- •Факультэт пачатковай адукацыі
- •Беларуская мова Сінтаксіс (экзамен)
- •Узоры разбораў Парадак фанетычнага разбору
- •Парадак лексічнага разбору
- •Парадак разбору фразеалагізмаў
- •Парадак графічнага разбору слова
- •Узоры разбораў
- •Словаўтваральны разбор
- •Парадак марфалагічнага разбору безасабова-прэдыкатыўных слоў
- •Парадак марфалагічнага разбору мадальных слоў
- •Парадак марфалагічнага разбору безасабова-прэдыкатыўных слоў
- •Парадак марфалагічнага разбору мадальных слоў
- •Сінтаксічны разбор словазлучэнняў
- •Парадак разбору па членах сказа
- •Парадак сінтаксічнага разбору простага сказа
Парадак марфалагічнага разбору безасабова-прэдыкатыўных слоў
1.Лексіка-семантычныя група безасабова-прэдыкатыўных слоў (стан чалавека або іншай жывой істоты, стан прыроды або навакольнага асяроддзя, аб’ектыўная або суб’ектыўная ацэнка якога-небудзь стану ці становішча, мера чаго-небудзь і ацэнка чаго-небудзь з маральна-этычнага боку, мадальная ацэнка чаго-небудзь);
2. Разрад па суадносінах з іншымі часцінамі мовы: уласна безасабова-прэдыкатыўнае слова; суадноснае з прыслоўем, з назоўнікам, з прыметнікам, з дзеясловам;
3. Ступень параўнання (формы простая, складаная)
Узор: Калі ж спакойна на душы, парожнім словам не грашы (Грахоўскі)
Спакойна – безасабова-прэдыкатыўнае слова; абазначае стан чалавека; суадноснае з прыслоўем спакойна; можа мець простую і складаную формы ступеней параўнання: спакайней, больш (менш) спакойна.
Марфалагічны разбор прыназоўнікаў
часціна мовы,
разрад паводле паходжання (вытворны, невытворны)
паводле структуры (просты, складаны, састаўны)
з назоўнікам (займеннікам) якога склону ўжыты
функцыянальнае значэнне (прасторавае, часавае, прычыны, мэты)
Узор: На (восень) — прыназоўнік; невытворны,. Просты, ужыты з назоўнікам вінавальнага склону, выражае аб’ектнае значэнне.
Парадак марфалагічнага разбору злучнікаў
часціна мовы
разрад паводле сінтаксічнай функцыі: злучальны (спалучальны, супастаўляльны, размеркавальны, далучальны, паясняльны); падпарадкавальны (часавы, прычынны, мэтавы, умоўны, параўнальны, уступальны, тлумачальны, выніковы);
разрад паводле паходжання (невытворны, вытворны);
паводле будовы (просты, састаўны)
паводле ўжывання (адзіночны, паўторны, парны)
якія сінтаксічныя адзінкі злучае (члены сказа, часткі складанага сказа)
Узор: Той дзень прапаў і страчаны навекі, калі ты не зрабіў таго, што мог.
І — злучнік; злучальны (спалучальны), невытворны, просты, адзіночны, злучае аднародныя члены сказа.
Калі — злучнік, падпарадкавальны (умоўны); вытворны, просты, адзіночны, злучае часткі складаназалежнага сказа.
Парадак марфалагічнага разбору часціц
часціна мовы
разрад паводле паходжання: невытворная, вытворная
разрад паводле структуры: простая, састаўная;
разрад паводле значэння і функцыі: а) часціцы, якія выражаюць дадатковыя сэнсавыя адценні (указальныя, вылучальна-абмежавальныя, азначальна-ўдакладняльныя); мадальныя і мадальна-валявыя (сцвярджальныя, адмоўныя, пытальныя, мадальна-валявыя, параўнальныя), эмацыянальна-экспрэсіўныя (клічныя, узмацняльныя), словаўтваральныя і формаўтваральныя
Узор: Б — часціца, вытворная, простая, формаўтваральная (утварае форму дзеяслова ўмоўнага ладу).
Ні— часціца, невытворная, простая, эмацыянальна-экспрэсіўная, узмацняльная.
Парадак марфалагічнага разбору выклічнікаў
часціна мовы;
разрад паводле значэння: эмацыянальны, волевыяўленчы, моўнага этыкету; што выражае.
разрад паводле паходжання: невытворны, вытворны
Узор: А, ты ўжо тут! тырчыць, як паля! Здароў, як маешся, Міхале?
А — выклічнік, эмацыянальны, выражае здзіўленне; невытворны.
Здароў — выклічнік, моўнага этыкету, выражае прывітанне; вытворны.