Курстың жеке тақырыптары бойынша жұмыстардан көшірмелер жасау

Көшірме – ол сөзбе-сөз айтсақ белгілі-бір мәтіннің дәлме-дәл жазуы. Жазудың осындай нысаның қолдану белгілі-бір тақырыпқа материалды тандауға мүмкіншілік береді. Көшірмелердін сыртқы хаттауына қойылатын талаптар конспектілерді хаттауға қойылған талаптар сияқты.

Тезистерді құрастыру

Тезистер дегеніміз мәтіннің қысқа тұжырымдалған басты ережелері. Тезистерде, ереже бойынша, деректі материалдар қарастырылмайды, ол материал мәтінде айтылатын жағдайаттарды түсіндіру, дәлелдеу немесе дәйектемелеу үшін беріледі.

Тезистер конспектілер сияқты тек қана мәтінді алын-ала зерттеу негізінде ғана дұрыс құрылуы мүмкін болатыны анық.

Мақалаларға аңдатпа мен ой-пікір жазу

Аңдатпа – шығарманың мазмұнының қысқаша сипаттамасы, ол әдетте басты сауалдардың тізімі түрінде беріледі. Аңдатпада шығарманың кейбір ерекшеліктері де аталуы мүмкін: басып шығару уақыты, құрылымының құрылуы, бұл жұмыс кімге немесе неге арналғанын көрсету және т.б.

Ой-пікір дегеніміз белгілі бір шығарманың сындық талдауы. Ой-пікірде, ереже бойынша, жұмыстың көкейкестілігі атап өтіледі, оның құрылымы ашылады, бұл жұмыста қарастырылатын негізгі сауалдар атап өтіледі, оның тәжірибелік маңыздылығына сілтейді. Ой-пікір беруші мазмұндалған мәселеге өз көз қарасын айтады, сарапнамаға жататын жұмыстың қазіргі кездегі талаптардан шыға отырып бағалылығы туралы жалпы қорытынды жасайды.

Курстың белгілі бір тақырыптары бойынша библиография құрастыру

Тақырып байынша әдебиеттерді жинақтау кезінде кітапханадағы жүйелік каталогқа, журналдардың («Ақиқат», «Мысль», «Саясат-POLIC», «СоцИс», ТМД елдерінің университеттерінің хабаршыларының) ақырғы нөмірлеріне, Интернетке жүгіну керек.

Библиографиялық тізімді хаттау кезінде барлық әдеби жұмыстарды авторларының тегі немесе жинақтын атауы бойынша әліппелік тәртіп бойынша орналастыру керек.

Әр-бір жұмысты сипаттау кезінде автордың тегі мен инициалдары, жұмыстың атауы, оны шығару туралы мәлімет: басып шығарған жері мен жылы көрсетілуі тиіс. Журналдық мақалаларды сипаттау кезінде мақаланың авторы, мақаланың атауы, мақала басылған журналдың атауы, басып шығару нөмірі мен жылы көрсетіледі. Мақалалардың жинағын сипаттау кезінде сонын ішіне оның редакторының аты-жөнін енгізу керек.

Әдеби қайнар көздерді сипаттау үлгісі

1. Асылов Н.Ж.XX ғасырдағы қазақ әдебиетіндегі әлеуметтік норма түсінігі. Алматы: Информ-Арна, 2005.

2. Нысанбаева Г.Қазақ қоғамындағы билер сотының теориялық мәселелері //Заң. 2004. №6.

3. Салықжанов Р.С. Жастар және Шәкәрім шығармашылығы // Шәкәрім Құдайбердіұлының шығармашылығын зерттеудегі өзекті мәселелері. Республикалық ғылыми-теориялық конференция материалдары. - Семей, 2006. – 380 бет.

Реферативтік баяндамаларды даярлау

Реферат – ол тақырып бойынша әдебиеттің, ғылыми жұмыстың мазмұның ашу бойынша жазбаша түрде немесе бұқаралық нысанда қысқаша мазмұндау. Рефераттың екі түрін бөледі: бір кітаптің, бір ілімнің немесе ғылыми мәселенің мағынасын беретін және белгілі бір тақырып бойынша бірнеше әдебиеттерден алынған мәліметтерді қамтитын.

Реферативтік баяндаманы дайындау кезінде тек қана баяндаманың мазмұнын ғана ойластырмай (теоретикалық деңгейін, қисындылығын, актуалдығын), сонымен қатар оны аудиторияға жеткізудің әдістемесін ескеру қажет.