Силлабус Каз яз

Силлабусты дайындағандар: доцент Шәрібжанова Ғ.Ғ., аға оқытушылар Арыстанғалиева Д.М., Төлеубаева К.Т. Орыс және қазақ тілдері кафедрасының мәжілісінде 2013 жылдың 11 қаңтарында (№ 6 хаттама) қаралған.

Оқытушылар:

Алмұхаметова Гүлмира Сатыбалдықызы,

аға оқытушы; Қазақ тілі 2 пәнін 2006/2007 оқу жылынан жүргізеді

жарияланым саны-22.

офис сағатты кафедраның стендінен қараңыз Арнайы бөлінген аудиториялар: 321,320, 323..

Шәрібжанова Ғалия Ғабдоллақызы,

аға оқытушы, филология ғылымдарының кандидаты, Қазақ тілі 2 пәнін 2006/2007 оқу жылынан жүргізеді жарияланым саны – 25.

Ахметова Эльмира Тұрсынқызы,

аға оқытушы; Қазақ тілі 2 пәнін 2006/2007 оқу жылынан жүргізеді

офис сағатты кафедраның стендінен қараңыз Арнайы бөлінген аудиториялар: 321,320, 323..

Оспанова Баянды Рамазанқызы,

-аға оқытушы, фғк; Қазақ тілі – 2 пәнін 2012/2013 оқу жылынан жүргізеді; офис сағатын кафедраның стендінен қараңыз; арнайы бөлінген аудиториялар: 321,320, 323. тел: 2-92-58-47.

“Қазақ тілі-2” пәні АЖБ мамандандырылуы бағытындағы орыс бөліміндегі техникалық мамандық алатын студенттерге іскерлік қатынас негіздерін түсініп, іскерлік қазақ тілінде сөйлеп - үйренудің, ресми құжаттарды мемлекеттік тілде жазып, қажетінше қазақшадан орысшаға, орысшадан қазақшаға аударып пайдаланудың, қолдана білудің белсенді құралы болып табылады.

1. Пререквизиттері

Бұл курстың бастапқы деңгейі ретінде студенттердің АЭжБУ-дің бірінші курсында «Қазақ тілі-1» пәні бойынша алған білімдері есептеледі.

2. Постреквизиттері

Бұл пәнді толық меңгерген студент іскерлік қатынас саласына қатысты әдебиетті қос тілде аударуы, осы әдебиеттерде кездесетін оралымдарды меңгеруі, іс қағаздарын жүргізу принциптерін білуі, іскерлік қарым-қатынас жасай алуы керек.

3. Пән сипаттамасы

Университет бойынша барлық бағытта білім алып жатқан мамандықтағы студенттерге «Қазақ тілі – 2» пәні курсы іскерлік қарым-қатынастың әлеуметтік-психологиялық негізін бағдарлама бойынша берілген нақты мәтіндер арқылы меңгертуді және іскерлік қарым -қатынас жасауды аутентивті материалдар негізінде үйретуді, мемлекеттік тілде ресми іс қағаздарын толтыру, іскерлік хат жазысу дағдыларын меңгертуді көздейді.

4. Пәннің мақсаттары

1) Кәсіби-іскерлік қарым-қатынаста жиі қолданылатын сөйлеу модельдерін қолдана білуге, іс қағаздарын жүргізуге, пікірлесудің дұрыс жолдарын таңдай білуге және коммерциялық хат жазысу мәдениетін меңгеріп, сауатты жаза білуге, жарнама мәтіндерін құрастыруға т.б.үйрету.

2) Екі тілді аударма, түсіндірме, фразеологиялық және салалық сөздіктермен жұмыс жасау дағдыларын қалыптастыру, лексикалық, синтаксистік оралымдарды танып, дұрыс аудара білу дағдыларын меңгерту, іс қағаздарына байланысты мәтіндерді қазақшадан орысшаға және орысшадан қазақшаға аудару тәсілдерін теория және практика негізінде нақты мәтіндер үлгісін қолдана отыр ып үйрету.

5.Негізгі бөлім

1.Функционалдық стильдер. Іс қағаздар стилі. Ырықсыз етіс. Тұйық етістіктің түрленуі.

Бұйрық рай.

2.Стандарт тілдік бірліктер (сөздер, сөз тіркестері, трафареттік мәтіндер). Анықтама. Қолхат. Сенімхат.

3.Тілдік норма. Орфоэпиялық норма, мәтіндердің айтылым үлгілері.

4.Ауызша сөйлеу этикасы. Диалог. Ресми қарым-қатынас мәдениеті.

5.Шешендік сөз өнері. Монолог. Баяндау тәсілдері: әңгімелеу, сипаттау, пайымдау, хабарлау.

