- •Қадалы iргетастар свайные фундаменты Енгізілген күні - _____ 200_ ж.
- •1. Жалпы ережелер
- •2. Қадалардың түрлерi
- •3. Есептеу жөнiндегi негізгі нұсқаулар
- •4. Қадалардың көтергiштiк қабылетiн есептеу Тiреуiш қадалар
- •Бұрамалы қадалар
- •5. Қадалардың көтергiштiк қабылетiн даладағы зерттеулердiң нәтижелерi бойынша анықтау
- •6. Қадалы iргетастар мен олардың негiздерiн деформация бойынша есептеу
- •Қадалы іргетастардың шөгуін есептеу кезіндегі, шартты іргетастың шекарасын анықтау
- •7. Қадалы iргетастарды құрылымдау
- •8. Шөкпе топырақтардағы қадалы iргетастарды жобалаудың ерекшелiктерi
- •9. Iсiнетiн топырақтарда қадалы iргетастарды жобалаудың ерекшелiктерi
- •10. Өңделетiн аумақтарда қадалы iргетастарды жобалаудың ерекшелiктерi
- •11. Сейсмикалық аудандардағы қадалы iргетастарды жобалаудың ерекшелiктерi
- •12. Әуелiк электр берiлiсi желiлерiндегi бағандардың қадалы iргетастарын жобалаудың ерекшелiктерi
- •13. Аз қабатты ауылдық ғимараттардың қадалы iргетастарын жобалаудың ерекшелiктерi
- •Қаданы вертикаль және горизонталь күштердiң және моменттiң бiрлескен әрекетiне есептеу
- •I сатыда қаданы қоршаған топырақты, төсем коэффициентiмен сz, кН/м3(тс/м3) сипатталатын серпiмдi сызықты-деформацияланатын орта ретiнде қарастырады.
- •Ұсынылған
- •Жеке қаданың шөгуiн анықтау
10. Өңделетiн аумақтарда қадалы iргетастарды жобалаудың ерекшелiктерi
10.1. Өңделетiн аумақтарда қадалы iргестарды жобалау кезiнде, осы нормалардың талаптарынан басқа ҚНжЕ 2.01.09-91 талаптары да сақталуы тиiс; бұл жағдайда инженерлiк iзденiстердiң деректерiмен қатар қадалы iргетастарды жобалау үшiн, таулы-геологиялық iзденiстердiң және жер бетiнен күтiлетiн деформациялар туралы мәлiметтер пайдалануы тиiс.
10.2. Өңделетiн аумақтардағы қадалы iргетастарды жобалауға берiлген тапсырысты, маркшейдерлiк есептiң нәтижелерi бойынша алынған, құрылыс бөлiмшелерiндегi жер бетiнен күтiлетiн максималды деформациялар туралы мәлiметтер, соның iшiнде отыруы, еңiстiгi, созылуы немесе сығылудың салыстырмалы горизонталь деформациялары, жер бетiнiң қисықтық радиусы, кемердiң биiктiгi болуы тиiс.
10.3. Өңделетiн аумақтарда тұрғызылатын ғимараттар мен имараттардың қадалы iргетастарын есептеудi, шектi күйлерi бойынша, өңдеу кезiндегi негiздеудiң деформацияланатын жағының әсерiн есепке ала отырып, белгiленетiн жүктеменiң ерекше тiркесiне жүргiзiлуi тиiс.
10.4. Қада бастарының ростверкпен түйiндесу сипатына және аумақты өңдеуден горизонталь деформациялардың даму процесiнде негiздегi топырақпен iргетастың әрекеттестiгiне байланысты қадалы iргетастарды келесi сұлбаларға бөледi:
а) қатты - қада арматурасының жаңсырықтарын анкерлеу жолымен қада бастарын ростверк iшiнде қатты бекiту кезiнде немесе ростверк iшiнде қада бастарын 7.5 тармағында баяндалған талаптарға сәйкес бекiткенде;
б) икемдi - қадалардың бастарын ростверктiң iшiне 5-10 см бекiту жолымен орындалған немесе сырғанау жiгi арқылы түйiндескен қадалардың ростверкпен шартты - топсалы түйiндесуi кезiнде.
10.5. Өңделетiн аумақтарда қадалы iргетастарды және олардың негiздерiн есептеу:
а) 10.6 тармағының талаптарына сәйкес, аумақты өңдеуден болған топырақтардың физико-механикалық қасиеттерiнiң өзгеруiн;
б) 10.7 тармағының талаптарына сәйкес, көлбеуліктен, қисаюдан және жер бетiнде кертпештердiң пайда болуынан болған вертикаль жүктемелердiң жеке қадаларға қайта бөлiнуiн;
в) 10.8 тармағының талаптарына сәйкес, топырақ негiзiнiң салыстырмалы горизонталь деформацияларынан болған горизонталь жазықтықтағы қосымша жүктемелерiн ескере отырып жүргiзлуi тиiс.
