- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
9 Метады і формы навуковага пазнання .4. Метады і формы навуковага пазнання
Ч
9.4
алавечае мысленне ўяўляе сабой складаны пазнавальны працэс, які ўключае ў сябе выкарыстанне мноства разнастайных прыёмаў, метадаў і формаў пазнання. Пад прыёмамі мыслення і навуковага пазнання трэба разумець агульналагічныя і агульнагнасеалагічныя аперацыі, якія выкарыстоўваюцца чалавечым мысленнем ва ўсіх яго сферах і на любым этапе і ўзроўні навуковага пазнання. Метад – гэта спосаб пабудавання і абгрунтавання сістэмы філасофскіх ведаў; сукупнасць прыёмаў і аперацый тэарэтычнага і практычнага засваення рэчаіснасці. Паколькі кожнай навуцы ўласцівыя свае метады даследавання, яе састаўной часткай з’яўляецца метадалогія – сістэма прынцыпаў і спосабаў арганізацыі і пабудовы тэарэтычнай і практычнай дзейнасці, а таксама вучэнне аб гэтай сістэме.
Метады навуковага пазнання можна падраздзяліць на тры групы: спецыяльныя, агульнанавуковыя, універсальныя. Спецыяльныя метады прымянімы толькі ў рамках асобных навук, аб’ектыўнай асновай гэтых метадаў з’яўляюцца адпаведныя спецыяльна-навуковыя законы і тэорыі. Да гэтых метадаў адносяцца, у прыватнасці, розныя метады якаснага аналізу ў хіміі, метад спектральнага аналізу ў фізіцы і хіміі, метад статыстычнага мадэлявання пры вывучэнні складаных сістэм.
Агульнанавуковыя метады характарызуюць ход пазнання ва ўсіх навуках, іх аб’ектыўнай асновай з’яўляюцца агульнаметадалагічныя заканамернасці пазнання, якія ўключаюць у сябе і гнасеалагічныя прынцыпы. Да такіх метадаў адносяцца метады эксперыменту і назірання, метад мадэлявання, гіпатэтыка-дэдуктыўны метад, метад узыходжання ад абстрактнага да канкрэтнага. Універсальныя метады характарызуюць чалавечае мысленне ў цэлым і прымянімыя ва ўсіх сферах пазнавальнай дзейнасці чалавека з улікам іх спецыфікі. Іх агульначалавечай асновай выступаюць агульнафіласофскія заканамернасці разумення аб’ектыўнага свету, самога чалавека, яго мыслення і працэсу пазнання і пераўтварэння свету чалавекам. Да гэтых метадаў адносяцца філасофскія метады і прынцыпы мыслення, у прыватнасці, прынцып дыялектычнай супярэчлівасці, прынцып гістарызму.
Прыёмы, метады і формы навуковага пазнання могуць у пэўныя моманты пераходзіць адно ў другое ці супадаць адно з другім. Напрыклад, такія прыёмы, як аналіз, сінтэз, ідэалізацыя могуць быць адначасова і метадамі пазнання, а гіпотэзы выступаюць і як метад, і як форма навуковага пазнання.
Да таго ж метады можна класіфікаваць у залежнасці ад узроўню пазнання. У гэтым выпадку выдзяляюць эмпірычныя і тэарэтычныя метады.
Метады эмпірычнага даследавання. Назіранне – першая форма адносінаў чалавека да свету, яго дзейнасці. Гэта мэтанакіраванае, арганізаванае ўспрыняцце з’яў аб’ектыўнай рэчаіснасці, у выніку якога чалавек атрымлівае першасныя веды аб знешніх баках, уласцівасцях, сувязях і адносінах прадметаў, з’яў і працэсаў.
Эксперыментам называюць такі метад даследавання, які дапускае змяненне аб’екта, стварэнне спецыяльных, загадзя вызначаных умоў праходжання працэсу. Поспех эксперымента залежыць ад актыўнасці суб’екта, які яго праводзіць. Ад матэрыяльнага эксперыменту трэба адрозніваць мысленны эксперымент, які ўяўляе сабой сістэму лагічных працэдур над ідэалізаванымі аб’ектамі.
Для сістэматызацыі апрацоўкі ведаў, атрыманых пры назіранні і эксперыменце, прымяняюцца аналіз і сінтэз, індукцыя, дэдукцыя, класіфікацыя і іншыя метады.
Аналіз (грэч. аnalysis – раскладанне, расчляненне) – дзяленне цэлага на часткі з мэтай пазнання кожнай з гэтых частак.
Сінтэз (грэч. synthesis – злучэнне, складанне) уяўляе сабой адваротную працэдуру, калі праводзіцца злучэнне асобных элементаў у адзінае цэлае (сістэмы) з мэтай яго пазнання.
Аналіз і сінтэз уяўляюць сабой адзінства супрацьлегласцей, дапаўняюць адзін аднаго.
У працэсе пазнання веды паступова пашыраюцца, што дае магчымасць павялічыць ступень абагульненасці вывадаў і на аснове асобных фактаў з дапамогай метада індукцыі прыходзіць да больш агульнага, ствараць умовы для фармулявання заканамернасцяў.
