- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
9.3. Аўтаматызаваная тэхналогія даведачна-бібліяграфічнага абслугоўвання
Аўтаматызаваная тэхналогія даведачна-бібліяграфічнага абслугоўвання прадугледжвае выкарыстанне сродкаў, крыніц пошуку на нетрадыцыйных носьбітах інфармацыі, разнастайных бібліяграфічных, фактаграфічных, паўнатэкставых баз даных, магчымасцей тэлекамунікацыйнага доступу да аддаленых крыніц інфармацыі, а таксама мае пэўныя асаблівасці пры ажыццяўленні асноўных этапаў, працэсаў і аперацый. Разгледзім гэтыя тэхналагічныя асаблівасці.
На першым этапе даведачна-бібліяграфічнага абслугоўвання прыём запыту ажыццяўляецца бібліёграфам, і ў ходзе гутаркі са спажыўцом інфармацыі высвятляюцца ўсе тыя ж звесткі, аб якіх гаварылася пры разглядзе традыцыйнай тэхналогіі. Пасля прыёму запыту бібліёграф ажыццяўляе яго перадмашынную апрацоўку.
Перадмашынная апрацоўка запыту, ці падрыхтоўка яго да ўводу ў сістэму, заключаецца ў аналізе запыту, правядзенні семантычных аперацый, звязаных з індэксаваннем зместу запыту з улікам лінгвістычнага забеспячэння БД, выкарыстоўваемых інфармацыйна-пошукавых моў, і складанні пошукавага прадпісання. Сюды ж уваходзяць улікова-рэгістрацыйныя аперацыі, якія зводзяцца да фіксавання запыту і праверкі яго на дублетнасць. Вынікам перадмашыннай апрацоўкі з'яўляецца запаўненне рабочага ліста запыту, у якім, акрамя пошукавага вобраза запыту, змяшчаюцца ўказанні аб парадку выдачы інфармацыі (эшаланіраванне выдачы) і форме выдачы (раздрукоўка ў выглядзе спіса, табуляграм ці карт, перадача ў каналы дыстанцыйнай сувязі, перазапіс на дыскету ці іншыя носьбіты інфармацыі).
Перадмашынная апрацоўка запыту можа быць і аўтаматычнай, якая ажыццяўляецца з дапамогай праграмы-дыспетчара, што ёсць у складзе матэматычнага забеспячэння сістэмы. У гэтым выпадку функцыі праграмы-дыспетчара зво- дзяцца да прыняцця рашэння аб тым, якія рабочыя праграмы, у якім рэжыме і ў якой паслядоўнасці неабходна выканаць, каб задаволіць дадзены запыт, і ў прывядзенні запыту ў неабходны для работы выгляд.
Увод запыту ў сістэму пасля яго перадмашыннай апрацоўкі – наступны працэс аўтаматызаванай тэхналогіі даведачна-бібліяграфічнага абслугоўвання. Рабочы ліст запыту перадаецца ў групу падрыхтоўкі даных, дзе фарміруецца пакет запытаў для ўводу ў ЭВМ. Калі прадугледжаны дыялог з ЭВМ у рэальным часе, тэхналогія ўводу запыту ў ЭВМ мяняецца: пошукавае прадпісанне фарміруецца непасрэдна бібліёграфам (ці спажыўцом) на яго тэрмінальным устройстве і ўводзіцца ім у машыну.
У цяперашні час вядомы два асноўныя рэжымы працы аўтаматызаваных сістэм: пакетны і дыялогавы. Пакетны рэжым прадугледжвае фарміраванне сукупнасці запытаў спажыўцоў інфармацыі, пошукавых прадпісанняў, праграм пошуку ў адзіным пакеце, які дазваляе ажыццявіць пошук інфармацыі, неабходнай некалькім абанентам адначасова. Выдача вынікаў магчыма толькі па заканчэнні апрацоўкі ўсяго пакета.
Дыялогавы рэжым прадугледжвае зносіны чалавека з ЭВМ. Адрозніваюць лакальны дыялог, калі тэрмінал, з дапамогай якога ажыццяўляецца дыялог, знаходзіцца ў непасрэднай блізкасці ад ЭВМ і карыстальнік не звяртаецца да каналаў сувязі агульнага карыстання, і дыстанцыйны, які праду- гледжвае зварот спажыўца да гэтых каналаў (тэлефон, тэлеграф, радыёсувязь). Магчымасць дыстанцыйнага рэжыму дазваляе спажыўцу мець прамы доступ да неабходных звестак нават у тым выпадку, калі інфармацыйны цэнтр знаходзіцца ад яго на значнай адлегласці. Дыялогавы рэжым дазваляе атрымліваць у кароткі тэрмін большую колькасць адказаў на запыты і адначасова абслугоўваць большую колькасць спажыўцоў; удакладняць фармулёўку запыту пры ўдзеле спажыўца; адразу адбіраць неабходныя дакументы і не затрачваць машынны час на друкаванне непатрэбных спажыўцу звестак; аплачваць толькі рэлевантныя адказы.
