3. Багш: Герлә Һәрә хойр күүндвр кев. Соңстн. Сурврмудт чик хәрү олтн.

1). Кедүдгч кичәлин хөөн Һәрә ширәлңгд хотан ууна?

а). хойрдгч ә). Һурвдгч б). дөрвдгч

2). Һәрәд ямаран хот таасгдна?

а). үстә ә). махта б). шикртә

3). Кедүдгч кичәлин хөөн ик завср болна?

а). хойрдгч ә). Һурвдгч б). дөрвдгч

4). Кедүдгч кичәлин хөөн Һәрә школын хашад наадна?

а). хойрдгч ә). Һурвдгч б). дөрвдгч

5). Һәрә завсртан ю кехдән дурта?

а). һәрәдхдән ә). гүүхдән б). умшхдан

4. Багш: Герлә таднла бас күүндхәр бәәнә. Тадн завсртан ю кедүвт?

Рис. дети на перемене

42

6-гч әңг Тавн тө сахлта нег тө өвгн

1. Багш: Тавн тө сахлта нег тө өвгиг мартад угавт? Өвгнә тускар ю меднәт? Сурврмудт чик хәрү олтн. Нег хәрүнь чик биш.

(рис. Тавн тө сахлта нег тө өвгн)

1. Тавн тө сахлта нег тө өвгнд юн бәәнә?

а). тавн яман ә). нег үкр б). өвсн гер в). шин гер

2. Тавн тө сахлта нег тө өвгн ямаран бәәдлтә?

а). бичкн ә). ут сахлта б). өндр в). баахн

3. Аав ямаран күн?

а). шунмһа ә). залху б). мөшкәч в). билгтә

2. Багш: Олн сурһульчнр аавд бичг илгәнә. Зәрмснь телефоһар җиңнүлнә. Аав таднас дөң сурҗана. Кеемә күүкнлә болсн күүндвр соңстн. Сурврмудт хәрү өгтн.

(рис. Тавн тө сахлта нег тө өвгн с письмами)

1.Кеемә кедүтә?

а) зурһата ә) долата б) нәәмтә в) йистә

2. Кеемән школ ямаран?

а) ик ә) хойр давхр б) бичкн в) шин

3. Кеемән класст кедү күн сурна?

а) арвн ә) тавн б) арвн негн в) зурһан

4. Ширәс ямаран өңгтә?

а) цаһан ә) шар б) ценкр в) көк

5. Кеемә ю кехдән дурта?

а) эсв дасхдан ә) шатр наадхдан б) домбр цокхдан в) зурхдан

6. Ямаран кичәл Кеемәд таасгдна?

а) эсвин ә) тууҗин б) көгҗмин в) хальмг келнә

7. Кеемә ямаран сурһульч?

а) оньгта ә) олмһа б) билгтә в) шунмһа

3. Багш: Аав Кеемә хойрин күүндвр умштн. Өгсн хәрүһән ирлцүлтн. Соңстн. Нүүрәр умштн.

43

Кеемә: Аав, мендвт. Танла күүндҗ болхий?

Аав: Күүндҗ болҗана. Нернчн кемб?

Кеемә: Мини нерн Кеемә.

Аав: Чи кедүтәвч?

Кеемә: Би нәәмтәв.

Аав: Кедүдгч класст сурнач?

Кеемә: Би хойрдгч класст сурнав?

Аав: Тана школ икий?

Кеемә: Мана школ ик биш. Би селәнд бәәнәв. Мана школ бичкн, нег давхр. Болв школын хаша ик, олн урһмл модд, цецгәс урһна. Мана школын эрсмүд цаһан, дееврнь көк.

Аав: Тана класст кедү күн сурна?

Кеемә: Арвн негн күн сурна: тавн көвүн, зурһан күүкн.

Аав: Тана классин хора ямаран?

Кеемә: Мана классин хора ик, сарул, сәәхн. Һурвн ик терзтә, цеңкр хааһулта. Эрс деер утулң ноһан самбр өлгәтә. Сурһульчнрин ширәс болн сандлмуд шар өңгтә. Мана класст дала цецгәс урһна. Завсртан цецгәс услнавидн.

Аав: Дәкәд завсртан ю кенәт?

Кеемә: Школын хашад наад нааднавидн, ширәлңгд хотан уунавидн, школын саңгд дегтрмүд умшнавидн, багштан нөкд болнавидн, кичәлдән белднәвидн.

Аав: Тадн ямаран кичәлмүд даснат?

Кеемә: Мадн олн кичәлмүд даснавидн: эсв, тууҗ, умшлһн, орс, хальмг, англь келмүд, көгҗм, зурлһн, һарин урн, шатр, физкультур, компьютер.

Аав: Чамд ямаран кичәл таасгдна?

Кеемә: Нанд көгҗмин болн хальмг бииһин кичәлмүд таасгдна. Би домбр цокхдан дуртав.

Аав: Чи школдан яһҗ сурнач?

Кеемә: Сәәнәр сурнав. Би «дөрвн» болн «тавн» гидг темгдүд авдув.

Аав: Чи билгтә, шунмһа сурһульч бәәҗич. Сурһульчн өлзәтә болтха! Эк-эцкдән сән үрн бол!