- •Тлумачальная запіска
- •Прыкладны тэматычны план
- •Змест дысцЫпліны Уводзіны
- •Тэма 1. Сутнасць маркетынгу. Эвалюцыя маркетынгавых стратэгій
- •Тэма 2. Культурны (мастацкі) прадукт ці паслуга – аснова маркетынгавай стратэгіі. Першы кампанент маркетынгавага комплексу
- •Тэма 3. Рынак культурных прадуктаў і паслуг, яго структура. Кампаненты прадукту
- •Тэма 4. Мадэлі паводзін спажыўцоў
- •Тэма 5. Сегментацыя рынку, пазіцыянаванне культурнага прадукту і паслугі
- •Тэма 6. Цэнавая пераменная – другі кампанент маркетынгавага комплексу
- •Тэма 7. Пераменная месца – трэці кампанент маркетынгавага комплексу
- •Тэма 8. Пераменная прасоўвання – чацвёрты кампанент маркетынгавага комплексу
- •Тэма 9. Камунікатыўны план
- •Тэма 10. Спонсарства і мецэнацтва
- •Тэма 11. Маркетынгавая інфармацыйная сістэма. Тры тыпы даных
- •Тэма 12. Планаванне і кантроль працэсу маркетынгу. Аўдыт маркетынгу
- •Тэма 13. Асноўныя стратэгіі маркетынгу. Матрыца Ансофа “Рынак – прадукт”
- •Тэма 14. Сацыяльная стратыфікацыя і ацэнка спажывецкіх пераваг
- •Тэма 15. “Новая эканоміка культуры” і трансфармацыя маркетынгавых стратэгій на сучасным этапе
- •Інфармацыйна-метадычная частка Літаратура
- •Дадатковая
- •Гласарый
- •Тэмы для тэсціравання
- •Крытэрыі адзнак па выніках вучэбнай дзейнасці
- •Маркетынг у сферы культуры
Тэма 1. Сутнасць маркетынгу. Эвалюцыя маркетынгавых стратэгій
Маркетынг як навукова-прыкладная дысцыпліна, галіна прафесійнай дзейнасці, сістэма кіравання, стыль мыслення і паводзін, комплекс пэўных функцый. Гісторыя развіцця сусветнага маркетынгу: ад арыентацыі на збыт прадукту праз арыентацыю на пакупніка і рэкламу да арыентацыі на сацыяльныя інтарэсы. Глабальны маркетынг 1980-х гг. Маркетынгавы комплекс: 1) рыначныя сілы: пакупніцкія паводзіны спажыўца; гандлёвыя паводзіны (гандляры оптам і ў розніцу); пазіцыі і паводзіны канкурэнтаў; паводзіны вышэйшага кіраўніцтва; 2) элементы маркетынгу: планаванне прадукту (уключна ўпакоўка і маркіроўка); цэнаўтварэнне; месца (абсталяванне і каналы руху прадукту); прасоўванне (рэклама, каналы збыту, персанальны продаж, сувязі з грамадскасцю); абслугоўванне; канстатаванне фактаў і іх аналіз. Асаблівасці маркетынгу ў сферы культуры.
С е м і н а р 1
1. Мастак (аўтар, выканаўца) – прызначэнне ў маркетынгавай стратэгіі арганізацыі культуры і мастацтва.
2. Традыцыйны маркетынг і маркетынг у галіне прафесійнага мастацтва. Традыцыйны маркетынг і маркетынг у індустрыі культуры.
3. Эвалюцыя менеджменту і маркетынгу: з 1860-х гг. да сёння. Прычыны ўзнікнення і развіцця маркетынгу ў сферы культуры.
4. Асаблівасці маркетынгу ў некамерцыйнай сферы. Віды некамерцыйных арганізацый сферы культуры і асаблівасці іх маркетынгавай палітыкі.
5. Узнікненне індустрыі культуры. Мас-культ і яго сацыяльная аўдыторыя.
Тэма 2. Культурны (мастацкі) прадукт ці паслуга – аснова маркетынгавай стратэгіі. Першы кампанент маркетынгавага комплексу
Тэрмін “прадукт” у сферы культуры як аб’ект, паслуга або вопыт. Тры асноўныя кампаненты прадукту: асноўны прадукт або сам аб’ект; спадарожныя паслугі; каштоўнасць (сімвалічная, эмацыянальная). Вымярэнні культурнага прадукту: параўнальнае, тэхнічнае, эмацыянальнае. Азначэнне тэрміна “культурны прадукт”. Культурны прадукт – складаны прадукт. Распрацоўка эфектыўнай маркетынгавай стратэгіі ў залежнасці ад стаўлення спажыўца. Прадуктовыя лініі і рады. Тэрмін “глыбіня прадуктовай лініі”. “Кампаніі аднаго прадукту” (гастрольныя тэатральныя або цыркавыя трупы, якія паказваюць адну пастаноўку за сезон). Паняцце прадуктовай сумесі (у дачыненні да кампаній, у задачы якіх уваходзіць прасоўванне і распаўсюджанне дасугавых паслуг). Густ (складаная катэгорыя, прадвызначае спажывецкія перавагі) і тэхналогія – два ўзаемазалежныя феномены, іх уздзеянне на жыццёвы цыкл прадукту.
С е м і н а р 2
1. Паняцце “набор прадуктаў” у сферы культуры.
2. Паняцце “жыццёвы цыкл” прадукту.
3. Асаблівасці маркетынгавых стратэгій “першых шэрагаў” і “масіраванай атакі”.
4. Характарыстыкі фазы росту ў жыццёвым цыкле прадукту.
5. Стратэгіі, якія выкарыстоўваюцца на стадыі насычэння рынку.
6. Маркёры (прыкметы) і тактыкі, характэрныя для прадукту на стадыі спаду.
Тэма 3. Рынак культурных прадуктаў і паслуг, яго структура. Кампаненты прадукту
Сектары рынку сферы культуры: спажывецкі рынак, рынак дыстрыб’ютараў, дзяржаўны бюджэт, спонсары. Спажывецкі рынак і сучаснае мастацтва. Сучаснае мастацтва, рэпрэзентаванае праз “высокую” (элітарную), народную (фальклор) і масавую культуру. Прадукты масавай культуры як рыначны тавар і іх адметныя рысы.
Фактары, якія ўздзейнічаюць на спажывецкі рынак: грамадскае меркаванне, тэндэнцыі, густ, сацыядэмаграфічныя пераменныя.
Дзяржаўная палітыка ў сферы культуры. Шляхі вымярэння эканамічнай эфектыўнасці сферы культуры. Рынак спонсараў.
Змест і асаблівасці маркетынгавай дзейнасці. Ёмістасць рынку. Кан’юнктура рынку.
Асноўныя тыпы канкурэнцыі: унутраная – канкурэнцыя ўнутры адной катэгорыі прадуктаў; паміж рознымі тыпамі культурных прадуктаў; паміж прадуктамі мастацкай культуры і іншымі прадуктамі для правядзення вольнага часу.
Пераменныя макраасяроддзя: дэмаграфічная, культурная, эканамічная, палітыка-прававая, тэхналагічная.
С е м і н а р 3
1. Паняцце попыту і рынку. Сутнасць адрозненняў паміж фактычным, мяркуемым і патэнцыяльным попытам.
2. Прыцягненне сродкаў прыватнага бізнесу ў бюджэты культурных мерапрыемстваў.
3. Тэхналогіі набыцця канкурэнтнай перавагі.
4. Значэнне тэхналагічнага прагрэсу і глабалізацыі для арганізацый культуры.