2.3. Заключение

Заключение, или послесловие, «Устава» состоит из заклятия, обращенного Владимиром к нарушителям прав церкви, определяемых в Уставе: Аще кто преступить сиа правила, якоже есмь управил по святых отець правилом и первых царь управлению, кто иметь преступати правила си: или дети мои князи, или правнуци, или в котором городе наместник, или судья, или тивун — а имуть обидети суды церковныа или отьимати, да будуть прокъляти в сии век и в будущий о седми Събор святых отець Вселеньскых ^[4].

3. Значение Устава

Устав стал первым нормативным актом, определившим статус и полномочия церковной власти в Киевской Руси, после принятия ею христианства. Церковь кроме судебных полномочий, получила под свой надзор систему мер и весов, а также ежемесячное содержание в виде десятины от княжеских доходов.

Церковный Устав великого князя Ярослава Мудрого

(текст приводится по изданию: Макарий (Булгаков), митрополит Московский и Коломенский. История Русской Церкви. Кн. 2. М., 1995) Се аз, великый князь Ярослав, сын Володымеров, по данию отца своего съгадал семь с митрополитом Ларионом, сложил есми греческый Номоканон, иже не подобаеть сих тяжь судити князю и бояром, дал есми митрополиту и епископом те суды, что писаны в правилех, в Номоканонах, по всем городом и по всей области, где христианьство.  Аще кто умчить девку или насилить: аще боярьская дочка, за сором ей 5 гривен золота, а митрополиту 5 гривен золота; а менших бояр — гривна золота, а митрополиту гривна золота; а добрых людей — за сором ей 5 гривен серебра, а митрополиту 5 гривен серебра; а на умычницех — по гривне серебра митрополиту, а князь казнит.  Аще кто пошибаеть боярьскую дочку или боярьскую жону, за сором ей 5 гривень золота, а митрополиту 5 гривень золота; а меньших бояр — гривна золота, а митрополиту гривна золота; а нарочитых людий — 3 рубли, а митрополиту 3 рубли; а простой чяди — 15 гривен, а митрополиту 15 гривен, а князь казнить.  Аще пустить бояринь велик жону без вины, за сором ей 5 гривен злата, а митрополиту 5 гривен злата; а нарочитых людий — 3 рубли, а митрополиту 3 рубли; а простой чяди — 15 гривен, а митрополиту 15 гривен.  Аще в отца и в матере дочка девкою детяти добудеть, обличив ю, понята в дом церковный; такоже и жонка, а ним ю род окупить.  Аще девку умлъвит кто к собе и дасть втолеку, на умлъвъници митрополиту 3 гривны серебра, а девце за сором 3 гривны, а на толочанех по рублю; а князь казнить.  Аще муж от жоны блядеть, митрополиту у вине.  Аще мужь оженится иною жоною, с старою не роспустився, мужь той митрополиту у вине, а молодую в дом церковный, а с старою жиги. Аще же не лихый недуг болит: или слепота, или долгая болезнь,— про тое не пупустити; такоже и жене нелзе пустити мужа.  Аще жена у мужа крадеть, а обличить ю, митрополиту 3 гривны, а муж казнить; про то не разлучити.  Аще клеть покрадет, такоже творят над нею.  Аще девка засядеть: великых бояр — митрополиту 5 гривен золота; а менших бояр — митрополиту гривна золота; а нарочитых людий — 12 гривен серебра, а митрополиту 12 гривен; а простой чяди — гривна серебра, а митрополиту гривна серебра.  Аще поидеть жона от своего мужа за иный мужь, тую жону поняти в дом церковный, а новоженя митрополиту у продажи.  Аще кум с кумою блуд сотворить, митрополиту гривъна золота и в опитемьи.  Аще кто зажьжеть двор, или гумно, или что иное, митрополиту 100 гривен, а князь казнит.  Аще кто с сестрою съгрешить, митрополиту 100 гривен, а у в опитемии и в казни по закону.  Аще ближний род поимется, митрополиту 8 гривень, а их разлучити, а опитемью да приимуть.  Аще две жене кто водить, митрополиту 40 гривень; а котораа подълегла, тую понята в дом церковный, а первую дръжати по закону; а иметь лихо водити, казнию казнити его.  Аще муж и с женою по своей воли распустятся, митрополиту 12 гривень; а будут невенчалныи — митрополиту 6 гривень.  Аще жидовин или бесерменин с рускою будеть иноязычници, митрополиту 8 гривень, а руска понята в дом церковный.  