6.Жазба тіл этикасы. Іскерлік хат жазысу.

7.Еңбек қатынастарын реттеу. Өмірбаян. Түйіндеме. Өтініш. Бұйрық. Етістіктің жақ, шақ категориялары. Өкімдік құжаттарда кездесетін бұйрық рай формалы етістіктер (дайындалсын,

ЕСКЕРТУ: жұлдызша (*) белгісі сырттай оқу және жеделдете оқу бөлімінің топтарындағы студенттерге берілген тапсырмалар.

7. Өз бетінше оқуға арналған материалдар:

Күрделі зат есімдер.

Келер шақ, өткен шақ есімшелердің қызметі. Есімшелі оралымдардың анықтауыштық қызметі. Көсемшелі оралым, оның қызметі.

Сан есім. Уақытты білдіретін стандарт формулалар. Халық өлшемдері.

Көмекші сөздер (септеуліктер, жалғаулықтар, мезгіл мағынасын білдіретін көмекші есімдер). Есімді және етістікті сөз тіркестері.

Шартты бағыныңқылы сабақтас құрмалас сөйлемдер. Себеп бағыныңқылы сабақтас құрмалас сөйлемдер.

Арқылы, байланысты, бойынша сөздері арқылы жасалған конструкциялар мен тұрақты оралымдар.

Етістік+у+іңізді, +ыңызды сұраймын, өтінемін конструкциялары. Етістік+у+ды,+ ді ұсынамын конструкциясы.

Өз бетінше оқуға арналған материалдардың меңгерілуі оқытушының офис-сағаттары кезінде бақыланады.

№1 ӨЖ (жазбаша) тақырыбы: Қазақстан техника ғылымына үлес қосқан тұлғалар (Парасат пен пайым).

Жұмыстың мерзімі: 1 ай.

Жұмыстың мақсаты

1.Ғалымдардың өмір тарихынан, олардың ғылыми ізденісі және жасаған тәжірибесі, ашқан жаңалығынан мағлұмат жазу (1 бет);

2.Белгілі бір ғылыми еңбектеріне шолу жасау (2 бет);

3.Сол жұмыстағы 10 терминнің түсіндірме сөздігін жазу;

4.Осы жұмыстағы жалпы ғылыми сипаттағы 10 сөздің түсіндірмесін жазу.

Қойылатын талаптар:

жұмысты А 4 форматында 14 шрифтпен басу; ресімдеу: сыртқы беті стандартқа сәйкес толтырылуы керек; жұмыстың түпнұсқасы толық жазылуы керек ;

жұмыстың мазмұнын, қолданылған әдебиеттер тізімін көрсету; Ескерту: жұмыс ауызша қорғалып, жазбаша түрде өткізіледі.

Қазақстан техника ғылымына үлес қосқан ғалымдар:

1.Б. Б.Бөрібаев

2.А. Бекбаев

3.Д. Сүлеев

4.Б. Хисаров

5.Е.Қ. Балапанов

6.А.Б. Даулетқұлов

7.З.Қ. Құралбаев

8. Қ.И. Сәтбаев

9. Ш.Ш. Шөкин

10.Д.Ж.Сыздыков

11.А.С. Шкрет

12. К.Б. Ысқақов

13. Т.Х. Ахметов

14. Б.К. Алияров

15. М. Тынышбаев

16. А.Б.Бекбаев

17. К.Д. Дүкенбаев

18.Ш.И.Имангалиев

19.Т.М.Жолшараева

20.С. Темірғалиев

21. Ә. Берікұлы

22. Ғ.Ж. Дәукеев

23. И.И. Сағитов

24. Г.Х. Хожин

25. Д.Ж. Темірбаев

26. Э.А.Сериков

27. В.В. Стояк

28. Ш. Ершин

29. К.Кенжеш

30. Т.Ғ.Хакімжанов

Жұмыстың орындалу уақыты әр семестрдің басында кестеде жасалып, көрсетіледі. №2 ӨЖ (ауызша) тақырыбы: Презентация.

Мамандығы бойынша реферат жазу (2-3 бет). Жұмыстың мерзімі: 1 ай

Жұмыстың мақсаты:

Студенттердің ауызша сөйлей білу дағдысын қалыптастыру мақсатында өз мамандығына сәйкес тақырып алынып, сол бойынша олар жұмыс істеуге дағдыланады.

Жұмыстың кезеңдері:

а) берілген тақырып бойынша материалдар іздеп табу; ә) материалды іріктеу, сұрыптау;

б) қорғау.

