егер ғимарат құрылымдарын жер бетінің бірқалыпсыз шөгуін ескере отырып жобалайтын болса, онда негіз деформацияларының есебін орындамауға болады.
Шөкпелі топырақтардан тұратын алаңшалардағы ғимарат құрылымдары оларға топырақтар шөккендегі және қазылғандағы деформациялардың бірігіп әсер ету мүмкіндігі ескеріле отырып жобалануы қажет.
8-кесте
Топырақтар |
Имарат ұзындығының немесе бөлігінің оның биіктігіне қатынасы L/Н болғандағы құрылымдық сұлбасы қатаң болатын ғимаратқа арналған с2 коэффициенті | |||
L/H 4 |
4 L/H 2,5 |
2,5 L/H 1,5 |
L/H 1.5 | |
Толтырғышы құмды болатын ірі сынықты және ұсақ пен шаңдыдан басқа құмды |
1,4 |
1,7 |
2,1 |
2,5 |
Ұсақ құмдар |
1,3 |
1,6 |
1,9 |
2,2 |
Шаңды құмдар |
1,1 |
1,3 |
1,7 |
2,0 |
Толтырғышы шаңды-балшықты болатын ірі сынықты және аққыштық көрсеткіші IL 0.5 болатын шаңды-балшықты |
1,0 |
1,0 |
1,1 |
1,2 |
Толтырғышы шаңды-балшықты болатын ірісынықты және аққыштық көрсеткіші IL 0.5 болатын шаңды-балшықты |
1,0 |
1,0 |
1,0 |
1,0 |
9.6. Әзірленген аумақтарда тұрғызылатын ғимараттар үшін құрылымдық сұлбасы төмендегідей болатын іргетастарды қолдану қажет:
қатаң (тақталы, белдеулері темірбетонды болатын таспалы, араларындағы байланыстары кергіш болып келетін бағаналы және т.с.с.);
икемді (жеке элементтерінің арасындағы жылжу жіктері горизонтал болатын іргетастар, топырақтың горизонтал орын ауыстырғанда еңкеюуі мүмкін болатын вертикал элементтері бар іргетастар);
аралас (жылжу жігі жайғастырып жоспарлау деңгейінен немесе үйасты қабаты еденінен төмен болатын қатаң іргетастар);
Iргетастың құрылымдық сұлбасы жер бетінің есептік деформацияларына, іргетас үстіндегі құрылымдардың қатаңдығына, негіз топырақтарының деформациялылығы және сол сияқтыларға байланысты қабылдануы қажет.
Ескерту. Көп қабатты және мұнара типті ғимараттар үшін еңкейген іргетастарды қолдануға болмайды.
9.7. Деформация модулі Е 10 МПа (100 кгс/см2) болатын топырақтардан тұратын алаңшаларда, сондай-ақ қазылып жатқанда алаңшаның гидрогеологиялық жағдайларының өзгеруі салдарынан негіз топырақтарының құрылыстық құрамының күрт төмендеу мүмкіндігі болғанда қадалы және тақталы іргетастарды қолдану ұсынылады.
Егер негіздің жоғарғы аймағында үйілген, биогенді және шөкпелі топырақтардың шектеулі қалыңдықтағы қабаттар жататын болса, онда осы қабаттарды терең іргетастармен кесуді қарастыру керек.
9.8. Имараттың іргетастары мен құрылымдарына жер бетінің деформацияларының қолайсыз әсерлерін төмендететін негізгі шараларға мыналар жатады:
а) топырақпен түйісетін іргетас беттерін азайту;
б) имарат бөлігінің аралығында іргетас белдеуін бір деңгейде орналастыру;
в) мүлдем сығылмайтын топырақтардан тұратын негіздерге топырақ төсемдерін орнату;
г) үйасты қабаттары мен техникалық жерасты қабаттарын ғимарат бөлігінің бүкіл ауданы астында орналастыру;
д) іргетас бетімен жанасқанда ілінісуі мен үйкелуі аз болатын материалдарынан тұратын топырақтармен қазаншұңқыр қойындарын толтыру және топырақ төсемдерін орындау;
е) қазбалау жұмыстарынан бұрын имараттың периметрі бойынша уақытша өтеуші орларды қазу.