3. Крызіснае становішча ў эканоміцы ў першай палове 1990-х гг.
Распрацоўка і рэалізацыя беларускай мадэлі сацыяльна-эканамічнага развіцця краіны.
У кастрычніку 1990 г. Вярхоўны Савет зацвердзіў урадавую праграму пераходу да рыначнай эканомікі. Развал СССР яшчэ больш абвастрыў эканамічнае становішча на Беларусі: рэзка скарашліся пастаўкі разнастайнай прадукцыі, якая была неабходна для беларускай прамысловасці, нарастала інфляцыя, узнік таварны голад ка снажывецкім рынку,
Працэс набыцця Рэспублікай Беларусь рэальнага суверэнітэту супаў у часе з рэзкім пагаршэннем яе сацыяльна-эканамічнага становішча. Сістэма кіравання ўсім народнагаспадарчым комплексам аказалася разбалансаванай. Парушыліся сувязі паміж рэспублікамі, а разам з імі – пастаўкі паліва і сыра-віны, збыт гатовай прадукцыі. У выніку за 1991–1994 гг. выпуск прамысловай прадукцыі ў рэспубліцы скараціўся на 31%. Сабекошт прадукцыі сельскай гаспадаркі знізіўся, а разам з ім – попыт калгасаў на тэхніку і ўгнаенні. Хранічны недахоп сродкаў ўскладняўся наступствамі Чарнобыльскай катастрофы, ліквідацыя якіх забірала каля 16% рэспубліканскага бюджэту.
Праграма пераходу да рынку прадугледжвала ў першую чаргу стварэнне на Беларусі прыватнага сектара эканомікі. У верасні 1991 г. Савет Міністраў прыняў адпаведную пастанову, якая дазволіла прыватызацыю дзяржаўнай уласнасці. Да канца 1992 г. ва ўласнасць працоўных калектываў і асобных уладальнікаў перайшло 190 прадпрыемстваў. Замацаванню новых формаў уласнасці садзейнічаў закон 1993 г. "Аб раздзяржаўленпі і прыватызацыі дзяржаўнай уласнасці ў Рэспубліцы Беларусь".
Новае заканадаўства стварыла прававую базу для дзейнасці сумесных бе-ларуска-замежных прадпрыемстваў і прадпрыемстваў, якія цалкам належалі замежным уласнікам. За 1991-1995 гг. колькасць сумесных прадпрыемстваў (СП) узрасла з 283 - да 1836, а колькасць замежных, адпаведна, павялічылася са 116 да 889. Пашырэнне магчымасцяў да стварэння сумесных і замежных фірмаў і прадпрыемстваў спрыяла прыцягненню ў беларускую эканоміку ін-вестыцый. У 1995 г. яны склалі 14,7 млн долЗША.
Пэўныя змены адбыліся ў с/г сферы. Сяляне атрымалі права выбару фор-маў гаспадарання і ўласнасці, у выніку чаго паскорыўся працэс утварэння фермерскіх гаспадарак. За 1992 - 1995 гг. іх колькасць вырасла да трох тыс.
3 абраннем у ліпені 1994 г. першага Прэзідэнта Рэспублікі Беларусь быў зроблены паварот да ўзмацнення ролі дзяржавы ў эканамічных пра-цэсах. 2 верасня 1995 г. А.Р. Лукашэнка публічна абвясціў аб вызначэнні курсу на пабудову "рынкавага сацыялізму". Новы курс прадугледжваў дзяржаўнае рэгуляванне экапомікі, узмадненне кантролю за прыватызацыяй. Важнае месца адводзілася наглыбленню эканамічнай інтэграцыі паміж дзяржавамі СНД. У хуткім часе былі распрацаваны "Асноўныя напрамкі сацыяльна-эканамічнага развіцця РэспублікІ Беларусь на 1996-2000 гг.".