Қойылатын талаптар:

а) студенттің киім кию мәдениеті – 9 балл; ә) мәтіннің түпнұсқасы емес, тезисін (0,5 бет) пайдалануға болады – 9 балл;

б) көрнекіліктер саны – 4-5-тен, олардағы сөйлемдер 2-3-тен аспауы керек – 9 балл; в) мимика мен жест қимылдары, аудиторияны баурап алуы, дауыс сазы, интонациясы, сөйлеу мәдениеті ескеріледі – 9 балл;

г) жұмыстың мазмұндылығы, тақырыптың құндылығы, кіріспе, негізгі, қорытынды бөлімдерді тұжырып баяндауы ескеріледі – 9 балл.

Жұмыстың түрі:

Презентация

Көрнекі құралдар:

Сурет, сұлба, плакат, слайдтар, мүмкіндігіне қарай құрылғының өзін көрсету.

Ұсынылатын құрылғылардың атаулары

1.Программалық құралдар

2.Компьютер жұмысын басқару құрылғылары

3.Стандартты программалар

4.Сканерлер

5.Принтерлер

6.Компьютерлер

7.Процессорлар

8.Дискілер

9.Микропроцессорлар

10.Модемдер

Ескерту: Тақырып мұнымен шектелмейді, заман талабына сай жаңа құрылғы немесе жаңа бағдарламаларды студенттер өз бетінше таңдап, оқытушымен келіседі.

Ескерту: №3 семестрлік жұмыстың тапсырмасы қолжазба түрінде таратылады. №3 ӨЖ* (жазбаша) тақырыбы: «Іскерлік хат жазысу шеберлігі» Жұмыстың мерзімі: 1 ай.

Жұмыстың мақсаты:

Іс қағаздарының өзіндік тілдік жүйесі, белгі, құрылымын білу және оларды жүргізу, әдеби тіл нормасын дұрыс пайдалана білу, құжаттың орфографиясы мен грамматикалық құрылысын білу, белгілі бір лауазымды тұлғаға немесе арнайы бір мекемеге хабар, ақпарат, сұраныс т.б. жіберу үшін хатты сауатты дұрыс жаза білу.

Орындалатын жұмыс :

1.Іскерлік құжаттарға тән стандарт тілдік бірліктердің сөздігін жазу (30);

2.Оқытушы берген орыс тіліндегі хат мәтінін қазақ тіліне аудару (1 бет);

3.Аударылған хаттағы назар аудару – қызығушылық туғызу – өтініш – іс-әрекетті білдіретін

мазмұндағы сөйлемдерді теріп жазу.

Қойылатын талаптар:

жұмысты А 4 форматында 14 шрифтпен басу; берілген нұсқаның түпнұсқасы толық жазылуы керек;

жұмыстың мазмұнын, қолданылған әдебиеттер тізімін көрсету; жұмыстың орындалу уақыты әр семестрдің басында кестеде жасалып, көрсетіледі.

8. Оқытушының талаптары

1.Сабақтарға кешікпей келіп, міндетті түрде қатысу.

2.Жұмыс дәптері мен іскерлік қатынас бойынша терминдер сөздігін жүргізу.

3.Әр сабаққа әдістемелік оқу құралымен келу.

4.Мәтінді дұрыс оқу, кәсіби бағытта сауатты жазуға дағдылану.

5. Монолог түрінде берілген мәтінді жеке мағыналық бөліктерге бөліп, негізгі мазмұнын айта

білу.

6.Диалог мазмұнын түсініп, қатысымға түсе алу.

7.Оқылған мәтінге жоспар құра білу, естіген нәрсесін түсіне алу.

8.Терминологиялық сөздіктерді пайдаланып, мәтінді ұғынып, аудара білу.

9.ССЖ-дерді белгіленген мерзімде тапсыру. Бұл талап бұзылған жағдайда жалпы баға 1-3 балға төмендетіледі.

10.Сабақ кезінде ұялы телефондар өшірілуі керек.

11.Студент төрт сағаттан артық сабақ жіберсе, аттестация қойылмайды.

(А+) - оқу материалдарын жан-жақты, жүйелі, терең меңгеріп, тапсырмаларды толық орындап, ұсынылған негізгі және қосымша әдебиеттерді пайдаланып, практикалық сабақтарда белсенділік танытқан, оқылатын пән бойынша негізгі ғылыми тұжырымдамаларды айыра білетін, және оқу материалдарын баяндауда шығармашылық көзқарасы қалыптасқан, терминдерді қолдану байлығымен, нақтылығымен ерекшеленетін, материалдарды рет-ретімен, қисынды баяндай білетін, семестрлік жұмыстарды мерзімінде тапсырған студентке қойылады.

