«Ғылым таппай мақтанба»

Ғылым таппай мақтанба, Тiлеуiң, өмiрiң алдыңда,

Орын таппай баптанба, Оған қайғы жесеңiз.

Құмарланып шаттанба Өсек, өтiрiк, мақтаншақ,

Ойнап босқа күлуге: Ерiншек, бекер мал шашпақ -

Бес нәрседен қашық бол, Бес дұшпаның, бiлсеңiз,

Бес нәрсеге асық бол, Талап, еңбек, терең ой,

Адам болам десеңiз. қанағат, рақым, ойлап қой –

Бес асыл iс, көнсеңiз...

9-тапсырма. Абай туралы өз білгендеріңізді баяндаңыздар.

10-тапсырма. Абайдың 37- қара сөзiнен нақыл сөздерді оқып келіңіз.

11-тапсырма. Осы ойлар жөнiнде өз пiкiрiңiздi айтыңыз, ситуация құрастырыңыз.

1. Әкесiнiң баласы – адамның дұшпаны,

Адамның баласы - бауырың.

2. Жаман дос – көлеңке,

Басыңды күн шалса,

қашып құтыла алмайсың

Басыңды бұлт шалса,

Iздеп таба алмайсың.

3. Досы жоқпен сырлас,

Досы көппен сыйлас.

4. Қайратсыз ашу – тұл,

Тұрлаусыз ғашық - тұл,

Шәкiртсiз ғалым – тұл.

Осөж тапсырмасы

1.Абайдың туылған жылын көрсетіңіз:

а). 1904

ә) 1845

б) 1835

в) 1865

г) 1840

2. Шәкәрім Абайға кім болады:

а) немере інісі

ә) жиені

б) інісі

в) ағасы

г) туысы

3. Абай көзі тірісінде өз өлеңдерінің кітап болып шыққанын көрді ме:

а) көрді

ә) ол кезде баспахана жоқ еді

б) өзі қайтыс болғаннан кейін оның кітабы шықты

в) ақынның кітабы Кеңес Одағы кезінде шықты

г) Абай өз кітабын өз қаржысына шығарған.

4. Абай өз өлеңдерінде жастарды неге шақырады:

а) білімге, оқуға, пайдалы іспен айналысуға

ә) өтірік, өсек айтпауға

б) еріншек болмауға

в) мансап үшін оқымауға

г) көрсетілген варианттардың бәрі дұрыс.

5. Абайдың әкесі кім болған:

а) оқымысты

ә) көріпкел

б) діндар

в) болыс

г) хан

Сөж тапсырмасы

Абай өлеңдерін жаттап алыңыздар

Әсемпаз болма әрнеге,

Өнерпаз болсаң арқалан.

Сен де бір кірпіш дүниеге

Кетігін тап та, бар, қалан!

Ғылым таппай мақтанба,

Орын таппай баптанба.

Құмарланып шаттанба,

Ойнап босқа күлуге.

Бес нәрседен қашық бол,

Бес нәрсеге асық бол.

Адам болам десеңіз

Тілеуің, өмірің алдыңда,

Оған қайғы жесеңіз

Өсек, өтірік, мақтаншақ,

Еріншек, бекер мал шашпақ –

Бес дұшпаның білсеңіз.

Талап, еңбек, терең ой,

Қанағат, рахым, ойлап қой –

Бес асыл іс, көнсеңіз.

* * * * *

Жігіттер, ойын –арзан, күлкі қымбат.

Екі түрлі нәрсе ғой сыр мен сымбат.

Арзан, жалған күлмейтін, шын күлерлік

Ер табылса жарайды, қылса сұхбат.

Керек іс бозбалаға – талаптылық,

Әр түрлі өнер, мінез, жақсы қылық.

Кейбір жігіт жүреді мақтан көйлеп,

Сыртқа пысық келеді, көзге сынық.

Кемді күн қызық дәурен тату өткіз,

Жетпесе, біріңдікін бірің жеткіз!

Күншілдіксіз тату бол шын көңілмен,

Қиянатшыл болмақты естен кеткіз!

13-САБАҚ

Грамматикалық тақырып: Етіс.

Лексикалық тақырып: Ұлы адамдар өмірінен.