Іх рэалізацыя забяспечыла з 1996 г. штогадовы прырост унутранага вала-вога прадукту (УВП), які з'ўляецца адным з асноўных паказчыкаў развіцця эканомікі. Павялічыўся аб'ём вытворчасці прамысловай прадукцыі і спажы-вецкіх тавараў. Шэрагу прадпрыемстваў удалося пераадолець цяжкасці пер-шай паловы 90-х гг. Сталі эфектыўна працаваць у новых умовах вытворчыя аб'яднанні "Мінскі трактарны завод", "Атлант", Гарызонт" і інш. У цэ-лым па краіне павялічыўся рост рэальных даходаў насельнІцтва, удалося не дапусціць рэзкага росту беспрацоўя, была захавана сацыяльная стабільнасць, адноўлена сістэма кіравання эканомікай.
Разам з тым эканамічнае развіццё ў гэты перыяд адбывалася нераўнамер-на, скачкападобна. 3 1995 г. замарудзіліся тэмпы прыватызацыі, узмацніла-ся дзяржаўнае рэгуляванне прыватнага прадпрымальніцтва. Па шэрагу важ-нейшых паказчыкаў дасягнуць узроўню 1990 г. так і не ўдалося. Вызначаныя прыярытэты развіцця эканомікі не былі рэалізаваны ў поўнай меры. Адбывалася дэвальвацыя беларускага рубля, панізіўся ўзровень рэнтабель-насці, павялічылася доля стратных прадпрыемстваў.
Сацыяльна-эканамічная сітуацыя абвастралася сыравіннай энергетычнай залежнасцю ад былога адзінага народна-гаспадарчага комплексу СССР, арыентацыяй беларускай эканомікі на былы саюзны рынак, наступствамі Чарнобыля, а таксама састарэлымі тэхналогіямі.
Група новых палітыкаў і эканамістаў, якая прыйшла да ўлады разам з Прэзідэнтам А. Лукашэнкам, здолела прыпыніць заняпад эканомікі. 30 верасня 1994 г. прапанаваная імі праграма выхаду з крызісу была ўхвалена Вяр-хоўным Саветам рэспублікі. Дзякуючы ёй, ужо ў 1995 г. абвал вытворчасці быў прыпынены, але ў перспектыве належала прадпрыняць значныя нама-ганні, каб пераламаць сітуацыю да лепшага, бо да гэтага часу валавы ўну-траны прадукт Рэспублікі Беларусь склаў 65,2%, а рэальныя даходы яе на-сельніцтва – толькі 60%.
У ліку першых мерапрыемстваў Прэзідэнта былі скасаванне неабгрунтаванай прыватызацыі дзяржаўнай маёмасці і барацьба з карупцыяй. Да канца 1995 г. была створана нацыянальная крэдытна-грашовая і банкаўская сістэма, пачала фармавацца ўласная мадэль эканамічнага развіцця сацыяльна арыентаванага тыпу. Гэтыя навацыі і перспектывы знайшлі ўвасабленне ў «Асноўных напрамках сацыяльна-эканамічнага развіцця Рэспублікі Беларусь на 1996–2000 гады», якія былі ўхвалены ў кастрычніку 1996 г. Усебеларускім народным сходам.
Велізарную дапамогу ў стабілізацыі беларускай эканомікі аказаў Прэзідэнт і ўрад Расійскай Федэрацыі. У многім дзякуючы ёй у 1996–1999 гг. на-меціліся станоўчыя тэндэнцыі ў росце ВУП, тавараў народнага спажывання, інвестыцый і тавараабароту. Так, у параўнанні з 1995 г., 1998 г. даў прырост ВУП 122,6%, прадукцыі прамысловасці – 137,7%. Разам з тым яшчэ заста-валася вострай праблема стратных прадпрыемстваў, якія ў 1998 г. складалі ў прамысловасці 11%, а таксама адставанне вытворчасці сельгаспрадуктаў.
Вынікам напружанай працы беларускага народа пад кіраўніцтвам Прэзідэнта і падначаленага яму ўрада зрабіліся першыя істотныя дасягненні ва ўсіх галінах народнай гаспадаркі. Так, у 2000 г. па асноўных паказчыках (ВУП, узровень жыцця і інш.) Рэспубліка Беларусь першай на постсавецкай прасторы выйшла на паказчыкі перадкрызіснага 1990 г. і стварыла аснову для далейшага дынамічнага развіцця.
