- •Қадалы iргетастар свайные фундаменты Енгізілген күні - _____ 200_ ж.
- •1. Жалпы ережелер
- •2. Қадалардың түрлерi
- •3. Есептеу жөнiндегi негізгі нұсқаулар
- •4. Қадалардың көтергiштiк қабылетiн есептеу Тiреуiш қадалар
- •Бұрамалы қадалар
- •5. Қадалардың көтергiштiк қабылетiн даладағы зерттеулердiң нәтижелерi бойынша анықтау
- •6. Қадалы iргетастар мен олардың негiздерiн деформация бойынша есептеу
- •Қадалы іргетастардың шөгуін есептеу кезіндегі, шартты іргетастың шекарасын анықтау
- •7. Қадалы iргетастарды құрылымдау
- •8. Шөкпе топырақтардағы қадалы iргетастарды жобалаудың ерекшелiктерi
- •9. Iсiнетiн топырақтарда қадалы iргетастарды жобалаудың ерекшелiктерi
- •10. Өңделетiн аумақтарда қадалы iргетастарды жобалаудың ерекшелiктерi
- •11. Сейсмикалық аудандардағы қадалы iргетастарды жобалаудың ерекшелiктерi
- •12. Әуелiк электр берiлiсi желiлерiндегi бағандардың қадалы iргетастарын жобалаудың ерекшелiктерi
- •13. Аз қабатты ауылдық ғимараттардың қадалы iргетастарын жобалаудың ерекшелiктерi
- •Қаданы вертикаль және горизонталь күштердiң және моменттiң бiрлескен әрекетiне есептеу
- •I сатыда қаданы қоршаған топырақты, төсем коэффициентiмен сz, кН/м3(тс/м3) сипатталатын серпiмдi сызықты-деформацияланатын орта ретiнде қарастырады.
- •Ұсынылған
- •Жеке қаданың шөгуiн анықтау
Бұрамалы қадалар
4.10. Сығушы және жұлушы жүктемелерге жұмыс істейтін, қалақшаларының диаметрі d1,2 м және ұзындығы l<10 м бұрамалы қадалардың көтергіштік қабілетін Fd, кН (тc), (15) формула арқылы, ал қалақшаларының диаметрі d>1,2 м және қаданың ұзындығы l>10 м болғанда — тек қана бұрамалы қадаларды статикалық сынау мәліметтері бойынша анықтау керек.
Fd = c 1cI + 2Ih1)A + ufi (h - d), (15)
мұндағы c— қадаларға әсер ететін жүктемелердің түріне және топырақтың жағдайына байланысты 8-кесте бойынша анықталатын, жұмыс жағдайының коэффициенті;
1, 2 — I жұмыс аймағындағы (қалақшаларға жанасып тұрған қалыңдығы d-ға тең топырақ қабаты) топырақтың ішкі үйкеліс бұрышының есептік мәніне байланысты 9-кесте бойынша алынатын өлшемсіз коэффициенттер;
c1 — шаңды-балшықты топырақтың меншікті ұстасуының есептік мәні немесе жұмыс аймағындағы құмды топырақтың сызықтық параметрі, кПа (тс/м2);
1 — қада қалақшаларынан жоғары орналасқан топырақтардың меншікті салмағының орташа есептік мәні (сумен қаныққан топырақтарда судың аспалы әсерін ескеру керек);
h1 — қаданың қалақшасының табиғи рельефтен, ал аумақты қыру арқылы жайғастырғанда — жайғастыру деңгейінен есептелінетін жату тереңдігі, м;
A — бұрамалы қаданың сығушы күштерге жұмыс істеген кезінде, сыртқы диаметрінен есептелінетін қалақшалар ауданының проекциясы, ал бұрамалы қаданың жұлушы күштерге жұмыс істеген кезінде оқпанның қимасының ауданы алынып тасталған, қалақшалардың жұмыс ауданының проекциясы, м2;
fi — 2-кесте бойынша қабылданатын бұрамалы қада оқпанының бүйір жақ бетіндегі топырақтың есептік кедергісі, кПа (тс/м2), (қаданың батырылу тереңдігіндегі барлық топырақ қабаттарының орташа мәні) ;
u — қада оқпанының периметрі, м;
h — топыраққа батырылған қада оқпанының ұзындығы, м;
d — қада қалақшасының диаметрі, м.
