- •2 Дәріс Орта ғАсырлаРдағы үнді әдебиеті
- •Қысқаша мазмұны
- •Қысқаша мазмұны
- •5Дәріс Ортағасырлық араб әдебиеті
- •Қысқаша мазмұны
- •6 Дәріс Орта ғасырлардағы парсы-тәжік әдебиеті
- •Қысқаша мазмұны
- •Қысқаша мазмұны
- •Қысқаша мазмұны
- •9 Дәріс Неміс, голланд, француз әдебиеті
- •Қысқаша мазмұны
- •10 Дәріс хvіі ғасырдағы Еуропа әдебиеті
- •11 Дәріс XVIII ғасырдағы шығыс елдерінің әдебиеті
- •Қысқаша мазмұны
- •Қысқаша мазмұны
- •13 Дәріс. XIX ғасырдағы шығыс елдерінің әдебиеті
- •Қысқаша мазмұны
- •Қысқаша мазмұны
- •15 Дәріс XX ғасырдағы шығыс елдерінің әдебиеті
- •Қысқаша мазмұны
9 Дәріс Неміс, голланд, француз әдебиеті
Қаралатын мәселе Неміс гуманизмі мен оның басты сипаттары.
ХV ғасыр мен ХVІ ғасырдың басындағы гуманистер. Нидерландық әдебиеттің қалыптасуы. Франсуа Вийон шығармашылығының басты сипаттары. ХV ғ. екінші жартысындағы француз прозасы мен драматургиясы.
Қысқаша мазмұны
Бүкіл әлемдік әдебиет тарихындағы келесі кезең ХІІІ ғ. аяғы мен ХVІ ғ. дейінгі аралықты қамтиды. Осы кезеңде Еуропаның бір қатар елдерінде феодалдық құрылыс ыдырап, капиталистік қоғамның алғашқы белгілері пайда бола бастайды. Феодалдық қоғамның ыдырауы мен шіркеудің рухани диктатурасының құлдырауына қарамастан, әлі де буржуазиялық идеология қалыптаса қоймаған еді. Осындай қоғамдық төңкерістер жүріп жатқан кезде мәдениет пен әдебиеттің дамуына қолайлы жағдайлар туады. Мәдениет тарихындағы ең жемісті кезең Қайта өрлеу дәуірі деп аталады. Қайта өрлеу дәуірі (Ренессанс) Батыс және Орталық Еуропа елдері мәдениеті тарихындағы ортағасырлық мәдениеттен жаңа заман мәдениетіне өту дәуірі болған. Адамзат мәдениетінің тарихында ерекше орын алған бұл дәуірдегі түрлі географиялық ашылулар мен экономикалық өзгерістер Жаңа әлемге қадам басудың алғы шарты еді. Қайта өрлеу дәуірінде «адам мен әлем» төңірегінде көптеген жаңалықтар болады. Рухтың дүмпуі, мәдениеттің адамдық сипаты осы дәуірде айрықша гүлденіп, адамзат пісіп-жетілген мәдениет жемістерін өз игілігі үшін толық қолдана бастайды. Гегель Ренессанс идеясын бүкіл адамзаттың «алтын таңы», жер бетіндегі мәдениетінің жаңа дәуірі деп атаған.
Осы дәуірде шіркеу диктатурасы мен түрлі феодалдық идеологиялық жүйелердің құлдырауы мәдениеттің жаңа сатыға көтерілуіне жол ашады. Осындай төңкерістер адамдардың феодалдық қоғам мен түрлі діни идеологиялардан бас тартып, адам дамуының үйлесімділігі мен оның интеллектуалдық, рухани және материалдық сұраныстарының негізінде туындайды. Бұл дәуір әлем мәдениетінде ортағасырлық дәуірден жаңа заманға көшу кезеңі болады.
Еуропадағы Қайта өрлеу дәуірі өндіріс күшінің бұрын-соңды болмаған жетістікке жетуіне байланысты жүрген. Ол өз кезегінде жаратылыстану мен нақты ғылымдардың дамуына айтарлықтай әсер етіп, Батыстың көптеген елдерінде өндірістік күштер, ғылым мен техниканың осы күнге дейін байқалмаған жетістікке қол жеткізуіне негіз болады. Шіркеудің жазба тілін тарату монополиясы қирайды. Ақсүйектердің және ғылыми-техникалық әдебиетті шығару мүмкіндігі ашылады. Мысалы, 1500 ж. Германия, Голландия және Швейцарияның 26 қаласында барлығы 1100 баспахана болып, олар көбінесе гуманистік әдебиеттердің 10-12 млн. данасын шығарған.
