I. Түсіндірме беретін жазба

«Юриспруденция» мамандығы бойынша оқитын студенттер басты пәндердің бірі ретінде, осы мамандық үшін қажетті пәндердің бірі болып табылатын, негізгі ұғымдар мен түсініктерді қамтитын “Қазақстан Республикасының құқық қорғау органдары” курсын оқуы керек. Оларды білмейінше оқу бағдарламаның басқа тақырыптарын менгеруде қиындық туындайды. “Қазақстан Республикасының құқық қорғау органдары” курсы мемлекеттің маңызды деген құқық қорғау қызметтерін жүзеге асыратын органдар мен ұйымдардың қызметтері, олардың заңдылық пен құқықтық тәртіпті қамтамасыз етудегі рөлін және аталған құқық қорғау органдарының бір бірімен қатынас жасау ерекшеліктерін ашып көрсетеді.

Оқытудың кредиттік технологияға өту жағдайларында оқу-педагогикалық процесінің алдында келесі мәселелер тұр, оқу пәні ретінде “Қазақстан Республикасының құқық қорғау органдары” ерекшеліктерін нақты айқындау қажеттілігімен байланысты, кез келген студентке оның артықшылығы мен маңыздылығын жеткізу, оларға аталмыш ғылымның заңдық пәндер мен гуманитарлық білім жүйесіндегі оның алатын орнын көрсету.

Мүмкіндігінше, кредиттік жүйенің құрамдас бөліктерін толық көлемде жұмылдыру: қарастыратын тақырып бойынша дәріс алдында студенттерге «дайындық материалдар» ұсыну, СОӨЖ, СӨЖ мен семинар сабақтарына дайындалу мақсатында баяндамаларды бөліп беру, оқытушы студенттерге жеке кеңес беру, аралық бақылау өткізу, студенттердің білімін тексеруде тестілеуді және т.б. қолдану.

“Қазақстан Республикасының құқық қорғау органдары” оқу пәнін оқытудың мақсаты студенттерді қазіргі кездегі мемлекетте жүзеге асырылатын құқық қорғау қызметтері, олардың ерекшеліктері жайлы білімдерге жетелеу, оның түрлері, нысандары, және функциялары туралы, сот билігінің түсінігі, сот төрелігінің маңызы, прокурорлық қадағалау мазмұнын, құқық қорғау қызметтерін жүргізу кезінде адамның құқықтары мен бостандықтары және оны қамтамасыз ету мен қорғаудағы заңның орны жайлы үйрету болып табылады.

Пәнді оқып үйренудегі міндеттер:

• Студенттердің заңи ойлауын, кәсіби құқықтық санасын және жоғарғы құқықтық мәдениетін қалыптастыру.

• Қазақстанның қоғамдық өмірінде болып жатқан оқиғаларды дұрыс бағдар жасау қабілетін жетілдіру.

• Қазақстан Республикасының құқық қорғау органдарының қызметтері туралы толық мағлұматтарды меңгеруіне әсер ету.

• Сот билігі мен сот төрелігінің маңызы мен белгілерін дұрыс түсіну және олардың ерекшеліктері туралы білімдерді қалыптастыру.

• Еліміздегі прокурорлық қадағалаудың мазмұны мен маңызын нақты түсінуіне жетелеу.

• Қазақстан Республикасындағы алдын ала тергеу органдарының қызметтерінің ерекшеліктерін ажырата алуына септігін тигізу.

ІI. Студенттерге арналған пәннің оқу бағдарламасы (Силлабус)

1. Оқытушы туралы мәліметтер:

Тұрашев Ержан Нұрғалиұлы - заң ғылымдарының кандидаты, қылмыстық іс жүргізу және криминалистика кафедрасының доценті міндетін атқарушы.

1996 жылы Халықаралық Қазақ-Түрік университетінің заң факультетін үздік дипломмен тәмәмдаған. 1996-2002 жылдары Қазақ Мемлекеттік Заң Университетінде оқытушы, аға оқытушы болып жұмыс атқарған. 2003 жылы кандидаттық диссертацияны қорғаған. Ғылыми зерттеу жұмыс тақырыбы “Қылмыстық іс жүргізудегі кепілдіктер жүйесі». Ғылыми қызығушылығы - қылмыстық іс жүргізу заңнамасын жетілдіруге бағытталған мәселелер.

Қазақ, орыс тілдерін еркін меңгерген және ағылшын тілін сөздік арқылы түсінеді.

Қазақ Гуманитарлы-Заң университеті, халықаралық және ұлттық құқық факультеті, қылмыстық іс жүргізу және криминалистика кафедрасы, каб. 60.

Жұмыс телефоны - 32-72-45