1.1. Зерттеу объектісін зерделеу және сипаттау

«Қазақстан Халық Банкі» АҚ - өз клиенттерінің игілігі үшін 89 жыл табысты қызмет етіп келе жатқан Қазақстан Республикасындағы аса ірі әмбебап коммерциялық банк, еліміздегі ең сенімді әрі қызметі барынша сараланған қаржылық құрылымдардың бірі.

«Қазақстан Халық Банкі» АҚ бұрынғы Қазақстан Республикасы Жинақ банкінің негізінде қайта құрылды және біраз жылдар бойы ҚР Үкіметінің зейнетақы мен жәрдемақы төлеу жөніндегі агенті болып келді. 2001 жылы жүргізілген Халық банкін жекешелендіру рәсімі нәтижесінде Банк өз клиенттеріне кең ауқымды және барынша сапалы қызметтер спектрін ұсыну мүмкіндігін беретін бизнес құрылымын жасауға қол жеткізді.Банк Visa International және MasterCard International төлем жүйесінің карточкаларын шығарады және қазақстандық пластикалық карточкалар рыногының тұрақты көшбасшысы болып келеді. Банктің эалпы шығарылған карточкаларының саны 2,7 млн. бірліктен асып түсті, ал екінші деңгейдегі банктер арасындағы Банктің бұл көрсеткіш бойынша үлесі 40 пайыздан асады.

«Қазақстанның Халық Банкі» ақ Қаржы орталығымен кепілдік берілген білім беру несиесін алу үшін міндетті шарттар.

·Қазақстан Республикасының азаматтығы; ·ҚР аумағында тұратын орны бойынша тұрақты немесе уақытша тіркелуі; ·Қазақстан аумағында орналасқан аттестацияланған жоғары оқу орындарында оқуы; ·Қарызгердің ОҰТ немесе Кешенді тестілеу нәтижелері бойынша 60 (алпыс) баллдан төмен болмайтын орташа үлгерімділігі; ·Кредиттік (төрт баллдық) жүйе бойынша 1,33 баллдан төмен болмайтын ағымдағы емтихандық сессияның нәтижелері бойынша орташа балл; ·Бес баллдық жүйе бойынша 3,5 баллдан төмен болмайтын ағымдағы емтихандық сессияның нәтижелері бойынша орташа балл;

Пайыз мөлшерлемесі	15 %
Қайтару мерзімі	10 жылға дейін
Қамсыздандыру	«Қаржы орталығы» АҚ кепілдігі; қосымша - кепілгерлік (ҚР аумағында тұрып жатқан кез келген жеке тұлға) Қосымша кепілзат қажет емес
Комиссиялық алым	Жоғары оқу орнының шотына ақша аудару үшін – аударылған сомадан мин. 0,5 % және мак. 3000 теңге; Кредиттік желіні ашуға өтінімді қарастыру үшін – 6000 (оның ішіндегі 2000 теңге –ГЦВП сұрау салу, 4000 тенге – қарызгер және серіктес қарызгер бойынша Кредиттік бюроға сұрау салу) ; өмірді сақтандыру – транш сомасынан 0,29% (жыл сайынғы негізгі қарыздан).
Кредитті өтеу	Жеңілдік кезеңінің болуы (оқу кезінде тек пайыздар төленеді, негізгі қарыз оқуды бітіргеннен кейін алты айдан соң төленеді); Қарызды мерзімнен бұрын өтеу үшін ешқандай айыппұл санкциялары қарастырылмаған.