10 Дәріс хvіі ғасырдағы Еуропа әдебиеті
Қаралатын мәселе ХVІІ ғасырдағы Батыс Еуропа елдерінде орын алған тарихи және мәдени дамулардың біркелкі болмауының басты себептері. Адам өмірінде кездесетін әлеуметтік мәселелер. Классицизм принциптері. Барокко әдебиетінің ерекше сипаттары. Қысқаша мазмұны
ХVІІ ғ. батыс еуропалық әдебиеттің даму тарихында 1600 жылдан 1700 жылға дейінгі күнтізбелік аралық қана емес, өзіндік ерекшеліктерге толы дәуір болған. Ағылшындық Мильтон, Драйден, Бетлер, Беньян және Германиядағы Опиц, Мошерош, Грифиус пен Гриммельсгаузен, Испаниядағы Гонгора, Кеведо, Гевара, Кальдерон мен Грасиан және Корнель мен Расин, Мольер мен Лафонтен, Ларошфуко мен Лабюйер атты француз классиктері, Италиядағы Марино, Кьябреро немесе Базиля, Голландиядағы Бредеро мен Вондел сияқты жазушылардың шығармашылықтары Қайта өрлеу әдебиетіне де, ағартушылық әдебиетке де жатпайды. Олардың шығармашылықтары батыс еуропалық әдебиеттің дамуында ішкі қайшылықтардан тұратын өзіндік драмаға толы дәуірді бастан кешіреді.
ХVІІ ғ. Батыс Еуропада Ренессанс дәуіріндегі қоғамда пайда болған мәдениетті жаңа әрі күрделі әлеуметтік қатынастар негізінде жандандыра түседі. Бұл ғасырда феодалдық қоғамның ыдырауы мен капиталистік қоғамның жаңа формалары пайда бола бастайды.
ХVІІ ғ. капиталистік қатынастың дамуы мен буржуазияның феодалдық таптан жаңа тапқа ауысуы байқалады. Мануфактуралық өндіріс тәсілдерінің дамуына байланысты батыс еуропалық феодалдық қоғамда капиталистік құрылыстың белгілері айқын көріне бастайды. ХVІІ ғ. түрлі бағытта таралған отарлау саясатының күшеюі мен үлкен капиталдың қалыптасуы қоғамда цехтік жүйенің ыдырап, жалдамалы жұмысшылар санының өсуі және шаруалардың өз жерлерінен айырылуымен қатар жүреді.
ХVII ғ. капиталистік қатнастардың дамуы мен отарлау саясатының күшеюі Батыстың қоғамдық құрылымына үлкен өзгерістер әкеледі. Отар елдерге қол жеткізген Батыстағы мемлекеттер арасында күш теңсіздігі пайда болады. Сонымен қоса, ХVII ғ. буржуазиялық қатынастарды қолдайтын Батыс Еуропа елдері (Англия, Голландия, Франция) мен феодалдық қатынастар сақталып қана қоймай, керісінше дами түскен Орталық Еуропадағы елдердің (неміс) арасындағы айырмашылықтар да айқындала түседі. Осыдан ХVII ғ. Еуропа елдерінің даму тарихы түрліше болғанын көре аламыз. Отаршыл елдердің арасында күштердің қайта топтастырылуы жүріп жатады. Испания мен Португалияның күші әлсіреп, капиталистік қатынас жетістікке жеткен Англия мен Голландия сияқты елдердің арасында бақталастыққа шыдай алмайды. Португалияның Испаниядан бөлінуі және 1640 ж. Каталондық көтеріліс нәтижесінде «Испандық гегемония кезеңі» өз соңына жетеді. Швецияның Балтық теңізін қамтитын жаңа империя құруға талпынысы сәтсіз аяқталғанымен, ХVII ғ. өзінің халықаралық деңгейін көтеріп, ұлы державалар қатарына енеді.
Кейбір Батыс елдерінің ішкі құрлымындағы капиталисттік қатынастардың әрі қарай дамуына әсер еткен жағдайлардың да маңыздылығы зор. Мысалы, Англияда 40 жылдардағы буржуазиялық төңкеріс сияқты жағдайлар жалпы еуропалық, тіпті бүкіл әлемдік тарихи көлемдегі катаклизмге әкеліп соқтырады. ХVI ғ. Франциядағы діни соғыстардың аяқталуы да ХVII ғ. француз абсолютизмінің салтанат құруына әсер еткен қоғамдық күштердің қайта топтастырылуына әкеледі. Бұл құбылыстың басты алғы шарттарының бірі буржуазияның көпшіліктен уақытша алыстауымен байланысты болған. Буржуазия патша билігінің қамқорлығына сүйене отырып, ХVII ғ. дворяндық ортамен бір келісімге келуге ұмтылады.