Конспект, День к-п языка

Общешкольное мероприятие, посвященное ко Дню родного языка.

Тема: «Ась гимнöн горалö гöгöр коми кыв»

Форма: внекласнöй мероприятие (орсан)

Моггез: 1. Уськöтны челядьлісь тöдöммез коми-пермяцкöй кыв да культура сьöрті, тöдсöтны велöтчиссезöс тöдтöм материалöн.

2. Зорöтны челядьлісь сёрни, вежöр.

3. Воспитывайтны челядьлісь любитöм чужан кыв дынö, коллективнöй удж дынö.

Оборудованнё: презентация, кывчукöр.

Мероприятиелöн мунöм

I.Всупительная часть.

- Бур лун, дона отир! Бур лун, дона ёрттэз!

1. Кинлӧ гажтӧм, кинлӧ шог

Миян праздник вылӧ лок!

И вашӧтас шогтӧ дыв

Коми – гора сьыланкыв!

2. Пондам орсны, сьывны пондам

Ась дивуйтчӧ мича шондi.

Кокнам топ, кинам шовк

Абу горе, абу шог!

1. Олат-вӧлат коми отир,

Мир тiянлӧ бытшӧм йӧз!

Осьтам праздник мед эз орддьы

Сiя талун некинӧс.

2. Бур лун, дона ёрттэз! Талун мийӧ тiянкӧт ӧксим татчӧ сiйӧн: миян эмӧсь тыр причинаэз:

1. Локтiс виль во.

2. Чожа Коми округлӧн нимлун.

3. Талун миян вежалун – коми кывнымлӧн нимлун.

II.Основная часть

- А ӧнi невна орсыштам, проверитам, кыдз тiйӧ тӧдат коми-пермяцкӧй кыв. Эта понда тiянлö колö торйöтчыны командаэз вылö. А командаэз лоасö классэз сьöрті. Тіянлö колö лöсьöтны командалісь ним коми-пермяцкöй кыв вылын и представитны мöдіккез одзын. Жюриöн лоасö велöтіссез, кöдна пондасö донтны тіянлісь удж. Быд правильнöй ответ понда команда пондас шедтыны öтік балл.

- Эттшöм орсаныс быдöнныслö тöдса. Команда бöрйö раздел и сэтісь вопрос. Правильнöй ответ понда шедтö öтік балл.

- Пондöтам орсан. Лоö внимательнöйезöн и уджалö быдсöн командананыт.

Тӧдмав!	10	20	30	40	50
Юржугдан	10	20	30	40	50
Невна историяись	10	20	30	40	50
Тӧд жӧ, тӧд!	10	20	30	40	50
Кытшӧм сiя коми-пермяцкӧй культура	10	20	30	40	50

1. Тöдмав.

10. Тöдмав нöдкыв (загадка)

Кымӧррезсянь усялӧны,

Му весьтын бергалӧны.

Кокнитӧсь бабыввез,

Чочкомӧсь…. (лымчиррез – снежинки).

20. Вуджöт роч кыв вылісь коми-пермяцкöй кыв вылö.

• Песня. Алфавит. Словарь . Круг. Море. Тысяча. Сто

• Сьыланкыв. Шыпасчукӧр. Кывчукӧр. Гӧгрӧс. Саридз. Сюрс. Сё

30. Тöдмав анаграмма да висьтав неколана кыв.

• ШУПНИК. НИМИН. ПОПОВ. МОЛВИК

• ПУШКИН. МИНИН. ПОПОВ. КЛИМОВ

40. Лöсьöт пословица.

• Ылӧ велӧтчытӧг мун он.

• Етшажык уджав, унажык серав.

• Вундан мый, и кӧдзан сiйӧ.

• Велӧтчытӧг ылӧ он мун.

• Етшажык серав, унажык уджав.

• Мый кӧдзан, сiйӧ и вундан.

50. Тöдмав пословица.

• 4,17,20,22,31,16 10 13,31,15,18,20,1 14,23,16,18 4,1,8,1

• 1-а, 2-б, 3-в, 4-г, 5-д,6-е, 7-ё, 8-ж, 9-з, 10-и, 11-i, 12-й, 13-к, 14-л, 15-м, 16-н, 17-о, 18- ӧ, 19-п, 20- р, 21-с, 22-т, 23-у, 24-ф, 25-х, 26-ц, 27-ч, 28-ш, 29-щ, 30-ъ, 31-ы, 32-ь, 33-э, 34-ю, 35-я

• Гортын и кымӧра лунӧ гажа.

2. Юржугдан.

10. Тöдмав шарада

Первӧй слогсӧ иньӧн шуам,

А мӧдiксӧ мийӧ юам.

Петiс ю, котӧртӧ вынӧн,

Пыр тэрмасьӧ Кама дынӧ.

Иньва

20. Тöдмав шарада.

Одзза слогыс – пес кералӧ.