Ескерту:
1. Басып енгізетін жүктемелер әсер ететін бұрамалы қаданың көтергіштік қабылетін анықтау кезінде 9-кестеде сипаттамалары берілген топырақтар, қалақшалардың астында жататын топырақтарға, ал жұлушы жүктемелерге жұмыс істегенде — қалақшалардың үстінде жататын топырақтарға жатады.
2. Шаңды-балшықты топырақтарда қалақшалардың жайғастыру деңгейінен салыну тереңдігі 5d-ден, ал құмды топырақтарда 6d-ден кем болмауы тиіс (мұндағы d — қалақшаның диаметрі).
3. (15) формула бойынша есептеулер кезінде негіздегі топырақтардың ішкі үйкеліс бұрышының I және ұстасуының cI есептік мәндері 3.5 тармағының талаптарына сәйкес анықталуы тиіс.
8-кесте
Топырақтар |
Бұрамалы қадалардың келесі жүктемелердегі жұмыс жағдайының коэффициенті c | ||
|
сығушы |
жұлушы |
таңбасы ауысатын |
1. Балшықтар мен саздақтар: |
|
|
|
а) қатты, жартылай қатты және тығыз-илемді |
0,8 |
0,7 |
0,7 |
б) жұмсақ илемді |
0,8 |
0,7 |
0,6 |
в) аққыш илемді |
0,7 |
0,6 |
0,4 |
2. Құмдар мен құмайттар: |
|
|
|
а) аз ылғалды құмдар мен қатты құмайттар |
0,8 |
0,7 |
0,5 |
б) ылғалды құмдар мен илемді құмайттар |
0,7 |
0,6 |
0,4 |
в) сумен қаныққан құмдар мен аққыш құмайттар |
0,6 |
0,5 |
0,3 |
9-кесте
Жұмыс аймағындағы топырақтың ішкі үйкеліс бұрышының есептік мәні , град |
Коэффициенттер | |
1 |
2 | |
13 |
7,8 |
2,8 |
15 |
8,4 |
3,3 |
16 |
9,4 |
3,8 |
18 |
10,1 |
4,5 |
20 |
12,1 |
5,5 |
22 |
15,0 |
7,0 |
24 |
18,0 |
9,2 |
26 |
23,1 |
12,3 |
28 |
29,5 |
16,5 |
30 |
38,0 |
22,5 |
32 |
48,4 |
31,0 |
34 |
64,9 |
44,4 |
Қаданың бүйiр жақ бетiндегi терiс (негативтік) үйкелiс күштерiн есепке алу
4.11. Қаданың бүйір жақ беттерінде, оның айналасындағы топырақтардың отыруынан пайда болатын және төмен қарай бағытталған теріс (негативтік) үйкеліс күштерін, келесі жағдайларда ескеру керек:
аумақты, қалыңдығын 1,0 м-ден көбірек етіп толтырып жайғастырғанда;
қойманың едені 20 кН/м2 (2 тс/м2) үлкен пайдалы жүктемемен жүктелгенде;
іргетастың айналасындағы еден, жабдықтардан келетін 100 кН/м2 (10 тс/м2) үлкен пайдалы жүктемемен жүктелгенде;
жерасты суларының деңгейін төмендету кезінде судың аспалы әсерін түсіру арқылы топырақтағы тиімді кернеуді арттырғанда;
қазіргі және техногендік түзілімдердегі топырақтардың аяқталмаған нығаюы жағдайында;
байланыспаған топырақтардың динамикалық әсерлердің арқасында нығыздалуы жағдайында;
суланған топырақтардың отыруы жағдайында.
Ескерту: Шөкпе топырақтарда пайда болатын теріс үйкеліс күштерін 3-бөлімнің талаптарына сәйкес есепке алу керек.
