Па дысцыпліне “Беларуская мова. Прафесійная лексіка”

Тэма: Уводзіны ў дысцыпліну ”Беларуская мова (прафесійная лексіка)”. Беларуская мова і яе месца ў сістэме агульначалавечых

І нацыянальных каштоўнасцей.

Час: 75 хвілін

І. Вучэбныя і выхаваўчыя мэты:

1. Вызначыць асноўныя задачы вывучэння дысцыпліны “Беларуская мова (прафесійная лексіка).

2. Пазнаёміцца з паняццем мовы як сродку зносін у грамадстве, назваць асноўныя функцыі мовы, акрэсліць гіпотэзы паходжання і формы існавання беларускай мовы.

3. Дапамагчы студэнтам усвядоміць месца беларускай мовы ў развіцці нацыянальнай культуры і ў духоўным адраджэнні нацыі.

ІІ. Матэрыяльнае забеспячэнне:

Дыдактычны матэрыял па тэме.

ІІІ. Разлік вучэбнага часу:

№ пп	Ход заняткаў	Колькасць адведзенага часу ў хвілінах
1.	Уводная частка.	5
2.	Кантроль зыходнага ўзроўню ведаў у выглядзе тэставання.	10
3.	Апытванне па тэарэтычным матэрыяле.	20
4.	Выкананне практычных заданняў.	20
5.	Выстаўленне выніковых адзнак.	5
6.	Заключная частка.	5

IV. Агульныя метадычныя ўказанні:

Пасля праверкі прысутных выкладчык знаёміць студэнтаў з задачамі і тэмай практычных заняткаў. Кантроль зыходнага ўзроўню ведаў праводзіцца ў выглядзе тэставання. На занятках студэнты ўдзельнічаюць у абмеркаванні пытанняў па разглядаемай тэме, выконваюць практычныя заданні. Выкладчык забяспечвае выкананне ўсіх запланаваных практыкаванняў, арганізуе самастойную работу студэнтаў па выкананні заданняў, тым самым ацэньвае ўзровень ведаў студэнтаў. У заключнай частцы выкладчык дае характарыстыку работы групы, адзначае ступень падрыхтоўкі студэнтаў. Даецца заданне на наступныя заняткі.

V. Ход заняткаў.

1. Уводная частка:

1. Арганізацыйны момант.

2. Вызначэнне мэтавай накіраванасці заняткаў.

2. Кантроль зыходнага ўзроўню ведаў:

Адзначце нумары правільных адказаў:

1. Галоўная функцыя мовы

1. камунікатыўная;

2. эстэтычная;

3. адлюстравання.

2. Ці згодны вы, што чалавек валодае прыроджанай здольнасцю гаварыць, але не мае прыроджанай здольнасці да пэўнай мовы?

1. да;

2. не.

3. Паводле якой тэорыі паміж назвай прадмета і самім прадметам існуе натуральная, дадзеная ад прыроды сувязь

1. фюсей;

2. тэсей;

3. натуралістычнай.

4. Матэрыяльнай асновай якой формы мовы з’яўляецца графічны знак?

1. вуснай;

2. пісьмовай.

5. Якія дыялекты выдзяляюць на тэрыторыі Беларусі?

1. паўночна-ўсходні;

2. паўднёва-заходні;

3. паўночна-заходні;

4. паўднёва-ўсходні.

6. У склад нацыянальнай мовы ўваходзяць

1. літаратурная мова;

2. дыялектная мова;

3. літаратурная і дыялектная мовы.

7. Галоўнае адрозненне літаратурнай мовы ад дыялектнай гэта –

1. унармаванасць літаратурнай мовы;

2. ужыванне літаратурнай мовы ў афіцыйных установах.

Адказ студэнта

Правільны адказ