Уласцівая Беларусі сыравінная і энергетычая залежнасць ад Расійскай Федэрацыі, арыента-цыя эканомікі на саюзны рынак, састарэлыя тэхналогіі, якія забруджваюць навакольнае асяроддзе, наступствы Чарнобыльскай катастрофы і многае іншае натхніла Прэзідэнта А. Лукашэнку і яго ўрад на прыняцце Нацыянальнай стратэгіі ўстойлівага развіцця (НСУР-1997).
Пад паняццем «устойлівае развіццё» маюць на ўвазе такі шлях і стан эканомікі, які забяспечвае задавальненне патрэб цяперашняга пакалення без пагрозы дабрабыту будучым пакаленням. Пад ім патрэбна разумець такое развіццё соцыуму і яго эканомікі, якое не разбурае навакольнае асяроддзе і забяспечвае бесперапынны прагрэс грамадства. Гэта стратэгія была распрацавана не толькі ў мэтах пераадолення крызісу эканомікі, а і з улікам перспектыў яе далейшай інтэграцыі ў глабальную эканамічную сістэму.
Акрамя таго, НСУР-1997 была вызначана мадэль устойлівага развіцця Беларусі, ацэнены нацыянальныя рэсурсы, прыродны і сацыяльна-эканамічны патэнцыял рэспублікі, механізмы і сродкі зніжэння шкоднага ўздзеяння на стан прыроднага асяроддзя з прадстаўленнем прагнозных паказчыкаў да2010
Ажыццяяўленне намечаных у НСУР-1997 захадаў дазволіла спыніць спад вытворчасці і забяспечыць прырост ВУП, а таксама спрыяла пэўнаму аздараўленню экалагічнай сітуацыі. Усведамляючы важнасць НСУР, беларускае кіраўніцтва ў заканадаўчым парадку прадугледзела абавязковасць яе распрацоўкі на 15-гадовы перыяд кожныя пяць гадоў.
Стратэгія ўстойлівага развіцця з’яўляецца ідэалагічнай асновай сацыяльна-эканамічнай мадэлі Беларусі, якая заснавана на прынцыпах рынку і дзяржаўнага рэгулявання і разлічана на пераходны перыяд. Яна заснавана не на знішчэнні ранейшых асноў, а на ўдасканаленні існуючай эканамічнай базы. Беларуская эканамічная мадэль змяшчае ў сабе элементы пераемнасці ў выкарыстанні дзяржаўных інстытутаў ва ўсіх сферах, дзе яны праявілі сваю эфектыўнасць.
Элементы беларускай мадэлі эканомікі былі вызначаны 22 сакавіка 2002 г. Прэзідэнтам А. Лукашэнкам у яго выступленні перад кіруючымі работнікамі рэспубліканскіх і мясцовых дзяржаўных органаў. Па-першае, гэта моцная і эфектыўная дзяржаўная ўлада, якая гарантуе грамадзянам бяспеку, грамадскі парадак, сацыяльную справядлівасць і дабрабыт. Зараз гэта ўлада асацыіруецца з асобай Прэзідэнта.
Па-другое, раўнапраўнае функцыянаванне прыватнага і дзяржаўнага секта-ра эканомікі. Аднак развіццё не павінна супярэчыць дзяржаўным інтарэсам. У пачатку 2001 г. на Беларусі было зарэгістравана больш за 60 тыс. прадпрыем-стваў недзяржаўных форм уласнасці і амаль 200 тыс. індывідуальных прадпрымальнікаў, а доля выпушчанай імі прамысловай прадукцыі складала каля 40%.
Па-трэцяе, прыватызацыя – перадача дзяржаўнай уласнасці прыватнаму сектару. Яе мэта – пошук зацікаўленага інвестара-прадпрымальніка, здольна-га ўзняць рэнтабельнасць прадпрыемства на больш высокі ўзровень. Прыватызацыя павінна здзяйсняцца найперш у інтарэсах усяго грамадства, таму ёй не падлягаюць высокадаходныя прадп-вы, якія фармуюць дзяржаўны бюджэт
Па-чацвёртае, развіццё інтэграцыйных працэсаў з краінамі СНД, і ў першую чаргу з Расіяй.