Пошук інфармацыі – гэта цэнтральны працэс пры аўтаматызаванай тэхналогіі даведачна-бібліяграфічнага абслугоўвання. Сутнасць яго заключаецца ў супастаўленні пошукавага вобраза дакумента, які захоўваецца ў сістэме, з пошукавым прадпісаннем запыту. Пры гэтым ажыццяўляюцца лагічныя і вылічальныя дзеянні, што прадугледжаны сукупнасцю алгарытмаў і праграм.
У практыцы бібліятэк выкарыстоўваюцца шэсць асноўных тыпаў пошуку па бібліяграфічных базах даных, і ў прыватнасці па электронным каталогу – пошукавым сродку, які першапачаткова пачынае фарміравацца ў бібліятэцы пры пераходзе яе на аўтаматызаваную тэхналогію ажыццяўлення бібліятэчна-бібліяграфічных працэсаў:
– загаловак – пошук па асноўным загалоўку кнігі, часопіса ці серыі;
– аўтар – пошук па прозвішчы аўтара, мастака, рэдактара, арганізацыі, адказнай за выданне, назве канферэнцыі;
– аўтар-загаловак – пошук па камбінацыі ўказаных прымет;
– прадметная рубрыка;
– нумар-пошук па кодах і нумарах – шыфры, класіфікацыйным індэксе, ІSSN, ISBN;
– ключавое слова – пошук па асобным слове з загалоўка, прозвішчы аўтара, назве ці прадметнай рубрыцы.
У любым з гэтых тыпаў пошуку магчымы пошук з выкарыстаннем булевых (лагічных) аператараў. Булеў пошук да- зваляе таксама камбінаваць у адным запыце розныя тыпы пошуку, напрыклад класіфікацыйныя індэксы з прадметнымі рубрыкамі і інш.
Разгледзім асаблівасці асобных тыпаў пошуку, напрыклад пошук па загалоўку. Для простага пошуку па загалоўку дакумента бібліёграф (карыстальнік) уводзіць з клавіятуры загаловак патрэбнага дакумента або, як мінімум, першае слова загалоўка. Загаловак правяраецца па спецыяльным паказальніку (файлу) загалоўкаў і па нарматыўным файле уніфікаваных загалоўкаў. Пры гэтым асобныя пачатковыя словы загалоўкаў (як правіла, артыклі) пры сарціроўцы і пошуку не ўлічваюцца. У выпадку, калі колькасць супадзенняў запыту з загалоўкамі, уключанымі ў файл загалоўкаў, шматлікая або калі дакладных супадзенняў няма, сістэма фарміруе і выводзіць на дысплей спіс рэлевантных загалоўкаў у алфавітным парадку, пры якім кожнаму ўваходу (загалоўку) прысвойваецца паслядоўны нумар. Такім чынам, сістэма прапануе дакладныя фармулёўкі загалоўкаў, якія маюцца ў каталогу, іх карыстальнік можа выбраць пры прагля- дзе алфавітнага паказальніка загалоўкаў. Затым бібліёграфу (карыстальніку) дастаткова ўказаць адпаведны нумар (рубрыку паказальніка) у спісе рэлевантных загалоўкаў, і сістэма выводзіць на экран адпаведныя запыту кароткія бібліяграфічныя запісы сумесна са звесткамі аб месцазнаходжанні кожнага дакумента па даных модулей кнігавыдачы ці камплектавання. Пры гэтым тыпе пошуку сістэма дазваляе бібліёграфу праглядаць па алфавіце як кароткія, так і больш поўныя знойдзеныя бібліяграфічныя запісы ці вяртацца да паказальніка загалоўкаў. Калі запыту дакладна адпавядае толькі адзін бібліяграфічны запіс, сістэма адразу выводзіць кароткі бібліяграфічны запіс з патрэбным загалоўкам, не фарміруючы і не выводзячы на экран спіс загалоўкаў.