Індукцыя (лац. inductio – навядзенне, настройванне) – такі метад даследавання, пры якім агульны вывад робіцца на падставе ведаў меншай ступені агульнасці. Індукцыя – рух ад адзінкавага і асобнага да агульнага.
Асновай індукцыі з’яўляецца назіранне, эксперымент, аналіз, сінтэз, у ходзе якіх чалавек атрымлівае веды аб асобных аб’ектах, іх уласцівасцях і на аснове іх робіць агульныя вывады.
Супрацьлеглым індукцыі метадам з’яўляецца дэдукцыя (лац. deductio – вывядзенне), якая мае тэарэтычную накіраванасць. Індукцыя і дэдукцыя звязаны паміж сабой такім жа чынам, як сінтэз і аналіз. Класіфікацыя садзейнічае пераходу навуковага пазнання са ступені эмпірычнага накаплення ведаў на ўзровень тэарэтычнага абагульнення. Яна з’яўляецца найвышэйшай ступенню апісання, г. зн. упарадкавання фактычнага эмпірычнага матэрыялу ў адпаведнасці з выяўленымі агульнымі, асаблівымі і асобнымі ўласцівасцямі, прыкметамі.
Метады тэарэтычнага даследавання. Тэарэтычны ўзровень пазнання ў адносінах да эмпірычнага характарызуецца павышэннем агульнасці, адлюстраваннем унутраных, істотных сувязей і заканамернасцей свету (прыроднага і сацыяльнага), яго асобных элементаў, аб’ектаў. Пераход ад эмпірычнага да тэарэтычнага прадстаўлены ўзыходжаннем ад з’явы да сутнасці, ад сутнасці першага парадку да сутнасці другога парадку, ад абстрактных ведаў да іх сінтэзу ў тэорыі.
На тэарэтычным узроўні выкарыстоўваюцца метады пабудавання ідэальнага аб’екта (мадэліраванне, фармалізацыя, дэдукцыя, аксіёматызацыя і інш.), абгрунтаванне тэорыі (гістарычны і лагічны), узыходжанне ад абстрактнага да канкрэтнага, гіпатэтыка-дэдуктыўны метад і інш.
Ідэалізацыя як метад уяўляе сабой працэс мысліцельнага канструявання паняццяў аб аб’ектах, рэальна не існуючых у аб’ектыўнай раальнасці (напрыклад, мадэль абсалютна чорнага цела ў фізіцы, паняцце пункта ў матэматыцы і інш.), але такіх, для якіх у рэальным свеце ёсць правобразы. Гэтым ідэалізацыя адрозніваецца ад фантазіі. Ідэалізаваныя аб’екты дапамагаюць пазнаваць рэальныя аб’екты, будаваць абстрактныя схемы рэальных аб’ектаў, працэсаў. У гэтым сэнсе ідэалізацыя цесна звязана з метадам мадэліравання.
Мадэліраванне – метад вывучэння аб’ектаў з дапамогай мадэляў (копій), якія бяруцца замест арыгінала. Мадэліраванне прымяняецца тады, калі даследаваць рэальны працэс немагчыма, напрыклад, тэрмаядзерныя працэсы на Сонцы. Гэты метад шырока прымяняюць у сістэме адукацыі.
Мадэліраванне можа быць матэрыяльным (прадметным) і ідэальным (знакавым, інфармацыйным).
Фармалізацыя як метад уяўляе сабой працэс выяўлення зместу шляхам знакавага фармалізму, абагульнення формы (гл. форма і змест). Фармалізацыя звязана з выкарыстаннем фармалізаванай мовы (матэматыкі). Фармалізацыя мае на ўвазе адзінства формы і зместу. Абсалютызацыя ж формы, адрыў яе ад зместу вядзе да фармалізму. Асабліва небяспечны фармалізм у сферы чалавечых адносінаў.
Дэдукцыя непасрэдна звязана з індукцыяй і ўяўляе сабой метад атрымання асобных высноў (пасылак) на падставе агульных. У якасці агульных пасылак могуць выступаць не толькі навуковыя факты, але і гіпатэтычныя суджэнні.
Выкарыстанне дэдукцыі звязана з выкарыстаннем сістэмы пэўных мысліцельных правілаў, якая называецца логікай. Часцей за ўсё дэдукцыя прымяняецца ў матэматыцы, тэарэтычнай фізіцы і іншых навуках высокага ўзроўню тэарэтычных абагульненняў.
У аснове аксіяматычнага метаду ляжыць паняцце аксіёмы.
Аксіёма – такое сцвярджэнне, даказваць праўдзівасць якога няма неабходнасці. Напрыклад, геаметрыя Еўкліда была пабудавана на пасылках, якія лічыліся інтуітыўна праўдзівымі. Заўважым, што пабудаванне фармалізаванных аксіяматычных сістэм прывяло да вялікіх поспехаў у галіне матэматыкі.
Гістарычны і лагічны метады даследавання. У аснове гістарычнага метаду даследавання ляжыць вывучэнне рэальнай гісторыі, разнастайнасці яе праяўленняў. Лагічны метад раскрывае логіку развіцця рэальнай гісторыі, быцця.