10.6. Сығушы жүктемелерге жұмыс iстейтiн қадалардың барлық түрлерiнiң топырақтың негiздерi бойынша Fcr, кН (тс) көтергiштiк қабiлетiн аумақты өңдеу кезiнде мына формула бойнша анықтау керек:
Fcr = gcr Fd (38)
мұндағы gcr — топырақтардың физико-механикалық қасиеттерiнiң өзгеруiн және аумақты өңдеу кезiндегi вертикаль жүктемелердiң қайта бөлiнуi ескерiлетiн жұмыс жағдайының коэффициентi. Кез келген ғимараттар мен имараттардың iргетастарындағы қада - тiректер үшiн gcr=1; икемдi ғимараттар мен имараттардың (мысалы, топсалы тiреуiмен бiрқабатты қаңқа) iргестастарындағы аспалы қадалар үшiн gcr=0,9; қатты ғимараттар мен имараттардың (мысалы қатты түйiнделумен көпқабатты қаңқасыз ғимараттар, силостық корпустар) iргетастарындағы аспалы қадалар үшiн gcr = 1,1;
Fd — 4-тараудың талаптарына сәйкес есептеумен анықталған немесе 5-тараудың талаптарына сәйкес топырақты зондтау, қадаларды динамикалық және статикалық жүктемелермен сынау анықталған зерттеулердiң нәтижелерi бойынша анықталған қадалардың көтергiштiк қабiлетi кН (тс),
Ескерту: Тiке құлайтын қабаттар жағдайында салыстырмалы горизонталь деформациялардың єh, мм/м, мәнiне тәуелдi қосымша коэффициентi gcr = 1/(1+100 єh) ескерiлуi керек.
10.7. Ғимараттар мен имараттардың қатты құрылымдық сұлбаларындағы қадаларға және қабыршақ қадаларға қосымша вертикаль жүктемелердi ± DN , көлбеуліктен, қисаюынан жер бетiнде кертпештердiң пайда болуынан, сонымен қатар:
а) аспалы қадалардан тұратын қадалы iргетастардың және олардың негiзi 6.1 тармағына сәйкес табиғи негiздегi шартты iргетаспен ауыстырылған жағдайдағы;
б) шартты iргетастың негiзi ғимараттардың (имараттардың) ұзындығы бойынша, тұрақты сызықты деформацияланатын етiп немесе iшiнде топырақтың деформация модулi және төсем коэффициентi бар бөлiкке бөлiп қабылдаған жағдайдағы топырақ негiзiнiң горизонталь деформацияларынан пайда болатын қаданың вертикаль орын ауысуының есептiк мәндерiне байланысты анықтау керек.
Қосымша вертикаль жүктемелердi анықтау, ғимараттардың бойлық және көлденең осьтерiне қатысты жүргiзiледi.
10.8. Өңделетiн аумақтарда тұрғызылатын қадалы iргетастарды есептеуде, қаданың жобадағы жағдайына қатыстылығы бойынша, аумақты өңдеу кезiндегi топырақ негiзiнiң горизонталь жылжуының ықпалынан қадаларда, олардың иiлуге жұмыс iстеуiнiң салдарынан пайда болатын күштердi ескеру керек.
10.9. Аумақты өңдеу кезiндегi топырақтың горизонталь есептiк орын ауысуын мына формула бойынша анықтау керек:
usr = gf gc єh x, (39)
мұндағы gf gc — ҚНжЕ 2.01.09-91 бойынша қабылданатын, жүктеме бойынша сенiмдiлiк коэффициентi және салыстырмалы горизонталь деформацияға арналған жұмыс жағдайының коэффициентi;
єh ‑ маркшейдерлiк есептiң нәтижелерi бойынша анықталатын салыстырмалы горизонталь деформациясынан күтiлетiн мәнi, мм/м;
x ‑ қаданың қарастырылатын осiнен, ғимараттың (бөлiктiң) бүкiл ұзындығында орнатылған ростверктерi бар ғимараттың (имараттың) орталық осiне дейiнгi немесе жеке ұстындардың астына орнатылатын ростверктерi бар қаңқалы ғимараттың (бөлiктiң) қаттылық блоктарына дейiнгi ара қашықтық, м.
10.10. Өңделетiн аумақтарда тұрғызылатын ғимараттар мен имараттардың қадалы iргетастарын жер бетiнiң деформациясының нәтижесiнде қадаларда пайда болатын күштердiң ең аз мөлшерiнiң ростверкке берiлу қажеттiлiгiнiң шарттарына байланысты жобалау керек.
