- •Асқазанның клиникалық анатомиясы
- •Асқазанның негізгі қызметі және шырышты қабатының құрылысы
- •Асқазан рагының эпидемиологиясы
- •Асқазан рагын қоздырушы себептер
- •Асқазанның ісік алды аурулары
- •Асқазанның интестинальды (ішектік) рагының патогенезі
- •Асқазан рагынан сақтандыру шаралары мен жолдары
- •Асқазан рагының патологиялық анатомиясы
- •Асқазан рагының гистологиялық құрылысы
- •Асқазан рагының өсу сатылары
- •Tnm жүйесі бойынша асқазан рагының жіктелуі
- •Асқазан рагының клиникалық белгілері
- •Асқазан рагының «шағын белгілер» синдромы
- •Асқазан рагын басқа аурулардан ажырату
- •Асқазан рагының асқынулары
- •Асқазан рагының диагностикасы
- •Асқазан рагына қауіпті белгілер
- •Асқазан рагы кезінде лабораториялық тексерулер
- •Асқазан рагын рентгенмен тексеру жолдары
- •Өңеш ұшымен ішек қабырғасы арасына салу (а), Ру бойынша көлденең эзофагоеюноанастомоз (механикалық тігіс пкс аппаратымен) ішек аралық анастомозбен.
- •Асқазан рагын емдеу жолдарының нәтижелері
- •Асқазан рагымен ауырған адамдардың еңбекке жарамдылығы мен реабилитациясы
- •Асқазан рагы бойынша сынақ тесттер
- •5.Асқазан рагы антральді бөлігін бітегенде жасалатын паллиативті емі?
- •13. Асқазан рагының қай түрі баяу өседі, сирек және кеш бөгелме ісік береді?
- •1. Асқазан рагы қай жаста жиі пайда болады?
- •2. Асқазан рагының қай түрі баяу өседі, сирек және кеш бөгелме ісік береді?
- •1. Асқазанның дисталді бөлігінің рагына қайсы белгілер тән?
- •73. Менетрие ауруы - бұл:
- •1. Асқазан рагында операция жасауға болмайтын абсолютті белгілерінен басқасы қайсысы?
- •1. Асқазанның пилорикалық бөлімі ракпен бітелгенде қайсы қызметі бұзылады?
- •1. Асқазанның дистальды бөлігіне жасалатын типті операция қайсысы?
- •Тесттік сұрақтардың эталонды жауабы
- •Жауапты бағалау Жалпы 91 сұрақ. Студент барлық тесттік нұсқаларды шешу керек.
- •Ситуациялық есептер
- •Ситуациялық есептердің жауабы:
Асқазан рагының гистологиялық құрылысы
Гистологиялық құрылысы жөнінен асқазан рагы, пайда болуына қарай былайша бөлінеді:
безді ( аденокарцинома),
коллоидты
тәнді (солидты),
жайылма клеткалы,
пісіп-жетілмеген,
жіктелуге келмейтін түрі болып бөлінеді
Осылардың ішінде жиі кездесетіні аденокарцинома. Оның ұлпасындағы ісік клеткаларының жіктелуі әртүрлі даму дәрежесінде болып кездеседі. Жетілген безді рак түрі экзофитті ракқа сәйкес келеді. Ісік клеткалары жіктелмей, пісіп жетілмеген, тәнді және тінді рактар эндофитті асқазан рагында кездесіп, өте қатерлі жүреді.
Бұлардың бәрі ісіктің пайда болу механизміне және сақтандыру шараларына қатысы жоқ. Ал, сақтану жолдарына және пайда болу механизміне тікелей ықпалын тигізетін әрекеттерге сәйкес асқазан рагы екі түрлі келеді:
интестинальды – түйінді,
жайылмалы рак
Енді морфологиялық құрылысы жөнінен және биохимиялық ерекшеліктеріне қарағанда интестинальды рактың мынадай өзгешеліктері бар.
Олар:
көбінде атрофиялық (сему) гастриттен кейін пайда болады,
тамаққа және қоршаған ортаға байланыстылығы шамалы келеді,
аурушаңдық көрсеткіші тым жоғары жерлерде жиі анықталынады,
еркектердің егде жасында кездесуі,
асқазанның кардий және антрум бөлімдерін жарақаттайды,
тұқым қуаламайды және қан топтарына (ІІ-А) қатысы жоқ.
Ісік айналасы өзгерген шырышты клеткалы қабыршықтарға өте бай келеді және бұлар ішекке ұқсамайды, ал жайылмалы ракта, асқазан шырышты қабатының эпителийі ішектікіне ұқсас болады. Оның клеткалары микроскоп көзінде - сақина тәріздес, басқалардан басым болып, біркелкі жайылып көрінеді.
Олардың ерекшеліктері:
интестинальды рак сияқты жиі кездеспейді – сирек тіркеледі,
ішектің шырышты қабыршығына ұқсас келеді,
жайылмалы өседі, жиі жараланады,
тамаққа және сырты ортаға байланыссыз жүреді,
жас адамдарда жиі болады,
еркектерді де, әйелдерді де бірдей зақымдайды,
тұқым қуалайды,
аурулардың көбісінде ІІА қан тобы байқалады.
Асқазан рагы негізінде лимфа мен қан тамыр жүйесі арқылы және тікелей жанаспалы жолмен, айналасындағы сау ұлпаларға көшеді. Сонымен бұларға қоса, ол асқазанның шырышты қабатының астымен жоғары қарай өрбиді. Міне, осындай ерекшеліктерінің арқасында, асқазан рагының эндофитті ісіктері, оның көзге көрініп тұрған түйін шекарасынан тыс, 7-8 см-ге дейін жерге таралады; ал экзофитті ісіктерде – 2-3 см-ден аспайды. Асқазан рагының кардий бөліміндегі ісік, оның ішкі қуысына және өңешке қарай таралады, ал ісіктің ұлтабарға қарай өсуі, тек асқынған ракта ғана кездеседі.
Кіші иіндегі рак кіші шарбы; тіпті, бауырдың сол жақ бөліміне, ұйқы безіне, ішкі лимфа бездеріне шейін тарауы мүмкін. Ал үлкен иін аймағындағы ісік, тоқ ішектің көлденең бөліміне, үлкен шарбы майына және асқазан-ішек байланыстарына, ұйқы безіне бөгелме ісік береді. Сирек жағдайда кардий бөлігіндегі рак, көк етті қоса зақымдайды. Осыған байланысты, зақымданған көршілес мүшелерде, соларға тән қосымша белгілер пайда болады. Дегенмен, бұл зақымданулар радикальды емге кедергі болмайды, бірақ болжамды нашарлатады.