Лагічны і гістарычны метады выступаюць як прыёмы пабудавання тэарэтычных ведаў аб прыроднай і сацыяльнай рэчаіснасці, адлюстроўваюць адныя і тыя ж працэсы і таму супадаюць па змесце, але адрозніваюцца па форме.
Адзінства гістарычнага і лагічнага дазваляе разглядаць аб’ект ці працэс у адзінстве: мінулае, сучаснае і будучае.
Узыходжанне ад абстрактнага да канкрэтнага. Кожны аб’ект ці працэс рэалізуе сваё аб’ектыўнае быццё праз мноства сувязей, адносін, узаемаадносін, пазнаць якія адразу чалавек не можа. У працэсе пазнання штосьці фіксуецца, а ад чагосьці чалавек адыходзіць, абстрагуецца. Пазнаючы асобныя бакі рэчаў, сувязяў і адносін, чалавек вымушаны зводзіць свае веды ў адзіную сістэму, што знаходзіць адлюстраванне ў дыялектыцы абстрактнага і канкрэтнага.
Метад узыходжання ад абстрактнага да канкрэтнага прымяняецца як у прыродазнаўстве, так і ў сацыяльных навуках. Канкрэтнае ў ім разглядаецца на двух узроўнях. Па-першае, як пачуццёва дадзенае, па-другое, як элемент тэарэтычных ведаў.
Гіпатэтыка-дэдуктыўны метад заключаецца ў тым, што развіццё ведаў ідзе не ад эмпірыі (вопыту) да тэарэтычных абагульненняў і вывадаў, а наадварот: спачатку ствараецца гіпатэтычная канструкцыя (сістэма гіпотэз), а затым ажыццяўляецца вопытная праверка суджэнняў (гіпотэз). Практыка або пацвярджае іх і пераводзіць у ранг сапраўдных, навуковых ведаў, ці абвяргае.
У рэальным навуковым пазнанні ўсе метады могуць праяўляць сябе адначасова, ва ўзаемадзеянні. Іх канкрэтнае прымяненне ў кожным 124 асобным выпадку вызначаецца як узроўнем навуковага пазнання, так і асаблівасцямі аб’екта ці працэсу. Яны не застаюцца раз і назаўсёды дадзенымі. Да формаў навуковага пазнання адносяць навуковы факт, праблему, гіпотэзу, тэорыю.
Формы навуковага пазнання. Больш падрабязна разгледзім скрозь прызму адзначаных форм схему развіцця ведаў. Факт як форма навуковага пазнання характырызуе дакладныя эмпірычныя веды, г. зн. устаноўленыя, даказаныя веды пра нейкія праяўленні, характарыстыкі, уласцівасці вывучаемых аб’ектаў.
Эмпірычны факт фарміруецца на аснове інтэрпрэтацыі з дапамогай ужо існуючых таэрэтычных ведаў, а затым можа быць выкарыстаны для пабудавання новых, яшчэ не існуючых тэарэтычных ведаў.
У выніку ўзнікае праблемная сітуацыя як першая фаза станаўлення навуковай праблемы. Праблема як форма навуковага пазнання характарызуе веды пра нейкія зноў адкрытыя, раней невядомыя бакі якога-небудзь вядомага аб’екта. Інакш кажучы, гэта пэўныя веды пра няведанне, фіксацыя таго, што ў вядомым выяўлена штосьці невядомае, якое падлягае раскрыццю і тлумачэнню.
А калі выявіцца, што наяўных сродкаў у даследчыка ці наогул у навуковай суполцы недастаткова для ліквідацыі разрыву, што разрыў носіць прынцыповы характар, тады ўзнікае неабходнасць у распрацоўцы новых ведаў, якія б устаранілі ўзнікшы разрыў. Гэтыя новыя веды паўстаюць першапачаткова ў форме навуковай гіпотэзы.
Гіпотэза ўяўляе сабой навукова абгрунтаванае меркаванне, якое змяшчае ў сабе новыя веды тэарэтычнага характару і тлумачыць новыя факты, якія не ўкладваюцца ў старую тэорыю, якія і спарадзілі праблемы. Таму і ўзнікае неабходнасць у генерацыі новых ведаў, закліканых гэту праблему вырашыць.
Гіпотэза не можа пярэчыць існуючым законам з той жа прадметнай галіны, да якой адносіцца гіпотэза. Аднак гэта патрабаванне не з’яўляецца абсалютным.
Трэба адзначыць, што ператварэнне гіпотэзы ў тэорыю не змяняе зместу гіпотэзы, бо развітая, абгрунтаваня гіпотэза ўяўляе сабой складаную, разгорнутую сістэму ведаў.
Як сістэма ведаў тэорыя мае складаную структуру. Асноўнымі структурнымі кампанентамі тэорыі з’яўляюцца тэарэтычная мадэль, г. зн. сістэма абстрактных аб’ектаў, адносна якіх выстройваюцца ўсе выказванні тэорыі. Гэта тэарэтычная мадэль складаным чынам звязана з матэматычным апаратам тэорыі.