4.12. Теріс үйкеліс күштері, қадалы іргетастарды тұрғызып, оны жүктегеннен кейінгі қаданың айналасындағы топырақтардың шөгуінің мәні, іргетастың шөгуінің шекті мәнінің жартысынан асатын тереңдікке дейін ескеріледі. Топырақтың есептік кедергісі fi 2-кесте бойынша «минус» белгісімен қабылданады, ал шымтезек, ұйық, сапропель үшін — минус 5 кПа (0,5 тс/м2)-ға тең.
Егер қадалардың батырылған бөлігіндегі ұзындығының бойында қалыңдығы 30 см-ден үлкен шымтезек қабаты жатса және аумақты толтырып немесе басқа да толтыруға балама жүктеулер арқылы жайғастыруға мүмкіншілік болса, онда шымтезектің ең төменгі қабатының табанынан жоғары орналасқан топырақтың есептік кедергісін fi:
а) егер 2 м-ден аз биіктікте толтырылғанда — толтырылған топырақ және шымтезек қабаты үшін — нольге, ал табиғи құралған үйілмеген минеральды топырақтар үшін — 2-кестедегі оң мәндерге тең етіп алу керек;
б) егер 2 м-ден 5 м-ге дейінгі биіктікте толтырылғанда — толтырған топырақты қосқандағы барлық топырақтар үшін, — 2-кестеде берілген 0,4 мәніне тең етіп, ңминусң белгісімен, ал шымтезек үшін — минус 5 кПа (0,5 тс/м2)-ға (теріс үйкеліс күштері) тең етіп алу керек;
в) егер 5 м-ден үлкен биіктікте толтырылғанда — толтырған топырақты қосқандағы барлық топырақтар үшін, — 2-кестеде берілген мәндерге тең етіп ңминусң белгісімен, ал шымтезек үшін — минус 5 кПа (0,5 тс/м2)-ға тең етіп алу керек.
Қаданың төменгі жағында, қадалы іргетастарды тұрғызып оны жүктегеннен кейінгі қаданың айналасындағы топырақтардың шөгуі, қадалы іргетастардың шөгуінің шектік мәнінің жартысынан аз болғанда топырақтың есептік кедергісін fi 2-кесте бойынша, ал шымтезек, ұйық, сапропель үшін — 5 кПа (0,5 тс/м2)-ға тең етіп алу керек.
4.13. Егер ғимараттар мен имараттардың (қадалы іргетастарды қосқанда) жер бетіндегі бөлігін салуды бастау алдында аумақты толтырудан немесе жүктеуден топырақтың нығаюы аяқталған болса, немесе қаданың айналасындағы топырақтардың шөгуінің мүмкін болатын мәндері, көрсетілген уақыттан кейінгі қалдық нығаюдың нәтижесінде, жобаланатын ғимараттар мен имараттардың шөгуінің шекті мәнінің жартысынан аспаса, онда шымтезек қабатшасының бар немесе жоқ екеніне қарамастан қадалардың бүйір жақтарындағы топырақтың кедергісін оң етіп қабылдауға рұқсат етіледі. Шымтезек қабатшасы үшін fi мәнін 5 кПа (0,5 тс/м2)-ға тең етіп алу керек.
Егер қаданың батырылған бөлігінің ұзындығының бойында жатқан шымтезектің деформация модулінің және нығаю коэффициентінің мәндері белгілі болса, және аумақты жүктеудің әсер етуінен болатын негіздің шөгуінің мәнін топырақтың әрбір қабатына анықтау мүмкін болса, онда топырақтың кедергі күштерін (теріс үйкеліс күштері) шымтезектің төменгі қабатының табанының деңгейінен емес, аумақты жүктеудің әсерінен болатын қосымша шөгудің мәні, жобаланатын ғимараттардың немесе имараттардың шөгуінің шекті мәнінің жартысын құрайтын, топырақтың жоғарғы қабатының деңгейінен бастап, теріс белгімен есепке алуға рұқсат етіледі.