Бұл талаптардың орындалуы үшiн жобаларда:
а) топырақ негiзiнiң горизонталь жылжуының ықпалын азайту үшiн ғимараттарды немесе имараттарды бөлiктерге бөлуге;
б) қатты құрылымдық сұлбадағы ғимараттар мен имараттар үшiн, негiздiң қисаюынан вертикаль жазықтықтағы қосымша пайда болатын күштердi азайту үшiн, негiзiнен аспалы қадаларды қолдануды;
в) қаттылығы аз қадаларды мысалы, призмалық, көлденең қималары шаршы түрiндегi немесе тiк бұрышты, соның iшiнде қималары тiк бұрышты қадаларды ғимарат бөлiгiнiң бойлық бағытында кiшi жағымен орналастыру керек;
г) 10.4 тармағында көрсетiлген қадалардың ростверкпен түйiндесуiнiң икемдi құрылымын;
д) домкраттың көмегiмен немесе басқа да туралаушы құрылғылармен ғимараттарды туралауды қарастыру керек.
Ғимараттарды немесе имараттарды бөлiктерге бөлу кезiнде, ростверктердiң арасында өлшемдерi ҚнжЕ 2.01.09-91 талаптарына сәйкес ғимараттар мен имараттардың төменгi құрылымындағыдай анықталатын саңылаулар (деформациялық жiктер) қарастырылуы керек.
10.11. Қадалы iргетастарды негiзiнен I — IV топтардағы өңделетiн аумақтарда қолдану керек, соның iшiнде:
а) аспалы қадалармен - I — IV топтардағы аумақтарда ғимараттар мен имараттар құрылымының кез келген түрi үшiн;
б) тiреуiш қадалармен - III және IV топтардағы аумақтарда негiзiнiң қисаюы кезiндегi ғимараттың икемдi құрылымдық сұлбасынан жобаланатын ғимараттар мен имараттар үшiн, ал IV топтар үшiн - қатты құрылымдық сұлбамен жобаланатын ғимараттар мен имараттар үшiн.
Ескерту:
1. Өңделетiн аумақтардың топтарға бөлiнуi ҚНжЕ 2.01.09-91 сәйкес қабылданған.
2. Диаметрi 600 мм-н үлкен қабыршақ қадаларының, құйма және бұрғылы қадалардың және қатты қадалардың басқа түрлерiн, ростверкпен сырғанау жiгi арқылы түйiндескен қадалы iргетастарда ғана қолдануға рұқсат етiледi (10.4. тармақты қара).
3. Өңделетiн аумақтардағы қаданың топыраққа тереңдетiлуi, қадалардың тасты топырақтарға тiрелу жағдайын қоспағанда, 4 м-н кем болмауы тиiс.
10.12. Кертпештердiң пайда болуы мүмкiн Iк — IVк топтардағы өңделетiн аумақтарда, сонымен қатар геологиялық бұзылулар болған алаңшаларда қадалы iргетастарды қолдануға арнайы негiздеме болғанда ғана рұқсат етiледi.
10.13. Қаданың ростверкпен түйiндесу құрылымы топырақ негiзiнiң күтiлетiн горизонталь жылжудың мәндерiне байланысты тағайындалуы тиiс, мұндағы қадаларға арналған горизонталь жылжудың шектi мәндерi ростверкпен қатты түйiндесу кезiнде - 2 см-ден, икемдi, шартты топсалы түйiндесу кезiнде - 5 см-ден; сырғанау жiгi арқылы түйiндескен кезiнде - 8 см -ден аспауы тиiс (10.4 тармақты қара).
Ескерту:
Топырақ негiзiнiң горизонталь жылжуының әсерiнен қадаларда және ростверкте пайда болатын күштердiң мәндерiн төмендету үшiн, тұтастай алған ғитмараттың (имараттың) қадалы iргетастарының кеңiстiктегi орнықтылығын қамтамасыз ету үшiн, қада алаңының топырақтың аздаған жылжуы (2-см-ге дейiн) әсер ететiн аймағындағы қадалардың қатты түйiндесуiн, ал қалғандарында икемдi (топсамен немесе сырғанау жiктерi арқылы түйiндесу) түйiндесуiн қарастыру керек.
10.14. Қадалы ростверктерi ортадан тыс созылуға және сығылуға, сонымен қатар топырақты өңдеу кезiнде, деформацияланатын негiздің бүйiр қысымынан болған қадалардың горизонталь тiрек реакциясының көлденең күштен және июшіi моменттен қада ростверктерiне әсерi кезiндегi бұралуға есептелуi тиiс.
10.15. Биiк ростверкті қадалы iргетастарды қолдану кезiнде, топырақ бетiне жасалатын бетон едендi немесе басқа қатты құрылымдарды қаданың бүкiл периметрi бойынша енi 8 см-ден кем емес, қатты құрылымдардың бүкiл қалыңдығында саңылау қарастырылуы керек. Саңылауды топырақ негiзiнiң горизонталь жылжуының әсерi кезiндегi қадалар үшiн қатты тiрек құрамайтын, пластикалық немесе серпiмдi материалдармен толтыру керек.