Пошук па аўтары ажыццяўляецца праз файл аўтараў, які ўключае ўсіх сааўтараў, ілюстратараў, рэдактараў і іншых, указаных у бібліяграфічных запісах і нарматыўным файле імён і найменняў аўтараў. Пошук па аўтары ажыццяўляецца аднолькава, як і пошук па загалоўках, толькі ў адказ на запыт сістэма фарміруе і выводзіць спіс рэлевантных запыту аўтараў з указаннем колькасці загалоўкаў па кожным аўтары.
Пошук па камбінацыі "аўтар–загаловак" з'яўляецца самым распаўсюджаным. Для дадзенага віду пошуку дастаткова ўвесці некалькі першых літар імя / наймення аўтара і загалоўка. Пошук ажыццяўляецца па двух файлах – аўтарскім і загалоўкаў. Гэта самы хуткі спосаб атрымаць патрэбныя звесткі. Такі тып пошуку можа ажыццяўляцца ў два этапы, працэдуры якіх дубліруюць пошук па аўтары і пошук па загалоўку. Пры гэтым тыпе пошуку нават пры ўсечаных фармулёўках у запытах вынікі пошуку зводзяцца ўсяго да некалькіх рэлевантных запісаў. Калі запыту адпавядае толькі адзін бібліяграфічны запіс, то ён адразу выводзіцца на экран дысплея, калі некалькі, то сістэма фарміруе і выводзіць спіс, прапануючы выбраць неабходную рубрыку і перайсці да прагляду бібліяграфічных запісаў ці вярнуцца да спіса. Калі ў каталогу няма запісаў, рэлевантных запыту, сістэма выводзіць паведамленне: "Нічога не знойдзена, паспрабуйце яшчэ раз".
Пошук па прадметнай рубрыцы прадугледжвае фармулёўку запыту ў выглядзе прадметнай рубрыкі. Дакладны адказ патрабуе поўнага супадзення прадметнай рубрыкі запыту і прадметнай рубрыкі пошукавага вобраза дакумента. Але калі ў каталогу няма дакладнага супадзення ці калі ў паказальніку прадметных рубрык ёсць некалькі рубрык, што адпавядаюць умовам запыту, сістэма фарміруе і выводзіць на тэрмінале спіс рэлевантных прадметных рубрык з указаннем колькасці бібліяграфічных запісаў, якія адпавядаюць кожнай прадметнай рубрыцы. Спіс прадметных рубрык можна праглядаць па алфавіце ў абодва бакі для ўдакладнення запыту.
Пошук па ключавых словах звычайна ўключае наступныя падвіды: пошук па ключавых словах імя / прозвішча аўтара; пошук па ключавых словах загалоўка; пошук па ключавых словах прадметнай рубрыкі. У любым з указаных відаў пошуку мноства супадаючых з запытам імён ці прозвішчаў аўтараў, загалоўкаў, прадметных рубрык выводзіцца на экран ў выглядзе фарміруемага сістэмай пераліку адпаведных рубрык разам з колькасцю запісаў па кожнай рубрыцы, г.зн. па аўтары, загалоўку ці прадметнай рубрыцы. Калі ў каталогу толькі адзін запіс дакладна адпавядае запыту, сістэма выводзіць яго адразу, абмінаючы пералікі рэлевантных рубрык.
У межах пошуку па ключавых словах маецца дадатковая магчымасць усячэння ключавых слоў з правага боку. Усечаная частка слова абазначаецца спецыяльным знакам, напрыклад знакам # . Такога ўсячэння слоў "уручную" іншыя тыпы пошуку не патрабуюць па прычыне таго, што гэта закладзена ў іх імпліцытна, гэта значыць падразумеваецца пры алфавітнай сарціроўцы пошукавых элементаў. Але пры пошуку па ключавых словах усячэнне неабходна ўказваць пры фармулёўцы запыту. Так, пошук па ключавым слове "біблія #" дадаткова да бібліяграфічных запісаў, якія змяшчаюць у назве гэтую частку слова, выдасць таксама найменні – Беларуская бібліятэчная асацыяцыя, Санкт-Пецярбургскае бібліятэчнае таварыства і інш. Пошук па ключавым слове загалоўка з'яўляецца найбольш важным у гэтым тыпе пошуку. У файле загалоўкаў у пошук уключаюцца ўсе словы ўсіх загалоўкаў, акрамя вельмі абмежаванай колькасці "стоп-слоў", у асноўным артыкляў. Выкарыстанне паказальніка ключавых слоў загалоўкаў з'яўляецца свайго роду альтэрнатывай пошуку па прадметных рубрыках. Пошук па ключавых словах прадметных рубрык ажыццяўляецца аналагічна, але адбываецца ў файле прадметных рубрык, уключаных у каталог.