(А-) - оқу материалдарын жан-жақты, жүйелі меңгеріп, тапсырмаларды толық орындап, ұсынылған негізгі әдебиеттерді пайдаланатын және қосымша әдебиеттермен танысқан, практикалық сабақтарда белсенділік танытқан, оқылатын пән бойынша жүйелі білім алған, сондай-ақ оны ары қарай дамытуға қабілеті бар және оқу материалдарын баяндауда терминдерді нақты қолдана білетіндігімен ерекшеленетін, материалдарды рет-ретімен, қисынды баяндай білетін, семестрлік жұмыстарды мерзімінде тапсырған студентке қойылады.

(В+) - оқу материалдарын толық меңгерген, баяндауда мәнді дәлелдемелерді қалдырмайтын, программа бойынша берілген тапсырмаларды толығымен орындайтын, негізгі әдебиеттерді

меңгерген, практикалық сабақтарда белсенділік танытқан, оқылатын пән бойынша жүйелі білім алған және өздігінен толықтыра білу қабілеті бар, семестрлік жұмыстарды мерзімінде тапсырған студентке қойылады.

(В) - оқу материалдарын жеткілікті дәрежеде толық меңгерген, баяндауда мәнді дәлелдемелерді қалдырмайтын, программа бойынша берілген тапсырмаларды толығымен орындайтын, негізгі әдебиеттерді меңгерген, практикалық сабақтарда белсенділік танытқан, оқылатын пән бойынша жүйелі білім алған және өздігінен толықтыра білу қабілеті бар, семестрлік жұмыстарды мерзімінде тапсырған студентке қойылады.

(В-) - оқу материалдарын жеткілікті дәрежеде толық меңгерген, баяндауда мәнді дәлелдемелерді қалдырмайтын, программа бойынша берілген тапсырмаларды толығымен орындайтын, негізгі әдебиеттерді меңгерген, практикалық сабақтарда жеткілікті дәрежеде белсенділік танытқан, оқылатын пән бойынша жүйелі білім алған, семестрлік жұмыстарды мерзімінде тапсырған студентке қойылады.

(С+) – оқу материалдарын белгілі бір көлемде меңгерген, практикалық сабақтарда белсенділігімен ерекшеленбеген, берілген тапсырмаларды өздігінен орындайтын, негізгі әдебиеттерді меңгерген, дегенмен тапсырмаларды орындау кезінде қателіктерге жол беріп алатын, бірақ өздігінен жоюға қабілеті бар, семестрлік жұмыстарды кешіктіріп өткізген студентке қойылады.

(С) - оқу материалдарын белгілі бір көлемде меңгерген, практикалық сабақтарда белсенділігімен ерекшеленбеген, берілген тапсырмаларды өздігінен орындайтын, негізгі әдебиеттерді меңгерген, дегенмен тапсырмаларды орындау кезінде қателіктерге жол беріп алатын, оны жоюда оқытушының көмегіне жүгінетін, семестрлік жұмыстарды қайта тапсырған студентке қойылады.

(С-) - оқу материалдарын белгілі бір көлемде меңгерген, практикалық сабақтарда белсенділігімен ерекшеленбеген, берілген тапсырмаларды өздігінен орындайтын, негізгі әдебиеттерді меңгерген, дегенмен тапсырмаларды орындау кезінде қателіктерге жол беріп алатын, оны жоюды оқытушының көмегінсіз жүзеге асыра алмайтын, семестрлік жұмыстарды қайта тапсырған және 5-6 сағат жіберген студентке қойылады.

(Д+) – оқу материалдарын жартылай меңгерген, практикалық сабақтарда белсенділік танытпаған, негізгі әдебиеттерді толық меңгермеген, тапсырмаларды орындау кезінде қателіктерге бой алдырған, қосымша сабақтар болмаса тапсырмаларды орындай алмайтын, семестрлік жұмыстарды тым кешіктіріп қайта тапсырған, 6 сағат жіберген студентке қойылады.

(Д) - оқу материалдарын жартылай меңгерген, практикалық сабақтарда белсенділік танытпаған, негізгі әдебиеттерді толық меңгермеген, тапсырмаларды орындау кезінде қателіктерге бой алдырған, үнемі оқытушының көмегіне жүгінетін және қосымша сабақтар болмаса тапсырмаларды орындай алмайтын, семестрлік жұмыстарды орындауда көп қателер жіберіп, қайта кешіктіріп тапсырған студентке қойылады.

(Ғ) – оқу материалдарын меңгере алмаған, практикалық сабақтарға мүлде қатыспаған, семестрлік жұмыстарды орындамаған студентке қойылады.

Қорытынды бағалау шкаласы