- •Метадычная распрацоўка для студэнтаў №1
- •Па дысцыпліне “Беларуская мова. Прафесійная лексіка”
- •І нацыянальных каштоўнасцей.
- •III. Пытанні для самападрыхтоўкі па змесце заняткаў:
- •IV. Пытанні для аўдыторнага кантролю ведаў:
- •МАтэрыял для самападрыхтоўкі
- •Мова як сродак зносін у грамадстве
- •Гіпотэзы паходжання мовы
- •Функцыі мовы ў грамадстве
- •Формы беларускай нацыянальнай мовы: дыялектная і літаратурная
- •6. Вусная і пісьмовая формы беларускай мовы
- •7. Нацыянальная мова і духоўная культура народа
- •8. Месца беларускай мовы ў ідэалогіі беларускай дзяржаўнасці
- •V. Літаратура Асноўная:
- •Дадатковая:
- •Метадычная распрацоўка для выкладчыкаў №1
- •Па дысцыпліне “Беларуская мова. Прафесійная лексіка”
- •І нацыянальных каштоўнасцей.
- •1. Вызначыць асноўныя задачы вывучэння дысцыпліны “Беларуская мова (прафесійная лексіка).
- •2. Пазнаёміцца з паняццем мовы як сродку зносін у грамадстве, назваць асноўныя функцыі мовы, акрэсліць гіпотэзы паходжання і формы існавання беларускай мовы.
- •IV. Агульныя метадычныя ўказанні:
- •V. Ход заняткаў.
- •1. Уводная частка:
- •2. Кантроль зыходнага ўзроўню ведаў:
- •3. Апытванне па тэарэтычным матэрыяле:
- •4. ПрактычнЫя заданні:
- •5. Выстаўленне выніковых адзнак.
- •6. Заключная частка.
- •VI. Літаратура Асноўная:
- •Дадатковая:
УА “Віцебскі дзяржаўны ордэна Дружбы народаў
медыцынскі універсітэт”
Кафедра рускай і беларускай моў ФПДП
Абмеркавана на пасяджэнні кафедры
рускай і беларускай моў ФПДП
Пратакол №8 ад 24.02.2010г.
Метадычная распрацоўка для студэнтаў №1
для правядзення заняткаў
на фармацэўтычным, стаматалагічным факультэце
Па дысцыпліне “Беларуская мова. Прафесійная лексіка”
Тэма: Уводзіны ў дысцыпліну ”Беларуская мова (прафесійная лексіка)”. Беларуская мова і яе месца ў сістэме агульначалавечых
І нацыянальных каштоўнасцей.
Час: 75 хвілін
І. Вучэбныя і выхаваўчыя мэты:
1. Вызначыць асноўныя задачы вывучэння дысцыпліны “Беларуская мова (прафесійная лексіка).
2. Пазнаёміцца з паняццем мовы як сродку зносін у грамадстве, назваць асноўныя функцыі мовы, акрэсліць гіпотэзы паходжання і формы існавання беларускай мовы.
3. Дапамагчы усвядоміць месца беларускай мовы ў развіцці нацыянальнай культуры і ў духоўным адраджэнні нацыі.
ІІ. Матэрыяльнае забеспячэнне:
Дыдактычны матэрыял па тэме.
III. Пытанні для самападрыхтоўкі па змесце заняткаў:
Беларуская мова (прафесійная лексіка).
Задачы вывучэння дысцыпліны.
Мова як сродак зносін у грамадстве.
Гіпотэзы паходжання мовы.
Функцыі мовы ў грамадстве.
Формы беларускай нацыянальнай мовы: дыялектная і літаратурная.
Вусная і пісьмовая формы мовы.
Нацыянальная мова і духоўная культура народа.
Месца беларускай мовы ў ідэалогіі беларускай дзяржаўнасці.
IV. Пытанні для аўдыторнага кантролю ведаў:
Пералічыце асноўныя задачы вывучэння дысцыпліны “Беларуская мова (прафесійная лексіка)”.
Дайце азначэнне паняццю “мова”.
Пералічыце асноўныя гіпотэзы паходжання мовы. Ахарактарызуйце кожную з гіпотэз.
Пералічыце асноўныя функцыі мовы. Ахарактарызуйце кожную з функцый.
Дайце азначэнне паняццям “дыялектная мова” і “літаратурная мова”.
Назавіце дыялекты, якія існуюць на Беларусі.
Пералічыце нормы літаратурнай мовы. Дайце кожнай з іх азначэнне.
Ахарактарызуйце вусную і пісьмовую формы мовы.
Дайце азначэнне паняццям “нацыянальная мова” і “духоўная культура”.
Акрэсліце месца беларускай мовы ў ідэалогіі беларускай дзяржаўнасці.
МАтэрыял для самападрыхтоўкі
1. Беларуская мова (прафесійная лексіка) – дысцыпліна, якая дапамагае студэнтам далучыцца да багаццяў нацыянальнай культуры, сфарміраваць камунікатыўна развітую асобу, здольную наладжваць зносіны на роднай мове ў прафесійнай сферы, перакладаць і рэферыраваць прафесійна арыентаваныя і навуковыя тэксты, весці дзелавую дакументацыю, выступаць з навуковымі паведамленнямі і публічнымі прамовамі і інш.
Праграма курса “Беларуская мова (прафесійная лексіка)” накіравана на засваенне і прафесійнае прымяненне беларускай навуковай тэрміналогіі, выпрацоўку ў студэнтаў уменняў правільна ўспрымаць любую інфармацыю на беларускай мове, а таксама дакладна і асэнсавана выказваць любую думку, спрыяць павышэнню грамадскага прэстыжу беларускай літаратурнай мовы як мовы тытульнай нацыі ў Рэспубліцы Беларусь.
Задачы вывучэння дысцыпліны:
- сфарміраваць разуменне неабходнасці ведаць і карыстацца беларускай мовай у прафесійнай дзейнасці;
- даць неабходную сістэму ведаў аб лексічным складзе, тэрміналогіі і маўленчай культуры;
- дапамагчы усвядоміць месца беларускай мовы ў развіцці культуры і ў духоўным адраджэнні нацыі;
- садзейнічаць падрыхтоўцы высокаадукаваных, творчых і крытычна думаючых спецыялістаў, здольных вырашаць складаныя моўна-сацыяльныя праблемы бытавання беларускай мовы ва ўмовах дзяржаўнага білінгвізму.