- •Асноўны змест дзяржаўнага экзамену Сучасная беларуская літаратурная мова Вытокі і станаўленне сучаснай беларускай мовы
- •Беларуская нацыянальная мова
- •Беларуская мова сярод іншых моў свету
- •Фанетыка беларускай мовы
- •Арфаэпія
- •Графіка
- •Арфаграфія
- •Лексікалогія
- •Фразеалогія
- •Лексікаграфія
- •Марфеміка
- •Словаўтварэнне
- •Марфалогія
- •Сінтаксіс
- •Пунктуацыя
- •Літаратура
Установа адукацыі
“МАГІЛЁЎСКІ ДЗЯРЖАЎНЫ ЎНІВЕРСІТЭТ
імя А.А. КУЛЯШОВА”
Сучасная беларуская літаратурная мова
і методыка яе выкладання
Праграма дзяржаўнага экзамену
для спецыяльнасці 1-02 03 07-01 “Замежная мова.
Беларуская мова і літаратура”
Факультэт замежных моў
2011 г.
ТЛУМАЧАЛЬНАЯ ЗАПІСКА
Праграма дзяржаўнага экзамену па сучаснай беларускай літаратурнай мове і методыцы яе выкладання адрасуецца студэнтам 5 курса факультэта замежных моў спецыяльнасці “Замежная мова. Беларуская мова і літаратура”. Змест праграмы адпавядае адукацыйнаму стандарту па дадзенай спецыяльнасці і вучэбным праграма па дысцыплінах “Сучасная беларуская літаратурная мова” і “Методыка выкладання беларускай мовы”.
На дзяржаўным экзамене выпускнік павінен прадэманстраваць лінгвістычную дасведчанасць у наступных пытаннях:
месца і роля беларускай мовы сярод іншых славянскіх і еўрапейскіх моў;
функцыянаванне беларускай мовы ў сучасным грамадстве;
фанетычныя, марфемныя, словаўтваральныя, лексічныя, марфалагічныя і сінтаксічныя асаблівасці сучаснай беларускай мовы;
віды моўнага аналізу (фанетычны, марфемны, словаўтваральны, марфалагічны, сінтаксічны).
На дзяржаўным экзамене правяраецца ўзровень метадычнай падрыхтаванасці будучага настаўніка. Студэнт павінен ведаць:
асноўныя нарматыўныя дакументы, якія рэгламентуюць навучальны працэс у агульнаадукацыйных установах Рэспублікі Беларусь;
мэты і задачы, прынцыпы, сродкі і метады навучання беларускай мове ў сучаснай школе;
змест і структуру школьнага курса беларускай мовы;
лінгваметадычныя асновы вывучэння раздзелаў школьнага курса беларускай мовы (“Фанетыка і арфаэпія. Графіка і арфаграфія”, “Лексіка. Фразеалогія”, “Склад слова. Словаўтварэнне і арфаграфія”, “Марфалогія і арфаграфія”, “Сінтаксіс і пунктуацыя”);
асаблівасці працы па развіццю маўлення школьнікаў;
формы кантролю ведаў, уменняў і навыкаў школьнікаў; нормы ацэнак.
Адказ павінен быць змястоўным, поўным, дакладна структураваным і выразным. Паколькі экзамен праводзіцца ў вуснай форме, экзаменатары таксама ацэньваюць маўленчае афармленне адказу (захаванне арфаэпічных, лексічных, граматычных нормаў сучаснай беларускай мовы), лагічнасць і звязнасць маўлення. Звяртаецца ўвага на ўменне студэнта-выпускніка карыстацца прафесійнай тэрміналогіяй.
Асноўны змест дзяржаўнага экзамену Сучасная беларуская літаратурная мова Вытокі і станаўленне сучаснай беларускай мовы
Фарміраванне беларускай народнасці. Старабеларуская мова ў Вялікім Княстве Літоўскім. Ф. Скарына – першадрукар і асветнік. Значэнне дзейнасці С. Буднага і В. Цяпінскага. Абмежаванне выкарыстання старабеларускай мовы ў Рэчы Паспалітай. Моўная палітыка ў Расійскай імперыі.