ӧддьӧн перыта уджалӧ.

Слог мӧдiк – жӧниклӧн мам,

Кӧда лӧг, а кӧда рам.

Гор сайын ответ пукалӧ,

Сэтчин гуттэзӧс куталӧ.

Черань

30. Тöдмав анаграмма да висьтав неколана кыв.

• НИСТИМО. ЧЁХИЛАВ. ЩЕКЛИН. ВИЛИНАВ

• ИСТОМИН. ЛИХАЧЁВ. КЛЕЩИН. ВАВИЛИН

40. Тöдмав ребус.

Тулыс

50. Тöдмав ребус.

Андрей Никиорович Зубовлöн псевдоним

Питю öньö

3. Невна историясь.

10. Коми-пермяцкöй литературалöн основоположниккез?

Андрей Никифорович Зубов и Мизаил Павлович Лихачёв

20. Кыдз тiйӧ вежӧртат сэтшӧм ниммез, кыдз Кудымкар, Иньва?

• Кудымкар – «Кудым» и «кар» – город Кыдым-Ошлӧн.

• Иньва – «инь» и «ва» – женская вода.

30. Талуння лунӧ мийӧ кужам и лыддьӧтны, и гижны коми-пермяцкӧй кыв вылын. Лыддьӧтам быдкодь кывбуррез, романнэз, повесттез. А кыдзжӧ пондӧтiсӧ гижны?

Презентация коми-пермяцкöй письменность йылісь.

40. Гижӧ ассит ним латинизированнӧй шыпасчукӧр сьӧртi.

50. Кытшӧм родственнӧй кыввез тiйӧ тӧдат, кӧдна матынӧсь коми-пермяцкӧй кывлӧ?

Коми-пермяцкöй кыв пырö финно-угорскöй языковöй семьяö. Öтлаын миян кывкöт сійö родвужсö аркмöтöны сэтшэм кыввез, кыдз венгерскöй мансийскöй хантыйскöй, мордовскöй, карельскöй, вепскöй. А öтлаын зырянскöй да удмуртскö кывкöт коми-пермяцкöй кыв аркмöтöны пермскöй группа финно-угорскöй языковöй семьяись.

4. Тöд жö, тöд!

10. Тöд гижисьöс портрет сьöрті.

В.В. Климов, И.А. Минин, С.И. Караваев, М.П. Лихачёв, В.Я. Баталов, Н.В. Попов, А.Н. Зубов, М.Д. Вавилин.

20. Кин сьылöтö эттшöм кыввезнас Коми мусö?

• «Коми край тэ менам Край роднӧй, зелёнӧй Тэ примит сьӧлӧмсянь Пым привет поклонӧн. Тэнат вӧррез шӧрын, Тэнат небо увтын Ме первуись кӧркӧ Коккез вылӧ сувтi…»

И.А. Минин

30. Кытшöм кывбурись босьтöмась эна кыввес и кин сылöн авторыс?

Эм Кудымкарын зонок.

Нимкодь сылöн Баринок.

Баринок ли сiя, не ли,

Но вот блед и торта пеля

С.И. Караваев

40. Кытшöм журналлэз, газетаэз ведзöны коми-пермяцкöй кыв вылын?

«Бичирок»

«Силькан»

«Иньва»

«Кама кытшын»

50. Тöд кывчукöр

Коми-пермяцко-русскöй словарь, А.С. Кривощёкова-Гантман

5. Кытшöм сія коми-пермяцкöй культура.

10. Тöд предмет

Чöрс (веретено), пестер, радз да сипож, туис, суса, чарла,

20. Висьтав коми-пермяцкöй национальнöй костюмись торрез коми-пермяцкöй кыв вылын.

1. Йöрнöс, дубас, запон, кушак, нинкöммез.

2. Йöрнöс, дубас, кушак, чаркиэз.

30. Кинӧс коми край да коми-пермяцкӧй кыв донтiссезӧс, радйтiccезӧс да зорӧтiссезӧс тiйӧ тӧдат?

Висьтавны ним и мыйöн нія занимайтчöны.

40. Орсан «Йöв доззэз»

50. Лӧсьӧтӧ неыджыт поздравленнё коми-пермяцкӧй кыв вежалун дынӧ.

III. Заключительная часть.

- Локтіс помöдз миян орсан. Öні сетам кыв жюрилö.

1. Но вот и лӧнсис гажа шумыс

И кад тэрмӧтӧ мунны гортӧ,

И сiйӧн ми тэрмасям шуны

Ыджыт спасибо, дона ёрттэз!

2. Спасибо, кин гажӧтiс йӧзсӧ,

Кин кылiс гажа тыри-ёрсӧ!

Адззисьлытӧдз, но бытшӧм гӧссез

Эшӧ не ӧтпыр сьылам, орсам

Вӧлись гажӧтам Иньва дорсӧ!