Пошук па нумары звычайна ажыццяўляецца па наступных прыметах: па шыфрах захоўвання, у тым ліку пры сістэматычнай расстаноўцы фонду; па міжнародных стандартных нумарах выданняў (ISSN, ISBN); нумары друкаванай карткі нацыянальнага бібліяграфічнага цэнтра; дзяржаўным рэгістрацыйным нумары. Спецыялісты распрацоўваюць таксама пошук па класіфікацыйных індэксах.
Пры аўтаматызаванай тэхналогіі ажыццяўлення даведачна-бібліяграфічнага абслугоўвання прымяняецца пошук з выкарыстаннем булевых аператараў. Пошук называецца булевым па імені англійскага матэматыка Джорджа Буля. Ён у сярэдзіне XIX в. распрацаваў алгебру, якая мела фундаментальнае значэнне для вылічальнай тэхнікі і стала называцца булевай. Булева алгебра мае справу з логікай, а не з вызначэннем лічбавых значэнняў дваічных пераменных х або у. Гэтыя дваічныя пераменныя могуць прымаць толькі адно з двух значэнняў: "праўда" або "няпраўда", а ўзаемаадносіны паміж гэтымі пераменнымі выражаюцца ў лагічнай форме з дапамогай такіх аператараў, як and / і (лагічная кан'юнкцыя), or / ці (лагічная дыз'юнкцыя) і not / не (лагічнае адмаўленне). Пры пошуку ў электронным каталогу, бібліяграфічных базах даных булевыя аператары выкарыстоўваюцца ў якасці спецыфікатараў, напрыклад запыт па ключавым слове: "маркетынг" або "збыт" і "апрацоўка тэкстаў". Булеў пошук па ключавых словах з'яўляецца вельмі эфектыўным.
Онлайнавы доступ да электроннага каталога дае магчымасць не толькі выкарыстоўваць даныя каталагізацыі, але і іншыя модулі аўтаматызаванай бібліятэчнай сістэмы – модуля камплектавання і модуля кнігавыдачы (напрыклад, звесткі аб тым, што дакумент выдадзены на абанемент, на выставу, на які тэрмін; ці бібліяграфічныя звесткі аб дакументах, якія ўжо заказаны / атрыманы бібліятэкай, але не паступілі ў фонд / апрацоўку).
Онлайнавы доступ дае магчымасць бібліёграфу (карыстальніку) у пэўныя моманты перарваць дыялог і прагледзець знойдзеныя бібліяграфічныя запісы; спыніць прагляд, увесці новыя пошукавыя прыметы пры камбінаваным шматаспектным пошуку з дапамогай булевых аператараў ці новы запыт; надрукаваць бібліяграфічны запіс, які яго зацікавіў, ці ўсе знойдзеныя дакументы; заказаць бібліяграфічны спіс ці копію дакумента.
Завяршальная аперацыя аўтаматызаванай тэхналогіі даведачна-бібліяграфічнага абслугоўвання – выдача інфармацыі, якая заключаецца ў падрыхтоўцы вынікаў пошуку да вываду і выбару формы выдачы. Магчымы вывад інфармацыі на розныя носьбіты; выдача зместу дакументаў у цэлым ці толькі асобных частак; інфармацыя можа быць апрацавана і выда- дзена ў форме тэксту, табліцы і інш.
З развіццём тэлекамунікацый у практыку даведачна-бібліяграфічнага абслугоўвання трывала ўвайшло такое паняцце, як дыстанцыйны, ці аддалены, доступ, і ўжо з 1987 г. у навуковы зварот уваходзіць паняцце онлайнавага даведачна-бібліяграфічнага абслугоўвання, пад якім разумеецца прадастаўленне карыстальнікам інфармацыі з тэрытарыяльна аддаленых баз даных пры дапамозе онлайнавых інфармацыйна-пошукавых сістэм. Даведачна-бібліяграфічнае абслугоўванне ў рэжыме онлайн з'яўляецца лагічным працягам традыцыйнага даведачна-бібліяграфічнага абслугоўвання, паколькі адпавядае цэламу раду працэсаў, аперацый, характарыстык традыцыйнага віду дзейнасці (наяўнасць узаемадзеяння "карыстальнік – бібліёграф", матываваны інфармацыйны пошук і інш.), разам з тым існуюць і спецыфічныя асаблівасці.