- •Метадычная распрацоўка для студэнтаў №5
- •Па дысцыпліне “Беларуская мова. Прафесійная лексіка”
- •III. Пытанні для самападрыхтоўкі па змесце заняткаў:
- •IV. Пытанні для аўдыторнага кантролю ведаў:
- •МАтэрыял для самападрыхтоўкі:
- •1. Паняцце тэрміна. Тэрміналогія
- •2. Адрозненні тэрмінаў ад прафесіяналізмаў і звычайных слоў
- •3. Спосабы ўтварэння тэрмінаў
- •Размежаванне тэрміналагічнай лексікі па разрадах і сферы выкарыстання
- •Асаблівасці медыцынскай тэрміналогіі
- •6. З гісторыі фарміравання беларускай навуковай тэрміналогіі
- •V. Літаратура Асноўная:
- •Дадатковая:
- •Метадычная распрацоўка для выкладчыкаў №5
- •Паглыбіць веды аб тэрміналагічнай сістэме беларускай мовы.
- •IV. Агульныя метадычныя ўказанні:
- •V. Ход заняткаў.
- •1. Уводная частка:
- •2. Кантроль зыходнага ўзроўню ведаў.
- •2. Выпішыце тэрміны (5-6) з прапанаваных тэкстаў.
- •3. Апытванне па тэарэтычным матэрыяле:
- •4. Складзіце сказы з прыведзеных ніжэй слоў.
- •5. Зрабіце марфемны разбор медыцынскіх тэрмінаў.
- •5. Выстаўленне выніковых адзнак.
- •6. Заключная частка.
- •VI. Літаратура Асноўная:
- •Дадатковая:
Размежаванне тэрміналагічнай лексікі па разрадах і сферы выкарыстання
Тэрміны падзяляюцца на разрады:
агульназразумелыя
вузкаспецыяльныя
Сэнс агульназразумелага тэрміна зразумелы і неспецыялісту (хаця б у агульных рысах).
Тэрміны вузкаспецыяльныя зразумелыя і ўжываюцца толькі спецыялістамі, ужыванне іх за межамі дадзенай тэрмінасістэмы, па-за сферай навукі, тэхнікі ці мастацтва, патрабуе тлумачэння.
Напрыклад,
Хімія
Агульназразумелыя: кіслата, акісленне, вадарод, рэакцыя і інш.
Вузкаспецыяльныя: гідроліз (разлажэнне складанага рэчыва пад уздзеяннем вады), кальцынацыя (пракальванне рэчыва з мэтай яго акіслення ці разлажэння) і інш.
Біялогія
Агульназразумелыя: пазваночныя, паўзуны (пресмыкающиеся), апыленне, эмбрыён і нш.
Вузкаспецыяльныя: анабіёз (прыстасаванне арганізмаў да неспрыяльных умоў існавання), філагенез (працэсс развіцця арганічнага свету) і інш.
Медыцына
Агульназразумелыя: ангіна, дыягназ, наркоз і інш.
Вузкаспецыяльныя: сератэрапія (лячэнне сывараткай), лізіс (павольнае зніжэнне тэмпературы), фіброма (від пухліны) і інш.
Мовазнаўства
Агульназразумелыя: дзейнік, выказнік, сінонім, склад і інш.
Вузкаспецыяльныя: інтэрвакальны (які знаходзіцца паміж галоснымі), амафоны (фанетычныя амонімы), эліпсіс ( апусканне слоў, што падразумеваюцца) і інш.
Рэзкай мяжы паміж агульназразумелымі і вузкаспецыяльнымі тэрмінамі няма.
У адпаведнасці з існуючымі сферамі функцыянавання ў складзе тэрміналагічнай лексікі вылучаюць наступныя разрады: грамадска-палітычная, грамадска-культурная, навуковая і тэхнічная тэрміналогія.
Да грамадска-палітычнай тэрміналогіі адносяцца:
Тэрміны, якія выкарыстоўваюцца ў сферы грамадска-палітычнай дзейнасці: выбары, дэпутат, парламент і інш.
Тэрміны розных грамадскіх навук: гісторыі (адраджэнне, рэфармацыя), філасофіі (абстракцыя, эмпірызм, алагізм), палітычнай эканомікі (вартасць, даход, сродкі абарачэння), логікі (дэдукцыя, суджэнне, абстрактнае разважанне) і інш.
Да грамадска-культурнай тэрміналогіі адносяцца словы, што функцыянуюць у сферы культуры: музыцы (акорд, арыя, гукарад), тэатральным мастацтве (авансцэна, дэкарацыя, трупа), кінамастацтве (гукааператар, сцэнарый), выяўленчым мастацтве (жывапіс, нацюрморт, пейзажыст), архітэктуры (арка, барока, готыка) і інш.
Асаблівасцю грамадска-палітычнай і грамадска-культурнай тэрміналогіі з’яўляецца тое, што ім не ўласціва вузка абмежаваная сфера выкарыстання, стылістычная замкнутасць.
У склад навуковай тэрміналогіі ўваходзяць тэрміны розных галін навукі: геаграфіі, фізіялогіі, геалогіі, астраноміі, хіміі, фізікі, матэматыкі мовазнаўства, медыцыны (аазіс, мерыды, лінгвістыка, суфікс, прэпазіцыя, косінус, тэарэма, функцыя, аорта, дыягназ, карыес, пратэз і інш.)
Да тэхнічнай тэрміналогіі адносяцца тэрміны, што функцыянуюць у розных вытворча-тэхнічных сферах: машынабудаванні, электратэхніцы, гідратэхніцы, радыётэхніцы, металургіі, горнай справе і г.д. (генератар, камера згарання, гідрометр, дамба, домна, бур і інш.)