Біліктілік арттыру орталығы
БАО қызметі қызметкерлердің біліктіліктерін арттыру міндеттерін жүзеге асыруға, сейсмикалық қауіптілігі жоғары аудандардағы жобалау, жобалау-іздестіру, сараптау және құрылыс-монтаждау ұйымдары саласында және техникалық реттеудің жаңа еуропалық жүйесі бойынша маманданатын ИТҚ аттестаттауын ұйымдастыру мен жүргізуге бағытталған.
12-сурет Біліктілікті арттыру орталағындағы оқу залы
БАО келесі функцияларды жүзеге асырады:
Қазақстан Республикасының сейсмикалық қауіпті аудандарында жұмыс істеуге рұқсат беру үшін құрылыс саласының инженерлік-техникалық қызметкерлерін аттестаттауды ұйымдастыру және жүргізу;
құрылыс саласындағы, соның ішінде техникалық реттеу жүйесі бойынша басшылар мен мамандарды тиімді даярлау, қайта даярлау және біліктіліктерін арттыру жүйесін құру;
ғылыми-әдістемелік жұмысты жүзеге асыру: құрылыс саласының ИТҚ-не арналған оқыту курстары бойынша оқу бағдарламаларын әзірлеу, сәулет, қала құрылысы және құрылыс саласындағы білім беру сапасын арттыру проблемалары бойынша білім беру және ғылыми-зерттеу ұжымдарының жұмысына қатысу;
ҚР БҒМ-мен және құрылыстық жоғары оқу орындарымен бірлесе жұмыс істеу: оқытудың инновациялық түрлері мен әдістерін, оқу үдерісін, ғылыми-әдістемелік жұмысты ұйымдастырудың озық тәжірибесін жинақтап қорыту;
біліктілік арттырумен байланысты бағдарламаларды, жобаларды, ұсынымдарды және басқа да материалдарды сараптау;
ҚР Өңірлік даму министрлігінің салалық кеңесінің мәжілістерін және құрылыс саласы ИТҚ-нің біліктіліктерін арттыру және білім беру үдерісінің сапасы мәселелері бойынша басқа да кеңестерді, семинарларды, дөңгелек үстелдерді ұйымдастыруға және өткізуге қатысу;
бейіндік жоғары оқу орындары мен оқу орталықтарының оқытушыларын техникалық реттеудің жаңа еуропалық жүйесі бойынша қайта оқыту;
құрылыс саласының ИТҚ-не арналған оқыту курстары бойынша оқу және жұмыс бағдарламаларын әзірлеу;
Нормативтерді әзірлеу жөніндегі орталық
Орталық функциялары:
құрылыс саласындағы техникалық нормалауды дамытудың негізгі бағыттары бойынша талдау жасау;
Қазақстан Республикасының құрылыс саласындағы техникалық реттеу жүйесін реформалау және құрылыстағы нормативтік базаны ары қарай жетілдіру аясында сәулет, қала құрылысы және құрылыс саласындағы нормативтік құқықтық актілер мен нормативтік-техникалық құжаттардың жобаларын әзірлеу;
Қоғам құзыретіне енетін сәулет, қала құрылысы және құрылыс қызметінің
түйткілді мәселелері бойынша ұсыныстар даярлау;
еуропалық стандарттарға сәйкес объектілерді жобалау мен салудың еуропалық нормаларын (EN Еурокодтарын) енгізуді сүйемелдеу және техникалық қамтамасыздандыру; 13-сурет ҚНжЕ кітапшалары
сәулет, қала құрылысы және құрылыс саласындағы нормативтік құқықтық актілер мен нормативтік-техникалық құжаттардың сапалы әзірленуін қамтамасыз ету;
құрылыс және тұрғын үй-коммуналдық шаруашылық істері жөніндегі уәкілетті мемлекеттік орган – ҚР ӨДМ Құрылыс және ТКШ істері жөніндегі комитетінің құрылыс саласындағы техникалық реттеу мәселелері бойынша құрылымдық бөлімшелермен ықпалдасуы.