Станаўленне беларускай нацыянальнай мовы. Роля пісьменнікаў у фарміраванні беларускай нацыянальнай мовы. Беларускае нацыянальнае адраджэнне 20-х гг. ХХ ст. Значэнне Я. Карскага і Б. Тарашкевіча ў выпрацоўцы нормаў беларускай літаратурнай мовы. Палітыка русіфікацыі ў 30–80-я гг. ХХ ст.
1990 г. – закон “Аб мовах у Беларускай ССР”. Распад СССР і ўтварэнне Рэспублікі Беларусь. Моўная палітыка ў Рэспубліцы Беларусь у першай палове 90-х гг. ХХ ст. Устанаўленне дзяржаўнага двухмоўя. Асаблівасці функцыянавання беларускай мове ў сучасным грамадстве.
Беларуская нацыянальная мова
Паняцце нацыянальнай мовы. Беларуская мова – найважнейшы элемент нацыянальнай культуры. Формы і снавання беларускай нацыянальнай мовы – літаратурная мова і дыялект. Прыметы літаратурнай мовы. Нормы беларускай літаратурнай мовы: арфаэпічныя, арфаграфічныя, лексічныя, граматычныя, пунктуацыйныя, стылістычныя. Функцыянальныя стылі беларускай літаратурнай мовы. Прыметы дыялекту. Разнавіднасці дыялектаў беларускай мовы.
Беларуская мова сярод іншых моў свету
Беларуская мова як адна з усходнеславянскіх моў. Агульныя і адрозныя рысы беларускай, рускай і ўкраінскай моў.
Славянская група моў: усходнеславянскія, заходнеславянскія і паўднёваславянскія мовы. Славянскія мовы ў індаеўрапейскай моўнай сям’і.
Фанетыка беларускай мовы
Фанетыка як раздзел мовазнаўства. Сувязь фанетыкі з іншымі раздзеламі мовазнаўства. Гук як асноўная адзінка фанетыкі. Аспекты вывучэння гукаў: акустычны (фізічны), артыкуляцыйны (фізіялагічны), функцыянальны (лінгвістычны).
Кансанантызм і вакалізм. Акустычны, артыкуляцыйныя і функцыянальныя адрозненні зычных і галосных. Класіфікацыя зычных гукаў беларускай мовы паводле месца ўтварэння, спосабу ўтварэння, удзелу голасу і шуму, цвёрдасці і мяккасці. Парныя і няпарныя зычныя. Класіфікацыя галосных паводле рада, пад’ёму, удзелу губ. Моцныя і слабыя пазіцыі зычных і галосных. Пазіцыйныя і гістарычныя чаргаванні зычных і галосных.
Фанетычны падзел маўленчай плыні: фанатэкст, фраза, такт (сінтагма), фанетычнае слова, склад, гук. Паняцце пра энклітыкі і праклітыкі. Тыпы складоў: адкрытыя і закрытыя, прыкрытыя і непрыкрытыя. Правілы складападзелу ў беларускай мове.
Прасадычныя адзінкі маўлення – націск і інтанацыя. Паняцце пра акцэнталогію. Дынамічны (сілавы), колькасны (квантатыўны), музычны (танічны), змешаны націск. Свабодны і несвабодны, рухомы і нерухомы націск. Націск у беларускай мове. Асноўны і пабочны націск у слове. Тактавы, фразавы, лагічны націск. Паняцце пра інтаналогію. Складнікі інтанацыі (мелодыка, інтэнсіўнасць, тэмп, тэмбр, рытм, паўза). Тыпы інтанацыйных канструкцый у сучаснай беларускай мове.
Фанетычная транскрыпцыя. Фанетычны аналіз слова.