Па-пятае, моцная сацыяльная палітыка дзяржавы, якая накіравана на павышэнне грамадскага дабрабыту, паляпшэнне якасці і ўзроўню жыцця насельніцтва. Галоўнай мэтай сацыяльнай палітыкі з’яўляецца стварэнне для кожнага працаздольнага грамадзяніна ўмоў, якія дазваляюць яму забяспечыць дабрабыт сваёй сям’і пры ўзмацненні адраснасці сацыяльнай падтрымкі слаба абароненых груп насельніцтва.
Такім чынам, беларуская мадэль разлічана на пераходны перыяд ад каманднай да сацыяльна арыентаванай эканомікі і дэмакратычнага грамадства. Грамадзяне Рэспублікі Беларусь падтрымалі сацыяльна-эканамічную палітыку дзяржавы і ўзялі актыўны ўдзел у ажыццяўленні праграмы развіцця краіны, разлічанай на 2001–2005 гг. Так, сярэднегадавы прырост ВУП складаў звыш 7% і зрабіўся адным з самых высокіх паказчыкаў сярод краін Еўрапейскага саюза і СНД. Тэмпы росту ВУП за пяцігодку перавысілі 142% (пры плане – 135–140%), прамысловай прадукцыі – больш за 150% (пры плане 128–132%), спажывецкіх тавараў – 150% (пры плане 142–147%), інвестыцый у асноўны капітал – 179% (пры плане 160–170%), рэалізацыі платных паслуг насельніцтву – 170% (пры плане 160–165%).
Прырост прадукцыі сельскай гаспадаркі за пяць гадоў склаў 25%. Сама сельская гаспадарка ўпершыню зрабілася рэнтабельнай. Колькасць стратных гаспадарак скарацілася з 59% у 2001 г. да 16% у 2004 г. Па вытворчасці важ-нейшых відаў сельскагаспадарчай прадукцыі на душу насельніцтва (збожжа, бульба, гародніна, мяса, малако, яйкі) Беларусь выйшла на першыя пазіцыі сярод краін Еўропы і СНД.
Асновай далейшага развіцця аграпрамысловага комплексу стала Дзяржаўная праграма адраджэння і развіцця сяла на 2005–2010 гг. Акрамя нарошчвання тэмпаў аграрнай вытворчасці, яна заклікана забяспечыць рост дабра-быту сельскага насельніцтва, стварэнне сучаснай сацыяльнай інфра-струк-туры на сяле.
Беларусь гандлюе з 174 краінамі свету. З 2001 г. аб’ём знешняга гандлю ўзрос з 15,7 млрд. дол. да 30,3 млрд. дол., а за 10 гадоў – амаль у 3,5 разу. 43% беларускага экспарту ішло ў Еўропу і 36% – у Расію. Былі створаны спрыяльныя ўмовы для дзейнасці замежных інвестараў, налічваецца каля 3,5 тыс. кампаній, арганізаваных з удзелам інвестараў з 90 краін свету. Пачына-ючы з 2002 г., на Беларусь паступіла больш за 4,6 млрд. дол. інвестыцый.
Важнейшым доказам жыццядзейнасці беларускай сацыяльна-эканамічнай мадэлі служаць паказчыкі росту даходаў насельніцтва. Так, з 2001 па 2005 г. яны выраслі на 76,5% (пры плане 58–63%), а рэальная заработная плата – на 103,3% (пры плане 80–85%). Заданне ўраду давесці да канца 2005 г. узровень сярэдняй заработнай платы па краіне да 250 дол. ЗША ў эквіваленце было выканана. У нашы дні гэтыя паказчыкі працягваюць паляпшацца.
Такім чынам, Праграма сацыяльна-эканамічнага развіцця Рэспублікі Беларусь на 2001–2005 гг., складзеная на прынцыпах функцыянавання ўласнай мадэлі, была паспяхова выканана і нават перавыканана. Грамадства зрабіла ўпэўнены крок у напрамку пабудовы квітнеючай Беларусі.