Аще кто еьблудит с чрьноризицею, митрополиту 100 гривень; а с животиною 12 гривень, а в опитемью вложит.  Аще свекорь с снохою съблюдит, митрополиту 100 гривен, а опитемья по закону.  Аще кто с двема сестрами падется, митрополиту 30 гривен.  Аще и с мачехою кто съблудит, митрополиту 40 гривень.  Аще два брата будуть с одиною жонкою, митрополиту 100 гривень; а жонка в домь.  Аще девка не восхочеть замуж, а отец и мати силою дадуть, а что сътворить над собою, отец и мати митрополиту у вине, а исторь има платити; такожь и отрокь.  Аще кто зоветь чюжюю жону блядью: великых бояр — за сором ее 5 гривень золота, а митрополиту 5 гривень, а князь казнит; а будеть менших бояр — за сором ее 3 гривны золота, а митрополиту 3 гривны золота; а будеть городскых людий — за сором ее 3 гривны серебра, а митрополиту Ъ гривны серебра; а сельскых людий — за сором ее гривна серебра, а митрополиту гривна серебра.  Аще кто пострижеть голову или бороду, митрополиту 12 гривень, а князь казнить.  Аще мужь иметь красти конопли, или лень, или всякое жито, митрополиту у вине, с князем на полы; також и жонка, аще иметь то красти.  Аще муж крадет белый порты, или полотна, или портища поневы, також и жонка, митрополиту у вине, с князем на полы.  Аще имет красти свадебное и огородное, бои и убийства, а что учинитися д[у]шегубьство: платить винну, князю с митрополитом на полы.  Аще про девку сыр будеть краань, за сыр гривна; а што егеря заплатять, а митрополиту 6 гривень, а князь казнит.  Аще мужа два бьются женски или вкусить, или одереть, митрополиту 3 гривны.  Аще мужь бьеть чужую жону, за сором ей по закону, а митрополиту 6 гривень, а князь казнит.  Аще сын бьеть отца или матерь, казнить его волостельскою казнию, а митрополиту у вине.  Аще девка въсхощет замуж, а отець и мати не дадуть, а что сътворить, митрополиту у вине отець и мати; такожь и отрок.  Аще чрьнець, или чрьница, поп, или попадиа, или проскурница впадут во блуд, тех судить митрополиту опрочь мирянь, во что их осудить волень.  Аще поп или чрънец упиются без времени, митрополиту у вине.  Аще чрънець или чръница рюстрижется, митрополиту у вине, во что их обрядит.  А что деется в домовьных людех, и в церъковных, и в самех манастырех, а не уступаются княжий волостели в то: да ведають их митрополичьи волостели, а безатщина их митрополиту поидеть.  Аще две жене бьетеся, митрополиту 6 резань на виноватой.  Аще без вины свекорь биеть сноху или деверь ятров, то платять ей по закону, а митрополиту 6 гривень.  Аще что кто поганое ясть у своей воли, или медведину, или иное что поганое, митрополиту у вине и в казни.  ...ще поп дитя крестить у чюжем уезде или иное что священическое, разве и нужа, и болезни, митрополиту у вине. С некрещенным, а иноязычьником от нашего языка, с некрещеными ни пити, ни ести; доколе же крестяться; аще кто ведаа ясть и пиетъ, да будеть митрополиту у вине.  Аще кто с отлученым ясть и пиеть, сам отлучен будеть.  Аще кто с бесерменкою или с жидовькою блуд сьтворить, а не лишится, от Церкви да отлучится и от христиан, а митрополиту 12 гривень.  А теми винами разлучит мужа с женою:  1 вина. Аще услышите жона от иных людей, что думають на царя или князя, а она мужу своему не скажете, а опосле объяснится,— разлучити.  2 вина. Аще застанете мужь свою жону с прелюбодеем или како учинить на нее исправу с добрыми послухы,— разлучити. Аще думаете жона на своего мужа или зелием, или иными людми, или пакь иметь ведать, что хотят мужа ея убита, а она мужу своему не скажете, а опосле объяснится,— разлучить.  3 вина. Аще жена без своего мужа иметь ходити, или пити, или ясти, а опрочь своего дому иметь спати, а потом объясниться,— разлучити.  4 вина. Аще иметь жона ходити по игрищом или во дни, или в нощи, а мужь иметь усчювати, а она непослушаете,— разлучити.  5 вина. Аще ведет жона мужа своего покрасти клеть или товарь, или сама покрадет да иным подаете, или иметь ведати, што хотять церковь покрасти, а она мужу своему не скажете,— разлучити.