De vertebris

In corpore humano triginta tres seu triginta quattuor vertebras distinguimus. Compages vertebrarum columna vertebralis vocatur. Vertebra forma similis est anulo osseo. Vertebra ex tribus partibus constat, quarum prima est corpus vertebrae, secunda arcus vertebrae, tertia processus. Processus vertebrae sunt: processus spinosus, duo processus transversi, quattuor processus articulares superiores et inferiores. Prima vertebra atlas, secunda axis nominatur, vertebra septima prominens. Vertebrae dividuntur in septem vertebras cervicales, duodecim vertebras thoracales, quinque vertebras sacrales et quattuor seu quinque vertebras coccygeas. In columna vertebrali distinguimus quinque partes: cervicalem, thoracalem, lumbalem, sacralem et coccygeam. Omnes vertebras praeterea dividimus in partes duas, quae sunt: vertebrae verae et vertebrae spuriae. Vertebrae verae ex cervicalibus, thoracalibus et lumbalibus vertebris constant. Vertebrae sacrales, quae os sacrum formant, et vertebrae coccygeae, quae os coccygis formant, vertebrae spuriae nominatur.

De cranio

Sceleton capitis cranium nominatur. Cranium per atlantem cum columna vertebrali iungitur. Cranium dividitur in cranium cerebrale, sive neurocranium, et cranium viscerale, sive splanchnocranium. Cranium cerebrale ex octo ossibus componitur: osse frontali, duobus ossibus temporalibus, duobus parietalibus, osse sphenoidali, ethmoidali, occipitali. Cranium viscerale ossa quindecim formant: ossa palatina, zygomatica, nasalia, lacrimalia, conchae nasales inferiores, vomer, mandibula, os hyoideum. Cavum cranii cerebralis per foramen occipitale magnum cum canale vertebrali communicatur. Suturis ossa cranii iunguntur. Suturae variae sunt: sutura coronalis, lambdoidea, sagittalis et ceterae. Ossa cranii immobilia sunt, mandibula solum mobilis est. Varii musculi cranium tegunt: musculi frontales, occipitales, auriculares, nasales, zygomatici, temporales. In ossibus cranii multa foramina et tubera observamus.

Radius

Antebrachium ex ulna et radio constat. Ulna et radius longi sunt. In radio caput radii et capitulum humeri distinguimus. Forma capituli radii rotunda est. Capitulum radii de radio cetero collo radii parvo separatur. In radio cristam interosseam acutam videmus.

De humero

In humero collum anatomicum humeri et collum chirurgicum humeri videmus. Post collum anatomicum duo tubercula sunt. De tuberculis cristae tuberculorum exiunt. Humerus trochleam in extremo habet. Supra trochleam fossa coronoidea et fossa olecrani jacent (sunt). Trochlea humerum cum ulna jungit. Juxta trochleam capitulum humeri (seu eminentia capitata) est. Capitulum humeri humerum cum radio jungit.

Encephalon

Encephalon е telencephalo, diencephalo, mesencephalo, metencephalo, myelencephalo (sive medulla oblongata) constat. Diencephalon in epithalamum, thalamum et hypothalamum dividitur.

Pons Varolii et cerebellum metencephalon formant. Pons Varolii et myelencephalon (sive medulla oblongata) rhombencephalon formant. Diencephalon, mesencephalon, metencephalon, myelencephalon truncum cerebri formant.

De osse ischii

In osse ischii corpus, ramum superiorem et ramum inferiorem distinguimus. Rami ossis ischii angulum formant. Apex crassus anguli tuber ischiadicum nominatur.

De musculis

Quantitas musculorum magna est. In musculo corpus musculi et tendo musculi distinguuntur. Forma musculorum varia est. Musculi lati, breves et longi sunt.

In extremitatibus musculi longi sunt. Pars media musulorum longorum venter nominatur. Origo musculi longi caput nominatur, extremitas altera cauda nominatur. Tendo musculos ad ossa figit. Tendines angusti et lati sunt. Tendo latus aponeurosis nominatur.

De musculis colli

Pars anterior (ventralis) colli non solum musculos habet, sed etiam organa cetera, exempli causa, laryngem, pharyngem et oesophagum. In collo etiam vasa grossa et nervi sunt. Inter musculos cervicales musculus platysma, musculus longus colli, musculus rectis capitis sunt. Musculus platysma protinus sub cute jacet. Musculus platysma lamina lata et tenuis est. Musculus platysma ad marginem mandibulae figitur. Musculus longus capitis ad partem basilarem ossis occipitalis figitur. Musculus rectus capitis anterior sub musculo longo capitis situs est.